O Fondo Español de Garantía Agraria (FEGA) acaba de publicar un informe sobre “Evolución das axudas asociadas á produción durante as campañas 2015 a 2020”, no que se detalla tamén como se foron modificando estas axudas para o sector de vacún de leite.
En concreto, nas axudas asociadas ás gandarías, na axuda aos 75 primeiros animais, o número de solicitantes e o número de animais foi diminuíndo. En cambio, na axuda aos animais seguintes aos 75 primeiros, o número de solicitudes foi incrementándose lixeiramente cada ano, mentres que o número de animais non cesou de aumentar.
No seguinte gráfico recóllese a evolución dos importes unitarios de todas as axudas ao vacún de leite:
O importe unitario seguiu a seguinte evolución:
-Primeiros 75 animais: Obsérvase paradoxalmente que, en 2016 a pesar de diminuír o número de animais determinados, o importe unitario tamén diminúe, debido á modificación do RD 1075/2014 para esta campaña e seguintes no cálculo do importe para cada unha das dúas rexións establecidas. En todas as campañas o importe da axuda por animal ten ido aumentando aos poucos con respecto á anterior.
-Animais seguintes: Aumenta o número de animais determinados e tamén o importe unitario, como consecuencia do mencionado cambio no cálculo do mesmo a partir dos 75 primeiros animais.