O pasado venres mostrábase ao público a tenda de Icos en A Barrela (Carballedo) cunha nova imaxe baixo o selo Mercarural impulsado por Delagro. A reforma responde á continua vontade das entidades de satisfacer a crecente demanda dos consumidores da zona, de produtos agrarios e alimentarios, que xa comezou o ano pasado co éxito da implantación do departamento de peixería.

Con máis de 300 metros cadrados, a superficie comercial gaña un 10% de sala de venda, o que supón un considerable incremento no catálogo de produtos.

Novidades

Potenciouse en tenda a sección de pensos para mascotas, ademais de incorporar planta viva no departamento de xardinería, no que tamén se potenciaron as familias de rego, poda, sufatado e sementes.
No que respecta a ferraxería e bazar, introdúcense novas ferramentas manuais e eléctricas e amplíase o surtido de bombillas e material eléctrico.

Entre outras melloras nos departamentos de alimentación e fogar, incrementáronse en 55 metros os lineais de libre servizo. A sección de refrixerados ampliouse nun 60%, estendendo a selección derivados lácteos. Duplicouse tamén, o espazo de produtos conxelados.

Mercarural

O selo Mercarural, creado pola cooperativa de segundo grao Delagro, busca dotar ás tendas agrarias do contorno rural dunha imaxe corporativa recoñecible, moderna e diferenciada e dunha estratexia comercial baseada na competitividade, mantendo sempre criterios estéticos e comerciais axustados á casuística de cada zona, para a mellor satisfacción da demanda.

José Manuel Díaz, responsable do Departamento de Mercarural de Delagro, e Jesús Bardelás, director de Icos, cooperativa especializada en lácteo, subministracións e servizos, acudiron á inauguración do establecemento.

A cooperativa O Val, de Narón, leva dúas semanas formando a todo o seu persoal en técnicas de Visual-merchandising a 28 persoas, co fin de capacitar e preparar adecuadamente aos seus empregados de cara a unha próxima remodelación do espazo comercial da cooperativa que ampliará as súas instalacións e adaptaraas á imaxe de marca Mercarural, da man de Delagro S. Coop.

Divididos en dous grupos, a segunda quenda dará por finalizada mañá esta actividade formativa, impartida por especialistas cualificados, ao tanto das últimas tendencias en marketing.

A aprendizaxe inclúe, ademais de técnicas de venda, cuestións relacionadas coa disposición e reposición de produtos, o seu correcto aprovisionamento, análise da competencia, estratexias puntuais, etc.

Sen poder confirmar aínda as datas de apertura pero co foco de atención posto no verán, a nova superficie de vendas da cooperativa alcanzará os 1.400 m2. Un espazo no que terán cabida produtos agrarios (roupa e calzado de traballo, sementes, produtos fitosanitarios e zoosanitarios, material de hixiene e muxido etc.) e tamén unha gran zona destinada a alimentación.

A nova imaxe da tenda adaptarase, por completo, aos parámetros establecidos pola marca Mercarural, ensina que está dotando ás tendas do ámbito rural dunha personalidade diferenciada e alto nivel de profesionalización, seguindo criterios estéticos e marketing avanzado.

14 tendas integradas en Mercarural

O Val converterase así na decimocuarta tenda integrada en Mercarural, desde que en 2011 comezase a realización de implantacións. Ata o momento xa son oito as entidades de Asturias e Galicia que formalizaron a transformación e o número de peticións segue aumentando.

Mercarural é propiedade da cooperativa de segundo grao, Delagro S. Coop., entidade que integra cooperativas de Asturias, Cantabria e Galicia. Fortemente asentada como central de compras, conta cunha potente estrutura departamental en alimentación e produción vexetal e animal, automoción, fertilizantes, combustibles, etc., á vez que estende a súa actividade ao área de asesoramento e marketing entre outras.

Mercarural, a rede de tendas de Delagro, ven de abrir un novo establecemento na localidade de Bretoña, no concello lucense da Pastoriza.

Representantes de Delagro desprazáronse a localidade lucense de Bretoña, na Pastoriza, para reunirse cos membros do Consello Rector da cooperativa gandeira, Terras do Miño e rubricar, nun acto de carácter oficial, a súa benvida á firma Mercarural, firma que traballa na unificación da imaxe das distintas tendas agrarias.

A cooperativa abría ao público, fai uns días, a súa propia tenda agraria. O local, duns 300 metros cadrados, destinou unha parte importante da superficie a supermercado, destacando as familias de froitería e charcutería ao corte, reservando o 40% do espazo restante á venda de produtos agrarios (roupa e calzado de traballo, sementes, produtos fitosanitarios e zoosanitarios, material de hixiene e muxido, etc.), co que a entidade está preparada para cubrir as principais demandas dos seus clientes.

Mercarural: unha rede que xa conta con 7 tendas

A imaxe do novo espazo comercial adáptase íntegramente aos parámetros establecidos por Mercarural, firma que dota de personalidade diferenciada ás tendas do ámbito rural baixo criterios estéticos, comerciais e de marketing avanzado, precedidos da realización dun completo e rigoroso estudo de mercado.

Os criterios engloban, desde a xestión no aprovisionamiento ata a disposición final dos produtos nas estanterías, incidindo nunha actividade formativa previa e continuada do persoal, impartida por persoal altamente cualificado procedente da estrutura departamental de DELAGRO.

Con esta, son sete as cooperativas que, desde o verán de 2011, xa han implantado ou transformado as súas tendas baixo as directrices de Mercarural.

Actualmente DELAGRO segue traballando na implantación da marca MERCARURAL en tendas de Asturias, Cantabria e Galicia.