[caption id="attachment_103271" align="aligncenter" width="660"]
Cita esta fin de semana co mel da montaña de Lugo. O vindeiro domingo 31 de outubro celebrarase a IV Feira do Mel no concello de Baleira. O encontro de abelleiros e clientes terá lugar na capital municipal, o Cádavo, durante todo o día. A apertura da carpa onde se situarán os produtores da comarca terá lugar ás 10 da mañá. Desde as 11 até a 1 do mediodía celebraránse tamén obradoiros de degustación e cata de mel e ás 12 será o espectáculo de Mamá Cabra dirixido a público infantil e familiar.
Pero as actividades relacionadas coa apicultura e a produción de mel comezarán xa o día antes. En concreto, o sábado 30 celebrarase unha charla técnica sobre As novas enfermidades das abellas, impartida por Alberto Uría de El país del Abeyeiro.
É a cuarta edición desta feira do mel impulsada desde o GDR Montes e Vales Orientais para fomentar e apoiar a produción de mel na montaña lucense, coa incorporación ao sector de novos produtores que apostan pola profesionalización, o mel de calidade e pola diversificación da súa produción.
[box style="0"]
Primeira Xornada de Degustación da Tenreira dos Ancares
Na primeira fin de semana de novembro celébrase un ano máis, no polideportivo do Colexio de San Román, en Cervantes, a IX Feira de Artesanía. Esta cita, xa consolidada, vén desta volta cunha novidade, xa que coincidindo coa feira terá lugar a I Xornada de Degustación de Tenreira dos Ancares, en colaboración coa cooperativa de produtores de vacún A Carqueixa.
Durante todo o día haberá tamén obradoiros de distinto tipo e actuacións musicais. Para poder participar nas distintas actividades é necesario inscribirte previamente chamando ao teléfono 618590273.
[/box]