As clases comezarán o vindeiro mes de setembro e rematarán en xuño e as prácticas estenderanse ao mes de decembroA maiores do Máster, a USC oferta tamén a posibilidade de cursar dous módulos formativos independentes, sen necesidade de facer o Máster completo, como cursos de formación continua: un con formación específica de Alimentación na Produción de Leite e outro de Economía das explotacións lácteas. Hai disponibles tres prazas en cada un destes cursos. A inscrición no Máster en Produción de Leite e nos distintos Cursos Específicos pode facerse neste enlace.
A Deputación de Lugo puxo en marcha hai preto de dous anos a Granxa Experimental de Leite na finca Gayoso Gastro, en Castro de Rei. Trátase dun centro de referencia que impulsa o sector primario como motor económico da provincia de Lugo e de Galicia a través do apoio á actividade gandeira, a formación, a innovación e a investigación.
A Unidade de Leite da Granxa Gayoso Castro, creada pola institución en colaboración co Campus Terra da USC, é o primeiro centro público experimental de Galicia que une formación e investigación universitarias sobre o sector lácteo. Ten como obxectivo poñer a formación, a investigación e a innovación ao servizo dos gandeiros e das gandeiras da provincia, de todo o sector primario, e do desenvolvemento do rural.
A Granxa Experimental de Leite cubre unha parte importante das prácticas da Facultade de Veterinaria e da Escola Politécnica Superior de Enxeñería do Campus Terra, o que supón un engadido de calidade na formación do alumnado porque fan prácticas nun laboratorio vivo. Neste curso formaranse 500 alumnos e alumnas do Grao de Veterinaria.
Na actualidade, o centro experimental conta con 44 vacas en lactación cunha produción media de 40 litros por animal e máis de 1.700 litros ao día-
A institución provincial destinou 1,2 millóns de euros para a construción desta dotación, unha cantidade que representa o 90% do investimento total necesario. O Campus Terra da USC achegou o 10% restante, e a institución provincial asume ademais o 100% dos gastos de funcionamento.
As instalacións están construídas nunha finca de 15.500 metros cadrados de titularidade da Deputación, e ao pé da Granxa Gayoso Castro. Ten capacidade para 70 vacas produtoras e 12 secas. Conta cunha nave para gando de leite, unha nave de maquinaria, un aulario (habilitado para 40 alumnos e alumnas, e 20 prazas de persoal investigador), unha fosa de xurro e dous silos de formigón.
Dos 15.500 metros cadrados de superficie que ocupa a Granxa de Leite, 4.400 metros cadrados utilízanse para as infraestruturas. A maiores do previsto inicialmente, a Deputación decidiu pavimentar a contorna do centro, investindo preto de 140.000 euros, para mellorar a presencia e os accesos á infraestrutura. Instalouse unha sala de muxido que ten capacidade para dez cabezas de gando e que utiliza un robot, un mecanismo que se combinará co pastoreo, un sistema pouco común aínda en Galicia pero moi estendido noutras zonas de Europa e que permite diminuír os custes e valoriza o leite.
A Granxa Gayoso Castro é un dos piares máis importantes do apoio que está a desenvolver a Deputación de Lugo ao sector primario da provincia, tanto á actividade agrogandeira e forestal como do mar, un compromiso que tamén se materializa noutras accións innovadoras e pegadas á realidade que a institución provincial impulsa en colaboración co tecido produtivo e coa Universidade para xerar actividade económica e emprego sostible no rural.
