Ao longo de 2022, Lactalis Nestlé conmemora medio século do primeiro iogur comercializado pola súa marca en España. Desde que se venderon os primeiros iogures Nestlé, baixo a denominación comercial Chamburcy nese momento, a historia da marca tivo como denominador común a constante procura da innovación.
De feito, as novidades hanse ir desenvolvendo desde as etapas máis temperás da compañía, por exemplo a primeira copa de chocolate con nata, lanzada en 1974 con gran éxito no noso país baixo o nome de Dalky. Esta marca, igual que outras como La Lechera, Flanby ou Sveltesse, seguen aínda activas no mercado, conquistando ás familias 50 anos despois.
Nun ano tan especial para Lactalis Nestlé como o dos seus 50 aniversarios, a compañía quixo involucrar ao consumidor na celebración cun potente plan de innovación. E para iso, en abril, lanzáronse dous novos produtos que aspiran, unha vez máis, a revolucionar o mercado: La Lechera Trío e Nestlé Gold Natillas Crujientes.
O segmento de iogur vidro é o máis representativo da marca La Lechera, pois é o produto co que a marca se lanzou en España na década dos 80. Desde entón, desenvolveuno constantemente a través da innovación e da comunicación: é a única marca de iogures en vidro que inviste anualmente en Medios (TV e Dixital) para seguir desenvolvendo este segmento e achegar valor.
No ano do 50 aniversario, La Lechera volve sorprender e presenta o seu primeiro iogur vidro tricapa, Trío de Sabor. Unha auténtica explosión de sabor que permite gozar en cada cullerada da combinación fresca e cremosa do iogur con deliciosas froitas e unha irresistible crema tipo coulis no fondo, no envase de vidro reciclable de sempre.
Esta nova gama estará composta de dúas variedades: Mazá caramelizada con iogur cremoso e un toque final de doce caramelo ou Marmelada de amorodo con iogur cremoso e un toque final de intenso chocolate.
Nestlé Gold saíu ao mercado en 2013 e desde o primeiro momento revolucionou o segmento de mousse e instalouse como líder, cun produto totalmente innovador: a primeira mousse con finas capas de chocolate crocante. Esta marca apóiase en comunicación cunha suxestiva campaña de TV que Provoca os teus Sentidos.
Agora, en 2022, Nestlé Gold propúxose revolucionar o segmento de natillas coas primeiras natillas crocantes do mercado. Coa súa tecnoloxía patentada de finas capas crocantes de chocolate, Nestlé Gold presenta un irresistible contraste de texturas entre unha deliciosa natilla de chocolate ou vainilla cunha espiral de láminas de chocolate intenso. Así, volve Provocar os teus Sentidos.
“Este mercado tivo sempre un gran dinamismo, coa aparición de constantes novidades e unha alta renovación da oferta” explica Alicia Fernández, directora de mercadotecnia de Lactalis Nestlé en España.
“A innovación forma parte do noso ADN e é nosa maior achega ao desenvolvemento da categoría, creando valor ao consumidor, aos nosos clientes e a toda a cadea. Esperamos que co La Lechera Trío e Nestlé Gold Natillas Crujientes podamos, unha vez máis, sorprender ao consumidor, achegándolle, á vez, os nosos rasgos de identidade de sempre: Innovación, Nutrición e Pracer”.
Os lanzamentos serán apoiados por unha campaña de publicidade en medios e en redes sociais, así como con promocións en puntos de venda e concursos.
Hai 32.000 explotacións de vacún, das que 19.000 adícanse a producir leiteCiclicamente, por efecto da sobreoferta de produtos lácteos na UE, a produción suíza experimenta problemas polo seu elevado prezo de produción e de exportación. No ano 2016, durante a última gran crise de precios do leite na UE, o prezo de venda do leite dos gandeiros suízos tocou fondo na barreira dos 50 céntimos, por baixo dos custos de produción, calculados en 55 céntimos. Na actualidade o prezo sitúase en 59 céntimos.
