Leyma, empresa que forma parte do Grupo Lence desde 2005, presenta a súa nova campaña, É leite, é Leyma, na que pon en valor a importancia de levar acompañando durante as últimas seis décadas ás familias e á sociedade galega e tendo a honra de ser “o leite de Galicia por excelencia”.

Esta ambiciosa aposta de Leyma no contexto do seu 60 aniversario e o lanzamento do seu novo packaging, terá repercusión en todo tipo de formatos e dispositivos: desde televisión, prensa online e papel, ata instalacións exteriores na vía pública.

Con É leite, é Leyma, ademais, a marca continúa fomentando o consumo de leite 100% galego nun momento de grandes incertezas para o sector lácteo debido á escaseza de materia prima. A aposta pola produción e transformación de leite de ganderías galegas é para Leyma a forma de vertebrar ao territorio.

Leyma leva traballando con ganderías familiares galegas máis de 60 anos, creando valor para o rural e para Galicia (Carmen Lence)

“Leyma leva traballando con ganderías familiares galegas máis de 60 anos, creando valor para o rural e para Galicia”, explicou a CEO da compañía, Carmen Lence. “Estamos orgullosos da diferenza que achega esta empresa no sector lácteo, e queremos concienciar aos consumidores e á sociedade galega da necesidade de apoiar ao sector lácteo galego, importantísimo para a nosa economía e para a soberanía alimentaria da nosa rexión”, relatou.

Compromiso coa orixe e a tradición

O novo packaging de Leyma recupera a emblemática vaca que acompañou os seus envases desde 1962

Leyma presentou recentemente o seu novo packaging, co que recupera a súa emblemática vaca que acompañou á marca desde a súa creación en 1962, cando inaugurou a súa primeira central leiteira na Coruña. Agora, co inicio de 2023, presenta a campaña É leite, é Leyma, que contén unha peza audiovisual coa que evoca a historia da compañía acompañando ás familias nos seus fogares desde hai décadas.

Queremos concienciar aos consumidores e á sociedade galega da necesidade de apoiar ao sector lácteo galego, importantísimo para a nosa economía e para a soberanía alimentaria da nosa rexión

“Leyma conta cunha gran tradición e recoñecemento entre as marcas lácteas, sendo parte da vida diaria de moitas familias da nosa comunidade, tal e como mostramos na campaña”, destacou Carmen Lence. “É leite, é Leyma pon en valor que Leyma é o leite galego por excelencia”, sentenciou Carmen Lence.

 

Novo packaging de Leyma, que recupera a imaxe da vaca que acompañou a marca desde a súa creación en 1962 Leyma, como marca emblemática do leite galego, recupera a tradición nunha nova etapa na que quere defender o valor de consumir leite producido e transformado en Galicia nun momento de grandes incertezas para as ganderías. "Se algo representa aos galegos é o orgullo e o respecto que sentimos polo noso, e Leyma é un exemplo de vinculación co territorio que leva acompañando aos consumidores dende 1962”, explica Carmen Lence, a CEO do Grupo Lence, ao que pertence a marca e a planta de Arteixo na que se envasa desde a súa compra a Puleva no ano 2005. A compañía busca recuperar a tradición que hai detrás dun produto de primeira necesidade como é o leite, coa sostibilidade do sector e a necesidade de apostar polo produto local: "a única maneira de manter vivo o sector lácteo galego", asegura.

Queremos apoiar aos gandeiros e gandeiras nun momento de grandes incertezas para o sector lácteo e o campo de Galicia

Desde a súa fundación fai 60 anos, Leyma contribúe a que o 40% do leite consumido en España sexa de orixe galego, destaca a presidenta do Grupo Lence. Con todo, matiza, "na propia comunidade galega, só a metade deste 40% pertence a empresas 100% galegas", polo que asegura que Leyma busca "apoiar aos gandeiros e gandeiras nun momento de grandes incertezas para o sector lácteo e o campo de Galicia". Líder en leite pasteurizado Para esta nova etapa, a compañía recupera a imaxe da súa emblemática vaquiña, que acompañou a Leyma dende a súa creación no ano 1962, cando inaugurou a súa primeira central leiteira na cidade da Coruña, e que será a protagonista do novo packaging da gama de produtos, xa dispoñible nalgúns puntos de venda.