A produción media que se acada na Granxa é de 37 litros por vacaA Deputación licita por un importe de preto de 40.000€ e un prazo de dous anos de duración o contrato dos servizos referidos ao robot de muxido da Granxa Experimental de Leite, unha actuación importante porque estas instalacións provinciais que se abriron a finais do ano pasado xa están a funcionar ao 100% da súa capacidade, cunha produción media de 37,9 quilos de leite por vaca ao día. Estas instalacións provinciais acollen tamén a 500 alumnos e alumnas que están a completar prácticas do grao de Veterinaria no Campus de Lugo. Ensilaxe de 80 hectáreas de pradeiras Por outra banda, a Xunta de Goberno tamén aprobou a adxudicación do servizo de ensilado de 80 hectáreas de herba, uns traballos que servirán para almacenar a cantidade suficiente de forraxe co que alimentar aos animais das instalacións provinciais durante todo o ano. Cun investimento de 20.800€, e un prazo de execución cunha duración máxima de 48 horas dende a data de inicio, poderase alimentar ás 2.230 xatas que ten o Centro de Recría e tamén as vacas cachenas de propiedade provincial co fin de impulsar a recuperación desta raza, os exemplares de Raza Rubia Galega froito da colaboración coa Asociación de Criadores de Raza Rubia Galega (Acruga) e a varios cabalos da Granxa Gayoso Castro e que serven tamén para as prácticas do alumnado de Veterinaria da Universidade de Santiago. Reforzo da estrutura das naves Nas vindeiras semanas, ademais, poderán comezar os traballos de reparación das cubertas de varias naves do complexo da Granxa Gayoso Castro afectadas polo mal tempo. A Xunta de Goberno sacou adiante o Plan de Seguridade e Saúde das obras, o último trámite administrativo para que a empresa pública Tragsa poida comezar as obras de reparación da cuberta destas instalacións, que consistirán no seu reforzo estrutural e que contarán cun investimento de 88.375€. Estas obras son necesarias logo dos danos causados polo mal tempo, que afectou ás cubertas e á estrutura dalgunhas edificacións desta finca provincial. A instalación danada estaba en uso e hai que reparala para poder seguir levando a cabo as actividades propias da Granxa con normalidade.
“O nivel de empregabilidade en Veterinaria é alto”-Cales son os principais retos ou obxectivos que te marcas para o teu mandato? Son varios. Por un lado seguir engraxando o sistema docente no sentido de que sexa capaz de responder de forma axeitada ás demandas da sociedade sobre os futuros veterinarios. Ademais, aproveitar más eficazmente a oportunidade que temos como facultade de estar en Galicia, onde a produción primaria e industria agroalimentaria ten tanta importancia. Tamén, dar a coñecer ao sector produtivo gandeiro e a toda a sociedade a importante labor que se está a desenvolver nesta Facultade en investigación e docencia. -O sector agro gandeiro galego cambiou moito nos últimos anos, con cada vez menos explotacións e máis profesionalizadas. Como está afectando isto ao colectivo veterinario e as oportunidades de atopar traballo para o alumnado que finaliza a carreira? Esta evolución da produción gandeira fai que tamén sexan necesarios veterinarios máis especializados para dar resposta a novos problemas e retos que se plantexan. A profesionalización das granxas tamén ten sido acompañada dunha maior especialización dos veterinarios. Campos como a gandería ecolóxica ou produción diferenciada, son exemplos onde a veterinaria ten que dar respostas a un sector que ten que ser competitivo e sostible. -Hai unha precarización das condicións laborais da profesión de veterinario de gando en Galicia? A que se debe? A precarización das condicións laborais non é soamente un problema dos veterinarios de gando. No caso de vacún depende tamén das condicións socioeconómicas dun sector con crise como as do prezo do leite. Sen embargo, nas dúas últimas décadas tamén se produciron cambios nas condicións de traballo, como a formación de equipos veterinarios que permite unha maior conciliación familiar e especialización. -Que outras especialidades están a ter máis inserción laboral? En produción como porcino, aves e coellos os retos sanitarios, a redución de uso de antibióticos, a bioseguridade son campos onde existe demanda de veterinarios. Pero son moitos os campos onde os veterinarios realizan a súa labor: a seguridade alimentaria, o control de zoonoses, a hixiene dos alimentos, na policía sanitaria veterinaria, na investigación, etc. -Que suporá para a Facultade a entrada en funcionamento da Granxa Experimental de Vacún de Leite? Para cando a alumnado poderá facer prácticas alí? Vai a ser una ferramenta moi útil para mellorar a nosa docencia. A Deputación de Lugo contou dende o principio coa Universidade de Santiago de Compostela, de xeito que o proxecto foi deseñado cunha vocación docente, o que se reflexa nas propias instalacións que nos van permitir facer prácticas dun xeito máis axeitado. Esperamos que estea en pleno funcionamento no segundo semestre deste curso, aínda que pode que algunhas prácticas xa podan realizarse antes.
“Esperamos que a Granxa Experimental de Vacún de Leite estea a pleno funcionamento no segundo semestre deste curso”-A Comisión Europea ten en marcha unha estratexia para reducir o uso de antibióticos en gandería. ¿Como está a afectar isto á profesión de veterinario? Temos que seguir traballando en cuestións referidas á prevención que son a base principal da diminución do uso de antibióticos. A prohibición de uso de antibióticos en quimioprofilaxe afectará máis a algunhas especies que a outras. Pero para as especies máis afectadas por esta medida están a desenvolverse programas voluntarios que están a ter un importante éxito neste sentido.
