O venres 27 de novembro celebrarase no municipio de Agolada a I Xornada Técnica sobre a Mellora no Manexo do Gando Bovino de Leite e de Carne Memorial Xosé Luís Xacobo, unha iniciativa promovida pola asociación O Parapeto en colaboración con Africor Pontevedra.
A xornada celebrarase no local da Terceira Idade da Golada e a asistencia é libre e gratuíta. O programa da xornada é o seguinte
12:00 Inauguración a cargo da conselleira de Medio Rural,Ángeles Vázquez Mejuto
12:30 Raza bovina Rubia Galega: Luis Vidal Galego, enxeñeiro técnico agrícola que actualmente realiza alimentación e xestión de explotacións na Asociación de Africor Pontevedra.
13:15 Información sobre a mellora xenética mediante uns correctos apareamentos: José Luis Meixome Fernández, técnico encargado da realización de apareamentos na Asociación de Africor Pontevedra e colaborador no comité da mesa de selección de touros no centro de Xenética Fontao. Realiza tamén control leiteiro en varias granxas e participa na preparación de animais para as fotos dos catálogos así como para concursos provinciais, autonómicos e nacionais.
14:00 H Alimentación bovina: Oscar Sobrado Castro, enxeñeiro técnico agrícola que actualmente realiza alimentación, xestión e control leiteiro na Asociación de Africor Pontevedra
14:45 H Xantar na parrillada de Agolada e clausura a cargo de José Mejuto Carballal, vicepresidente da Asociación O Parapeto e D. Ramiro Varela Peón, alcalde do Concello de Agolada.
Despois do xantar faráse o sorteo de varias doses seminais doadas polo centro de touros “Xenética Fontao”, máis diversos obsequios relacionados co agro.