O prezo de venda do leite en orixe superaba o equivalente a un euro a comezos da década dos 90. Na crise de prezos de 2016 tocou fondo en 50 céntimosA protección arancelaria imposta polo goberno federal á importación de cereais garante un prezo alto aos agricultores suízos que os producen (millo, cebada e trigo fundamentalmente) pero encarécelle os custos de produción aos gandeiros de leite. As granxas, ao estar fóra da UE, non perciben a PAC, pero teñen importantes axudas do seu Goberno en conceptos agroambientais. Importación mínima de materias primas
A superficie agraria total é de 1,5 millóns de hectáreas, o dobre que en Galicia, e equivale ao 35% da superficie total do paísA climatoloxía ofrece condicións ideais para o crecemento da herba na primavera, con precipitacións que alcanzan os 1.500 milímetros por ano. Os gandeiros suizos están obrigados a facer analíticas do chan, tanto de nitróxeno como de fósforo e o uso de trévoles nas pradeiras, capaces de fixar o nitróxeno do aire, permítelles empregar menos fertilizantes, tanto químicos como purín. A superficie agraria media por explotación é de 26,5 hectáreas e a produción de leite está baseada na produción de forraxe (herba fundamentalmente). En Suiza hai medio millón de vacas leiteiras, que consumen arredor de 8,4 millóns de toneladas de forraxe ao ano (entre 70 e 80 quilos de herba verde na primavera e o verán e entre 15 e 25 quilos de herba seca no inverno). O uso de concentrados para a produción de leite é moi inferior a respecto doutros países, cunha media de dous quilos diarios por vaca (trigo e soia fundamentalmente) pero case a metade da materia prima dos concentrados tamén é producida en Suiza. Variedade de razas
Holstein vermella e Jersei son razas comúns xunto coas as autóctonas Parda alpina e Fleckvieh, tanto en animais puros como cruzadosTamén dos EEUU viñeron as holstein roxas, moi implantadas tamén en Suiza, tanto en estado puro como tamén mesturada coa raza Fleckvieh, coñecida en Suiza como raza Simmental por ser orixinaria do val suizo de Simme, na zona de Oberland, pertencente ao cantón de Berna. O cruce de Red Holstein e Fleckvieh dá lugar a unha nova raza, a Swiss Fleckvieh. Abundan tamén as Montbeliard francesas e as Jersei inglesas, tanto puras como mesturadas con Holstein, procedentes de Nova Zelanda, onde deron lugar a unha nova raza coñecida como Kiwi Cross. No gando vacún de carne suizo mesmo hai máis variedade que no de leite. Angus, Charolesa, Limusin, Herens, Grey Cow ou Scottish Cow son razas comúns no país helvético. Dentro do gando cabrún destacan razas autóctonas como a Saanen, a Toggenburg ou a cabra Alpina, enfocadas todas elas tamén á produción de leite. Leite verde
Os gandeiros suizos reduciron nun 40% o uso de antibióticos nos últimos 10 anos e só o 13% das vacas están estabuladas todo o anoOs gandeiros que queiran alimentar aos seus animais con fariña de soia alta en proteínas deben garantir que provén dunha fonte sostible e que non é transxénica. Prohíbense os organismos modificados xeneticamente, a fariña de orixe animal, o aceite e a graxa de palma así como as hormonas e os antibióticos destinados a mellorar o rendemento das vacas. Os antibióticos só están permitidos como último recurso no tratamento de enfermidades e a Federación Suiza de Produtores de Leite (PSL) está moi comprometida na súa redución, logrando unha diminución no seu uso do 40% nos últimos 10 anos. O medio ambiente e o benestar animal son outras dúas preocupacións para o sector no país helvético, onde só o 13% da cabana gandeira está estabulada durante todo o ano. A lei suiza de benestar animal atópase entre as máis estritas do mundo. O país helvético aprobou a primeira lei integral de protección animal no ano 1981, que foi revisada por completo no ano 2008. O transporte de animais está limitado a unha duración máxima de 8 horas e a viaxe en si non pode durar máis de 6 (na Unión Europa permítense tempos de transporte de até 24 horas). Permítese o descornado, pero debe facerse nas tres primeiras semanas de vida da tenreira e sempre con anestesia. Sistema de cotas até o 2009 e proteccionismo arancelario desde entón
Cada vaca dá uns 7.000 litros anuais e a produción vitalicia media son 23.000 litrosA redución da cabana gandeira foi compensada cunha maior produtividade por cabeza. No ano 1985, coincidindo coa entrada de España na UE, Suiza contaba con 816.000 vacas leiteiras; 15 anos despois había 150.000 vacas menos pero a mesma cifra total de leite producida (4 millóns de toneladas). Hoxe quedan 500.000 vacas e a produción total é de 3,5 millóns de toneladas. Cun incremento de 50 litros ao ano, a produción por vaca en Suíza pasou dos 5.700 litros anuais do ano 2000 aos 7.000 de hoxe, unha produción aínda así moito menor que en España, pero con porcentaxes de sólidos moi superiores: 4,10% de graxa e 3,34% de proteína.