“A prevención é a base para reducir o uso de antibióticos en gandería”As limitacións de usos dalgúns antibióticos tamén vai esixir unha maior utilización de laboratorios tanto para o diagnóstico etiolóxico como para a realización de antibiogramas. Neste xeito, por exemplo en vacún de leite, as actividades que leva anos facendo o LIGAL no seu laboratorio e na elaboración de documentos como a guía terapéutica de mamites son pioneiras a nivel nacional e internacional e son exemplos dos pasos a seguir para ir polo bo camiño. -Como está afectando ao funcionamento da Facultade a pandemia da Covid-19? O maior cambio produciuse co confinamento que pasamos antes do verán. O profesorado e alumnado mostraron, aínda así, unha gran capacidade de adaptación buscando alternativas docentes non presenciais. Agora, a presencialidade é a nosa primeira opción. Todas as prácticas son presenciais e a teoría realízase desta forma en dous cursos, pero no segundo semestre esperamos que sexa toda presencial. Para iso establecéronse diferentes medidas de bioseguridade que xunto co compromiso demostrado por alumnos/as e profesores/as permite asegurar que a asistencia a actividades docentes podamos considerala de baixo risco.
“Na loita contra o coronavirus é clave facer unha vixilancia activa de grupos de poboación de risco”-Os veterinarios están afeitos a loitar contra a propagación de coronavirus no gando. Que leccións se poden tirar para tamén controlar a Covid19 e porqué non están a ser efectivas as medidas que se están a tomar para controlar a expansión da pandemia?O principal cando se está a traballar neste tipo de enfermidades onde existen individuos sen síntomas que poden ser fonte de infección é considerar que unha parte importante do problema non é visible. Polo tanto, non se pode traballar unicamente desde un punto de vista clínico, senón tamén utilizando a análise de riscos como unha ferramenta fundamental. En veterinaria estamos afeitos a traballar deste xeito á hora de establecer as medidas de control dunha infección nunha poboación. Para iso é fundamental establecer programas de vixilancia activa efectivos que inclúan non soamente aos individuos con contacto con enfermos, senón tamén grupos de poboación que deben ser definidos por unha análise de risco axeitada. Ademais debe ser organizada de forma que facilite a información necesaria para poder facer un proceso constante de avaliación das medidas establecidas. Os confinamentos son o froito do fracaso da aplicación axeitada das medidas de vixilancia activa e de inseguridade.
“As críticas do movemento animalista son froito da cada vez maior desconexión da sociedade coa natureza e o mundo rural”-O movemento animalista ten posto nalgunha ocasión na súa diana a realización de prácticas con animais nas Facultades de Veterinaria. Como valora estas campañas e como cre que lle está afectando ou afectará á profesión de veterinario? Os veterinarios somos os primeiros garantes do benestar animal e desde fai anos existe unha lexislación a nivel comunitario moi esixente en relación ao benestar dos animais. Descoñezo como se pode formar en medicina veterinaria sen contacto con animais. Ademais, nas facultades de veterinaria, as actividades docentes que se realizan refírense a prácticas agropecuarias e clínicas non experimentais; que son de uso cotián na actividade dun veterinario. A veces o que hai é descoñecemento e as críticas son froito da cada vez maior desconexión da sociedade coa natureza e o mundo rural.
