O Copa-Cogeca, unha organización que representa ás cooperativas agrarias a nivel da UE, alerta contra o uso de patentes no sector agrícola europeo nun seminario organizado esta semana en Bruxelas pola OCVV (Oficina comunitaria de variedades vexetais). Advirten de que provocará unha redución do número de produtos e de variedades así como un aumento dos custos. Neste sentido, o presidente do grupo de traballo "Sementes" do Copa-Cogeca, Thor Kofoed, declarou "Un sistema de patentes no sector agrícola europeo non axudará aos agricultores a obter mellores variedades de cultivo adaptadas ás condicións locais. Pola contra, dará lugar a unha redución do número de produtos e de variedades e a custos adicionais. O Copa e a Cogeca están moi preocupados polo crecente número de patentes concedidas para plantas. " A última foi a decisión da Alta Cámara de Recursos da Oficina Europea de Patentes (EPO polas súas siglas en inglés), a cal recoñece dúas patentes: unha da empresa británica para o brócoli que contén unha substancia amarga anticanceríxena e outra dunha empresa israelí para o tomate 'engurrado' con baixo contido de auga. "Teremos que obter unha licenza do titular da patente" Non obstante, segundo as cooperativas agrarias europeas "as características específicas destas plantas de brócoli e tomate non foron inventadas ou fabricada artificialmente, senón que estiveron presentes xa nas plantas nais silvestres e son o resultado de prácticas de cruzamento e selección, é dicir, procesos esencialmente biolóxicos". Neste sentido, o Copa-Cogeca teme que "mediante esta decisión se amplíe o alcance da patente a todas as plantas de brócoli e de tomate que presenten as mesmas características". "Esta protección significará que todas as empresas que producen variedades coas mesmas características terán que obter unha licenza do titular da patente, o que formula un risco tanto para os agricultores como a sociedade en xeral".

A Comisión Europea acaba de adoptar 10 novas autorizacións de organismos xenéticamente modificados (OXM) destinados á alimentación humana ou animal, e renova 7 autorizacións vixentes - tamén autorizará da importación de 2 variedades de flores cortadas. Estes OXM tiveron que pasar un procedemento exhaustivo de autorización, que inclúe unha avaliación científica pola Autoridade Europea de Seguridade Alimentaria (European Food SafetyAuthority,EFSA). As autorizacións non cobren o cultivo destes OXM. Todos os OXM aprobados hoxe demostraron ser seguros antes de ser posto no mercado da EU. Estes produtos OXM autorizados hoxe serán engadidos á lista existente de 58 OXMs autorizados na UE para uso alimentarios (inclúen variedades de millo, algodón, soia, colza, remolacha azucreira). As autorizacións teñen unha validez de 10 anos, e calquera dos produtos producidos a partir destes OMX estarán suxeitos a estritas normas de etiquetaxe e trazabilidade da UE. Os Estados membros, tanto no Comité Permanente e no Comité de Apelacións, abstivéronse sobre as devanditas autorizacións. En ausencia dun ditame que reflicte a decisión do Comité, a Comisión está obrigada polo marco xurídico relativo aos OXM e pola Carta dos Dereitos Fundamentais a adoptar unha decisión sobre a solicitude, o que, na práctica, implica conceder a autorización.

Ante o debate social e as diferenzas na opinión pública dos países da Unión Europea en torno aos Organismos Modificados Xenéticamente(OMX) a Comisión Europea quere que sexan os Estados membros os teñan a última palabra. Así, se en marzo de 2015 o Consello e o Parlamento acordaron unha modificación do marco xurídico dos OMX co fin de permitir aos Estados membros restrinxir ou prohibir o cultivo de OMX autorizados, agora a Comisión quere ampliar esta solución aos alimentos e os pensos modificados xenéticamente.

En concreto, a Comisión propón modificar o Regulamento sobre alimentos e pensos modificados xenericamente co fin de permitir que os Estados membros adopten decisións nacionais polas que se restrinxa ou prohiba o uso de OMX en alimentos ou pensos, unha vez que foron autorizados a nivel da UE (medidas de exclusión voluntaria).

Esixencias aos Estados que deciden prohibir os OMX

Os Estados membros deberán xustificar que as súas medidas de exclusión voluntaria son compatibles co Dereito da UE e os principios de proporcionalidade e non discriminación entre produtos nacionais e non nacionais.

Non obstante, non están autorizados a utilizar xustificacións que entren en conflito coa avaliación dos riscos para a saúde humana e animal e o medio levada a cabo pola Autoridade Europea de Seguridade Alimentaria (EFSA), que é a autoridade europea competente na materia.

De feito, a proposta non debe alterar o nivel uniforme de seguridade garantido pola avaliación a escala da UE. Ademais, en caso de que se descubran novas probas de que o produto podería formular un grave risco para a saúde ou o medio, o marco xurídico da UE xa contén disposicións que permiten aos Estados membros prohibir un alimento ou un penso modificado xenéticamente á espera de que a UE examine a situación.

Estas medidas deberán comunicarse á Comisión e aos demais Estados membros antes da súa adopción, e a Comisión e os demais Estados membros terán noventa días para presentar as súas observacións, se é o caso.

Nos casos en que un alimento ou un penso modificado xenéticamente xa se estea a usar no momento en que un Estado membro adopte unha medida de exclusión voluntaria, a proposta prevé que debe concederse aos operadores un período razoable de tempo para esgotar as existencias deste produto. Por outra parte, as medidas non deberán ter por obxecto produtos nos que se descubra a presenza accidental de OMG autorizados na UE por debaixo do albor de etiquetaxe establecida na lexislación.

Esta proposta enviarase ao Parlamento Europeo e ao Consello, así como ao Comité Económico e Social Europeo e ao Comité das Rexións, que a examinarán no marco do procedemento lexislativo ordinario.

Máis do 60% da proteína para alimentación animal que importa a UE procede de países que autorizan os OMX

Ata a data, hai cincuenta e oito alimentos e pensos modificados xenéticamente que están autorizados na UE.

O número de produtos alimentarios modificados xenéticamente que pode realmente encontrarse nos comercios é limitado. Isto pode ser consecuencia dos requisitos de etiquetaxe para os alimentos MX e da dispoñibilidade de alternativas que non foron modificadas xenéticamente.

A situación é diferente no que respecta ao sector dos pensos modificados xenéticamente. Na UE existe un importante mercado para os pensos modificados xenéticamente: máis do 60% das necesidades de proteínas vexetais da UE para o gando vacún cóbrense mediante importacións de soia e fariña de soia procedentes de terceiros países nos que o cultivo de OMX está moi estendido.