A Universidade Complutense de Madrid e CONAFE coorganizaron un diploma específico para os profesionais da saúde podal das vacas, co obxectivo de achegarlles coñecementos técnicos e certificar a súa experiencia e calidade de traballo como recortadores de pezuñas.
O curso tivo unha duración de 5 días durante o mes de febreiro, 3 de contido máis teórico na Facultade de Veterinaria de Madrid e 2 integramente prácticos en ganderías de Trazo, A Coruña. A parte teórica foi impartida por profesores da Universidade e veterinarios con experiencia en podoloxía bovina. A parte práctica foi avaliada por dous formadores traídos de Francia exclusivamente para este curso.
Esta primeira edición do Diploma foi para alumnos de nivel avanzado, dirixido a podólogos bovinos que xa teñen anos de experiencia. En total foron 26 alumnos nesta primeira edición. No futuro haberá Diplomas en nivel avanzado e tamén en iniciación.