A formación será impartida por Xan Pouliquen e está dirixida a gandeiros de leiteO remate do curso conleva un diploma oficial. O curso consta de 6:30 horas presenciais repartidas en dúas sesións que terán lugar na Escola Politécnica Superior de Enxeñería de Lugo os días 21 (de 15 a 17:30) e 31 de agosto (de 15 a 19 horas), mais outras 5 horas de formación online. O espazo para as actividades presenciais está dotado cos medios necesarios para garantir as medidas sanitarias fronte ao COVID, sendo preciso traer mascarilla e DNI. No caso de producirse algunha excepcionalidade relacionada coa pandemia que dificultara a convocatoria presencial procederíase a realizar a actividade de xeito online. A limitación de aforo fai que haxa só 60 prazas dispoñibles O prazo para inscribirse remata o mércores 19 de agosto, sendo o límite de prazas de 60, que se asignarán por orde de inscrición, valorándose ter participado na enquisa previa realizada entre o sector durante o mes de maio por parte da universidade. Unha vez feita a inscrición procederase a asignar credenciais de usuarios para entrar na plataforma de formación da USC. O curso é totalmente gratuíto polo que os organizadores agradecen o compromiso de rematalo a fin de evitar que se perdan prazas de posibles interesados. As inscricións poden facerse a través do correo electrónico pedrofiz.rocha@usc.es e para calquera aclaración está habilitado o teléfono 630526850. Unha das principais inquedanzas do sector Durante o mes de maio pasado, o Campus Terra da USC lanzou unha enquisa para coñecer o impacto da COVID-19 nas explotacións lácteas galegas e que papel podería xogar a universidade para apoiar aos gandeiros. Entre os resultados obtidos destaca a ampla demanda de formación en xestión tecnico-económica das explotacións lácteas como ferramenta para mellorar o manexo das distintas variables que afectan ás gandarías nun momento de incertidume como o actual. Por este motivo, dende o Campus Terra da USC decidiron organizar esta formación semipresencial e gratuíta en Xestión Técnico Económica de explotacións leiteiras. Este curso inscríbese dentro da posta en marcha da Granxa Campus Terra, unha explotación de vacún de leite con fins docentes e investigadores, por parte da USC en colaboración coa Deputación Provincial de Lugo.
A Granxa Experimental de Vacún de Leite do Campus Terra, que promove e financia a Deputación de Lugo coa colaboración do Campus Terra da Universidade de Santiago de Compostela, acollerá nos próximos meses un rabaño duns 90 animais Hostein procedentes da Granxa Gayoso Castro.
A instalación, situada en Castro Ribeiras de Lea e que está a ser construída pola empresa COPCISA S.A despois de gañar o concurso público convocado polo ente provincial, ten previsto estar operativa este outono para os estudantes do Campus Terra e chegar a acadar as 70 vacas en muxido.
“Os animais de vacún de leite que temos na Granxa Gayoso Castro son os que van pasar para a nova Granxa Experimental do Campus Terra, mellorando moito en benestar animal e deixando libres as instalacións actuais para ampliar e mellorar o rabaño de Rubia Galega que criamos en virtude do convenio con Acruga”, explica Miguel Ángel Fernández López, director da Granxa Gayoso Castro, un centro dependente e financiado pola Deputación de Lugo.
Actualmente, este rabaño está formado por uns 90 animais, dos que 45 son neste momento vacas en muxido, polo que prevén aumentar a recría de forma progresiva ata chegar ás 70 vacas en muxido.
As orixes deste rabaño remóntanse ás primeiras importacións de España de gando seleccionado de raza Holstein. “Na Granxa Gayoso Castro temos este rabaño dende hai uns 60 anos, cando se realizaron as primeiras importacións de gando holstein seleccionado procedente de Canadá, e posteriormente tamén se importaron algúns animais de Italia. Fomos conservando e mellorando a xenética con acoplamentos de touros de Xenética Fontao”, explica Miguel Ángel Fernández López.
“De feito -subliña- entre os gandeiros os animais de vacún de leite do rabaño da Granxa Gayoso Castro sempre foron moi ben valorados nas poxas organizadas por Africor Lugo”.
Actualmente, estes animais están en estabulación libre con cubículos e as vacas secas e as xovencas saen a pastoreo en determinadas épocas do ano. “As instalacións que temos na Granxa Gayoso Castro para o noso rabaño de vacún de leite son moi antigas, polo que cando sexan trasladadas á Granxa Experimental vai supor unha mellora de benestar animal moi importante”, destaca Miguel Ángel Fernández López.
A Granxa Experimental de Vacún de Leite do Campus Terra que promove e financia a Deputación de Lugo, coa colaboración do Campus Terra da Universidade de Santiago de Compostela, incorporará as últimas innovacións en benestar animal.
A instalación, situada en Castro Ribeiras de Lea e que está a ser construída pola empresa COPCISA S.A despois de gañar o concurso público convocado polo ente provincial, ten previsto estar operativa este outono para os estudantes do Campus Terra.
Falamos con Francisco Fernández Valiña, arquitecto técnico de COPCISA e xefe de obra para que nos explique os aspectos máis destacados desta instalación.
Es o responsable de obra da Granxa Experimental de Vacún de Leite do Campus Terra. Que experiencia tiñades en COPCISA con estas instalacións gandeiras?