A supervivencia do sector depende cada vez máis da exportación e existe un marco xurídico-comercial entre Suiza e a UE, mediante acordos bilateraisA división do mercado do leite en tres segmentos (A, B e C), en vigor desde o 2011, permite diversos prezos. Instaurouse trala supresión no ano 2009 do réxime de continxentes de produción. O segmento A agrupa aos produtos lácteos protexidos por dereitos arancelarios para evitar a entrada e a competencia de produtos do exterior, como o leite de consumo ou a manteiga. Representa o 80% da produción do país, protexida deste xeito do leite de países veciños, como Francia ou Alemaña. O segmento B é o destinado á exportación á UE, en base aos acordos bilaterais con Bruxelas, e o C, cun prezo máis baixo, son produtos que se venden no mercado mundial. En conxunto, dous de cada 10 litros de leite producidos en Suiza son exportados, dous terzos á UE e un terzo ao resto do mundo. O 43% do leite producido é transformado en queixos
Os suizos consomen 60 litros de leite, 21 quilos de queixo e 5 de manteiga por persoa ao anoA produción de queixo en Galicia supón só o 15% do leite producido na nosa comunidade, un dato importante se o comparamos con Suiza en canto á capacidade transformadora para dar saída a produción láctea se temos en conta que para facer un quilo de queixo fan falla 10 de leite e para un de manteiga son precisos 22 litros de leite. O consumo medio de leite en Suiza é de case 60 litros por persoa e ano, un consumo per cápita maior que a media dos 27 estados membros da UE. A nivel mundial o ránking encabézao Nova Zelanda, onde máis leite líquido se bebe, con 104 litros por habitante. En Suiza, sen embargo, teñen máis peso os produtos transformados, sobre todo o queixo. Cada suizo consume 21 quilos de queixo ao ano, só superado polos veciños franceses con 27 quilos por persoa.
Nestlé é a maior empresa de alimentación do mundo por volume de vendas con 90.000 millóns de euros anuais e ten máis de 450 fábricas en 80 paísesNestlé SA é a maior empresa de alimentación do mundo por volume de vendas con 90.000 millóns de euros anuais e ten máis de 450 fábricas en máis de 80 países. Foi fundada polo farmacéutico de orixe alemá Henry Nestlé en 1866 para fabricar leite en pó para bebés e diversificou despois fabricando leite condensado. Nestlé foi tamén a empresa que perfeccionou a fabricación das tabletas de chocolate con leite e inventou o Nescafé durante a Segunda Guerra Mundial. Nas últimas décadas medrou a base de mercar empresas de alimentación de todo tipo e por todo o mundo e posúe hoxe marcas como Nesquik, Frigo, Nestea, Solís, Maggi, Kit Kat, La Cocinera, Purina, Buitoni, Litoral ou Nespresso.