Leyma comeza unha nova etapa recuperando a imaxe da vaca nos seus cartóns

Deste xeito, Leyma busca evocar a infancia de moitos galegos e galegas, así como achegar a tradición e a orixe ás novas xeracións. “Queremos que Leyma siga sendo unha marca inspiradora reflexo do leite de sempre”, asegura Carmen Lence. Leyma, con forte implantación no sector da hostalaría, é líder en leite fresco pasteurizado, cuxo consumo está a aumentar nos últimos anos paseniñamente entre os consumidores, pero estando moi lonxe aínda do nivel doutros países europeos, onde o leite UHT é minoritario. 

Leyma Día de Galicia hd from Grupo Lence on Vimeo.

En Galicia, bástanos un simple berro para sentir orgullo pola nosa terra: o aturuxo. Por iso, Leyma, pertencente ao Grupo Lence, única empresa láctea galega que está entre as seis máis grandes de España, sitúao como a peza central da súa campaña con motivo do Día de Galicia.  

Dita campaña está composta por un vídeo especial, que contén imaxes de diferentes puntos de Galicia, son de pandereita e un aturuxo prolongado, así como un concurso convocado nas contas oficiais de Instagram e Facebook da compañía. As persoas que queiran participar deben facer o aturuxo máis prolongado e representativo que poidan. O gañador recibirá litros de leite de Leyma. Por cada 10 segundos de aturuxo, ofrécense 100 litros de leite, e se o aturuxo gañador é de, por exemplo, 9 segundos, esa persoa levará 90 litros.  

Os requisitos que hai que cumprir para participar son seguir a unha das contas de Leyma en redes sociais, confirmar a participación deixando un comentario no post da devandita rede social e compartir o aturuxo de forma pública mencionando a conta da compañía. O prazo para participar finaliza o 25 de xullo ás 23:59 horas, e o martes, día 26, anunciaranse os gañadores no perfil oficial de Leyma en Facebook.  

Un berro cheo de orgullo 

Un aturuxo, segundo sinala o dicionario da Real Academia Galega, é un berro agudo, forte e prolongado que se emite como sinal de alegría, nas festas, nas foliadas e mentres se realizan algúns labores agrícolas. Tradicionalmente, relacionouse, sobre todo, con ambientes festivos, o rural galego e o folclore. 

Recentemente, o trío musical galego Tanxugueiras logrou que o aturuxo viva unha segunda mocidade. Na canción Terra, a súa proposta para representar a España no festival de Eurovisión, lanzaban un destes berros. Ademais de convertelo en algo interxeneracional, posibilitaron que moitas persoas de fóra de Galicia o coñecesen. 

Grupo LENCE, a única empresa láctea galega que está entre as 6 máis grandes de España e comercializadora de marcas como Leche Río e Leyma, creceu ao peche do exercicio de 2021 algo máis dun 10,1% no que aos ingresos consolidados se refire, pasando dos 139,3 millóns de euros obtidos en 2020 aos 153,5 do pasado ano, segundo informa a compañía luguesa. O beneficio bruto de explotación (EBITDA) situouse en 4,9 millóns de euros, un dato superior ao de 2020, que se viu impactado polas consecuencias da pandemia. Carmen Lence, CEO de Grupo LENCE, valora moi positivamente os resultados deste exercicio, xa que "malia a escalada de prezos en conceptos como a enerxía, as embalaxes ou o custo da materia prima que sufrimos desde xuño do 2021, conseguiuse incrementar a facturación e a rendibilidade con respecto ao exercicio anterior. Este é o resultado das políticas de mellora continua iniciadas no 2020, que inclúen a dixitalización, a optimización de custos e outros proxectos que foron claves na consecución destes resultados e así mitigar o efecto da inflación".  Grupo LENCE, con sede en Lugo, é un grupo familiar adicado á alimentación desde 1975. A súa principal área de actividades a  comercialización de produtos lácteos a través de varias marcas propias, entre elas Leyma e Río de Galicia. Conta para iso con tres plantas de produción e traballa diariamente con 450 explotacións gandeiras do rural galego, o 75% dun tamaño mediano e pequeno.