Copcisa realizou obras agropecuarias anteriormente, mesmo para a propia granxa Gayoso, aquí en Castro Ribeiras de Lea. A constante evolución neste sector tamén nos obrigou a estudar as novas tecnoloxías e a adaptación das mesmas a esta obra.
Cales foron os principais retos construtivos aos que vos enfrontades na construción destas instalacións?
Destacaría a complexidade da zona de gando dentro da nave principal, pois nela hai instalacións de manexo e muxido moi especificas do sector que deben quedar perfectamente adaptadas e funcionais na distribución interior, para conseguir unha boa produción e as mellores condicións de benestar animal, que é o máis importante nunha granxa deste tipo.
Cantos traballadores participaron na construción desta obra?
Unha vez terminada a obra, contabilizaranse máis de 150 traballadores. En canto ás toneladas de material empregado, por exemplo, para os recheos de toda a parcela achegaranse máis de 12.000 toneladas de material.
Trátase dunha das poucas Granxas Experimentais que existen en España, ¿Visitastes algunhas das existentes?
Realizamos varias visitas organizadas a distintas granxas con instalacións de última xeración similares ás que se colocarán aquí.
A construción da fosa de xurro deparou algunha sorpresa. Que cambios tivestes que realizar?
Si, o terreo nesta zona ten un nivel freático moi alto e as condicións climatolóxicas complicaron en gran medida a execución da fosa, xa que chegamos a ter máis de 2 metros de auga acumulada nela, á que temos que dar saída de maneira constante mediante unha rede de drenaxe subterránea e un sistema de bombeo.
“É moi interesante o sistema de recollida do xurro”
A calidade dos materiais neste tipo de instalacións é clave para resistir o paso dos anos, o peso da maquinaria ou a corrosión. Que destacarías do material empregado?
Os materiais utilizados están pensados para este tipo de explotación. Por exemplo, os formigóns con alta resistencia aditivados contra axentes químicos, a cuberta con panel tipo Agro con lámina inferior de poliéster reforzado para garantir a resistencia ante os gases xerados etc…
O raiado do piso é moi importante para garantir o benestar animal. Que características vai ter?
Será un raiado superficial e pouco agresivo para o animal, así non sufrirán cortes nin terán un gran desgaste.
En canto a coñecemento sobre construción deste tipo de instalacións, ¿que vos está achegando esta obra a COPCISA?
Destaco a gran sensibilidade que hai para conseguir as mellores condicións de benestar animal. Iso deriva nunha gran cantidade de estudo de detalle para calquera avance na execución da obra, que sempre se pode ver aplicado dunha maneira ou outra en obras con características totalmente distintas.
Algo máis que queiras destacar desta obra?
Entre outras, paréceme moi interesante o sistema de recollida de xurro e o traslado mecánico do mesmo de maneira automatizada á fosa. Tamén se conta cun sistema de recollida de pluviais e de auga filtrada polo terreo para o seu almacenamento e posterior aproveitamento na granxa.
Este outono prevese que estea plenamente operativa a Granxa Experimental de Vacún de Leite tanto para o alumnado de Veterinaria como para o resto do estudantado do Campus Terra de Lugo.
A instalación sitúase en Castro Ribeiras de Lea, ao carón da Granxa Gayoso Castro, e está a ser construída pola empresa COPCISA S.A despois de gañar o concurso público convocado pola Deputación de Lugo, administración que financia as obras.
Entre as novidades que incorporará este centro de investigación gandeira estará un robot de muxido para vacas en pastoreo, que se combinará coa sala de muxido clásica para poder obter información e realizar estudos cos dous sistemas.
Trátase dun VMS300 de DeLaval, que ven equipado cunha serie de extras como un contador de células somáticas, un sistema de control de tempos de ruminación e descanso, tanque de leite, silo de alimentación ou sistema de videovixilancia.
“A adquisición do robot realizouse por licitación pública, nun sistema que valoraba con criterios obxectivos a equipación que acompañaba ao propio robot”, explica Pedro Fiz Rocha Correa, técnico do Campus Terra da Universidade de Santiago de Compostela, a institución que sufragou a compra do robot.
O custo do VMS300 de DeLaval foi de 130.000 €, tal e como se recollía na licitación, incluíndo todo o equipamento, e a previsión é que estea en funcionamento durante esta primavera.