Foi pioneira na recollida de leite en Galicia, onde hoxe procesa 350.000 litros na súa planta de leite condensado de PontecesuresMalia ser a maior láctea do mundo, a súa presenza en Galicia é secundaria, ao estar presente unicamente cunha planta de leite condensado en Pontecesures, inaugurada en 1939 baixo o nome Industria Lechera Peninsular SA (de onde vén o nome da marca La Lechera). Nestlé foi pioneira na recollida de leite na nosa comunidade nas comarcas de Caldas, O Morrazo e o Deza. A planta de Pontecesures, que foi ampliada recentemente, procesa na actualidade uns 350.000 litros de leite recollidos en Galicia e producirá este ano unhas 60.000 toneladas de leite condensado. Dous terzos da súa produción expórtase a países de Europa, África, Asia e Oceanía. Unión de 62 cooperativas Tamén é suiza Emmi AG, con sede en Lucerna e fundada en 1907 grazas á unión de 62 cooperativas, e que controla a recollida e transformación do leite producido na Confederación Helvética. O queixo é o produto de alimentación máis exportado desde Suiza e Emmi ten parte do mérito. Ademais de atender o mercado interno, a empresa fabrica queixo e outros produtos como o famoso Caffé Latte que exporta desde o país alpino a case 60 países. A nivel internacional, a empresa dá traballo a 7.800 persoas en todo o mundo (dous terzos fóra de Suíza) e conta con plantas de produción en Alemaña, Italia, Países Baixos, Austria, EEUU, Chile e Túnez. En España posúe dous terzos do accionariado da vasca Kaiku desde o 2012.
Emmi posúe desde o ano 2012 dous terzos do accionariado da vasca KaikuEmmi converteuse na principal láctea suiza en xaneiro de 2003 ao adquirir á súa principal competidora, Swiss Dairy Food (SDF), que era o segundo gran procesador de leite de Suiza. No ano 2002 SDF pasou por un momento delicado ao entrar en suspensión de pagamentos. O Goberno helvético e os bancos do país saíron no seu rescate cunha aportación conxunta de 160 millóns de francos (150 millóns de euros) para evitar a súa bancarrota pero finalmente Emmi acabou mercando a empresa, que tiña daquela 1.600 empregados traballando en catro factorías en Lausana, Lucerna, Gossau e Thun.
Nestlé págalles a 0,36 euros o litro, grazas aos sólidos¿A clave?: “O primeiro é a xenética e logo está o manexo”, responde convencido este gandeiro. Para manter o nivel de sólidos e a xenética dos animais que importaron o criterio que empregan para os acomplamentos é que os touros nunca sexan negativos en calidades e que suban en produción. “Para iso tes que ir a touros de Holanda, porque os de Estados Unidos ou os de Canadá están máis seleccionados para producir litros e non para sólidos”, conta. “Non busco unha vaca de concurso, senón unha vaca resistente, con boas patas, bo ubre e que produza sólidos”; engade. En canto ás inseminacións traballan con seme convencional, despois dunha infructuosa experiencia co sexado. No 50% das vacas inseminan con raza Frisona, recriando todas as femias, e na outra metade poñen seme de Rubia Galega. “É unha raza que nos funciona moi ben, sobre todo porque adianta os partos entre 10 e 12 días respecto ao Limousin, e iso é máis leite, e menos problemas para as vacas”, explica José. Os becerros véndenos a partir dos 15 días a unha media de 200 euros por xato.
“A clave da conservación do silo é un bo pisado”Outro aspecto que chama moito a atención das forraxes de SAT Sampérez é a súa boa conservación, con só un 2% de perdas, malia que os silos non son en trincheira e que non empregan ningún conservante, só ácido fórmico no carro mesturador para que non queza a mestura. Neste sentido, José Calvo subliña que “a clave dunha boa conservación do silo é pisado, pisado e pisado e logo tapalo ben”. No seu caso, tres tractores e 1 excavadora de cadeas están todo o día que dura o ensilado pisando a forraxe para compactala o máximo posible. O menor ancho deste tipo de silo axuda tamén a que a conservación sexa mellor, xa que o avance é máis rápido e o frente do silo está menos tempo exposto ao aire. Con estas forraxes, a ración diaria nesta gandería para as vacas en produción é de 26 kg de materia seca: 32 kg de silo de millo, 11 kg de silo de herba e 11 kg de penso, unha mestura con colza e cun 22,5% de proteína que dende hai pouco lle compran a Agrosoneira a un prezo de 218 euros a tonelada. As xovencas aliméntaas só silo de herba e penso.
