O Diario Oficial de Galicia publica hoxe o nomeamento de Francisco García Álvarez como novo presidente do Consello Regulador dá a Denominación de Orixe Valdeorras. Trátase dunha presidencia provisional, en principio ata o mes de xuño, cando se deberían celebrar eleccións a este organismo.
O nomeamento de Francisco García Álvarez prodúcese tras a dimisión de José Vicente Solarat no pleno do pasado 22 de febreiro. Solarat, que apenas levaba un ano á fronte do Consello Regulador, visiuse forzado a dimitir ao carecer de apoios para levar adiante a súa xestión.
Precisamente Francisco García Álvarez é representante do sector crítico que aprobou a dimisión do anterior presidente, segundo informa o portal de noticias noticiasvaldeorras.com . Así, Francisco García, ex concelleiro socialista da Rúa, é representante da cooperativa ruesa, que xunto coa do Barco Larouco, Unións Agrarias e Xóvenes Agricultores aprobaron a dimisión de José Vicente Solarat.