“Nesté esíxenos moito, pero estamos moi contentos porque nos dá estabilidade a varios anos e ten unha estratexia”Para comprobar o cumprimento destas esixencias técnicos de Nestlé asesoran ás ganderías, visitando con frecuencia as explotacións, uns controis que se reforzan con visitas aleatorias e dúas auditorías ao ano. Neste sentido, Francisco Rivas destaca que “un dos aspectos que máis valora Nestlé á hora de seleccionar a unha explotación como proveedora é que o gandeiro teña unha mentalidade aberta a adaptarse aos requirimentos que lle fai a industria pola demanda do mercado”. “E José Calvo é un deses gandeiros de mentalidade aberta que precisamos”, subliña. Por último, SAT Sampérez, é unha das 10 ganderías galegas que participan no proxecto “Dairy For Future”, unha iniciativa financiada polo Arco Atlántico e na que participan entidades de Galicia, Portugal, Francia, Reino Unido, Irlanda e País Vasco, co obxectivo de mellorar a sustentabilidade medioambiental das ganderías de vacún de leite. Tamén acolle alumnado en prácticas do Centro de Promoción Rural EFA Fonteboa.
“A principal diferenza dos nosos gandeiros é a súa mentalidade: melloramos xuntos”A certificación de Nestlé inclúe, ademais da calidade hixiénico-sanitaria, normas de benestar animal, manexo, alimentación, etc., pero tamén outros aspectos como o persoal da explotación. Ademais, necesitamos que os gandeiros leven un rexistro exhaustivo de todo o que empregan para producir leite, desde fertilizantes a medicamentos que aplican cando algunha animal enferma. Trátase dun sistema que partiu do Manual de Boas Prácticas no sector gandeiro do Ministerio de Agricultura e ao que lle fomos incorporando novos requisitos. Estas medidas son condicións de Nestlé para poder exportar, porque así nolo esixen tamén os nosos clientes a nivel internacional. Buscamos garantir os maiores estándares en seguridade alimentaria e calidade, maximizando tamén o benestar animal e o respecto ao medio ambiente. Cando o teu mercado está na exportación, os requisitos que che piden os clientes son máis altos. Son varios os proxectos industriais en Galicia que teñen como obxectivo a exportación de derivados lácteos. Como responsable dunha planta netamente exportadora -o 60% da vosa produción véndese fóra de España- ¿Como ves o futuro destas iniciativas? Realmente creo que a exportación é o camiño de futuro, pero tamén a realidade é que é moi difícil exportar. Nestlé é netamente exportadora pero aínda así énos difícil, porque compites con empresas de todo o mundo que traballan mesmo conxuntamente a nivel sectorial con outras do mesmo país. Tedes previsto na planta de Nestlé en Pontecesures traballar outras liñas de produtos lácteos como ecolóxicos ou en pastoreo? Non o temos en mente nin o descartamos. Se o cliente nolo pide imos traballar nesa liña de produto. Creo que a produción ecolóxica vai ir a máis e o consumidor vai apostar por este tipo de produtos, pero non sabemos ata onde vai chegar. Entre os produtores de leite, Nestlé é unha das empresas lácteas de Galicia con mellor percepción entre os gandeiros. ¿A que é debido? O Ligal recoñece a fábrica de Nestlé en Pontecesures como a empresa de Galicia con menor rotación de gandeiros. E é así porque o noso sistema de certificación leva un ano implantalo e nós temos que corresponder aos gandeiros cunha estabilidade. De feito, nós xa lles ofreciamos contratos cando estes eran voluntarios, e desde o fin das cotas, os nosos contratos son anuais.
“Somos a empresa láctea que dá maior estabilidade aos gandeiros e na que hai máis relevo xeracional nas explotacións”A nosa filosofía é que o gandeiro se implique con Nestlé e vaia mellorando connosco. Ademais, cando proporcionas estabilidade ao gandeiro, facilítaslle o relevo xeracional na explotación e xéraslle tranquilidade nos investimentos que realiza. Como inflúe o prezo nesa relación estable entre industria e gandeiro? O prezo está claro que é un dos factores máis importantes na relación co gandeiro, pero non é o único. A proposta de prezo que se lle fai ao gandeiro foi evolucionando, ata chegar ao que temos actualmente. O sistema de prezo ten en consideración índices que tratan de facer que o prezo pagado en cada momento sexa competitivo tanto para o gandeiro como para a industria. Ademais do prezo, considero que inflúen outros factores. Así, Nestlé ten persoal en campo que está permanentemente asesorando ao gandeiro, de forma que este sempre nos vai atopar para axudalo, informalo etc. Niso si que notamos que o gandeiro séntese máis apoiado e asesorado. Ademais, ofrecemos microcréditos aos nosos gandeiros en condicións vantaxosas e fomos, por exemplo, dos primeiros en falar con eles de mellora do benestar animal. Ao gandeiro sempre lle dicimos que ten que estar cómodo connosco para que a relación sexa beneficiosa para ambas as partes. Cales son as previsións de produción para a planta de Pontecesures para este ano? Nesta planta fabricamos basicamente leite condensado que se destina á exportación nun 60%. Tamén elaboramos, en menor medida, outras variedades, como doce de leite, cocido, etc. Esperamos producir este ano unhas 47.000 toneladas de produto, das que o 60% destínase á exportación. Somos a única fábrica de leite condensado de Nestlé en Europa, polo que exportamos tanto a Europa, como a países do Magreb, países árabes ou do África Subsahariana, pero tamén a Asia e mesmo a Nova Zelandia. Como inflúe a vosa vocación exportadora nas calidades ou sólidos do leite que lle pedides aos vosos gandeiros? En graxa e proteína pedimos, na media, unhas calidades do 3,7 e do 3,2%, respectivamente. Pero temos un sistema propio de pago de calidades, de forma que non pagamos por litros senón por quilos de graxa e de proteína recibidos. Levamos algo máis de ano e medio con este sistema, e foi ben recibido polo gandeiro.
“Cada vez vai haber unha maior especialización por parte do gandeiro e da industria”Realmente fóra de España non se paga en litros, senón en quilos de leite ou de graxa e de proteína. No noso país, quizais ata agora, non evolucionou nese sentido pola excesiva orientación da industria láctea cara ao envasado de leite líquido. Porén, creo que a tendencia vai ser que o gandeiro terá que producir aquilo que a industria lle pide, e a industria vai ter que fabricar o que lle pide o consumidor. Cada vez vai haber unha maior especialización por parte do gandeiro e da industria, de forma que haxa industrias especializadas en envasado de leite que lle pidan ao gandeiro que produza litros de leite, pero outras moitas, cada vez máis, especializaranse noutros derivados lácteos e pediranlle ao gandeiro que sobre todo elabore sólidos.
“A gran debilidade do sector lácteo en Galicia é a falta de colaboración entre industrias, gandeiros e cooperativas”Somos os propios actores do sector lácteo os que non estamos a facer o noso traballo. Cando saes a exportar ves que compites con países onde todo o sector, tanto industrias como gandeiros, traballan de forma coordinada e na mesma dirección para ser máis competitivos. A administración ten que exercer o seu papel, facilitando ao máximo a ordenación e a modernización do sector lácteo. Pero non pode decidir cal debe ser a evolución deste sector. Esa é unha tarefa que nos corresponde a industrias, cooperativas e gandeiros e non o estamos a facer. Inflúe niso o feito de que a maioría das grandes industrias lácteas de Galicia son de capital foráneo? Podería ser, pero tampouco vexo que o lideren as empresas con capital galego. Ademais, gran parte dos que diriximos en Galicia as industrias de capital foráneo somos xente de aquí.