¿Por que , ademais da sala de muxido, a Universidade de Santiago optou por instalar un robot de muxido na súa Granxa Experimental? “O robot de muxido presenta unha clara aposta pola innovación, permitindo a recollida dun amplo abanico de datos dentro do enfoque de Smart farming ou agricultura intelixente”, apuntan Pedro Fiz Rocha Correa. E é que os numerosos datos que aportará o robot poderán ser empregados polo estudantado de Veterinaria ou de Enxeñería Agrónoma, entre outros, para realizar as súas investigacións.
Ademais, ao instalarse a Granxa Experimental dentro dos terreos da finca Gaioso Castro, propiedade da Deputación de Lugo, poderase realizar pastoreo co rabaño. “Deste xeito, poderemos combinar o sistema automático co pastoreo, un modelo ben estendido noutros países punteiros como Holanda ou Irlanda e que presenta unha boa oportunidade de desenvolvemento en Galicia e incluso a nivel do estado”, destacan dende o Campus Terra da USC.
O proxecto da Granxa Experimental no seu conxunto alíñase co concepto de vida sostible do Campus Terra, nunha clara aposta pola sustentabilidade ambiental, o benestar animal e a agricultura de precisión. Neste sentido, os responsables universitarios explican que “o robot de muxido encaixa ben cos tres enfoques, permitindo a recollida dun amplo rango de datos ao tempo que permite ás vacas que sexan elas mesmas as que decidan cando e canto se moxen, todo combinado cunha carga gandeira baixa e con libre acceso aos pastos, o que garante un nivel alto de benestar animal, favorecendo, ademais, o secuestro de carbono e a mitigación do cambio climático”.
O equipo instalarase “na cabeza” do establo, entre a zona destinada a parideiras e a zona de separación, por diante da oficina, ocupando unha superficie de 23,5 m2. Deste xeito, o persoal poderá comprobar o funcionamento do robot desde a propia oficina, vixiando o correcto funcionamento do mesmo e atendendo ás posibles alarmas que poidan saltar no programa informático de xestión do robot. Desde a oficina mantense contacto visual total co equipo, pois ambos se comunican por medio dunha ventá.
Esta disposición do robot, dentro do espazo habitual do animal e á vista do resto, permite que non senta illado durante o muxido, o que favorece que os animais pasen con maior facilidade e sufran menos estrés, xa que é coñecido que unha das situacións máis estresantes para unha vaca é o illamento do resto do rabaño.
As vacas poden acceder a el desde calquera dos corredores de exercicio e por vontade propia. A súa disposición permite, que unha vez efectuado o muxido e en caso de detectar que un animal ten ou pode presentar problemas (de mamite, nº elevado de células somáticas…), a separación do animal do resto do gando, enviándoo automaticamente mediante un sistema de portas cara á zona de separación, lugar onde posteriormente será revisado e diagnosticado, ben polo persoal da explotación ou polo persoal da universidade que estean a efectuar prácticas na granxa experimental. No suposto caso de que a vaca non sexa enviada a separación, a saída do robot de muxido está orientada cara ao corredor de alimentación.
O robot de muxido instalarase a nivel do chan da zona de oficina, vestiarios, etc, aínda que se deberá executar un pequeno foso na súa sala, o cal facilita os labores de atención e observación dos animais en caso de ser necesario, e que á súa vez pode ser de gran utilidade para o desenvolvemento das clases. Con respecto a corredor de circulación, o robot irá elevado uns 10 cm para mellorar a protección da sucidade.
A Granxa Experimental de Vacún de Leite do Campus Terra que promove e financia a Deputación de Lugo, coa colaboración do Campus Terra da Universidade de Santiago de Compostela, incorporará as últimas innovacións en benestar animal.
A instalación, situada en Castro Ribeiras de Lea e que está a ser construída pola empresa COPCISA S.A despois de gañar o concurso público convocado polo ente provincial, ten previsto estar operativa este outono para os estudantes do Campus Terra.
Tal e como destacan desde o equipo técnico da Deputación de Lugo que se encarga de supervisar o proxecto construtivo “no deseño das instalacións da Granxa Experimental tívose en conta tanto o benestar animal, os fluxos de traballo no proceso de produción, os movementos dos animais e as últimas melloras e avances técnicos do sector”.
Ademais, a nave de gando -con capacidade para 70 vacas adultas- deseñouse para poder instalar nun futuro un sistema automatizado de alimentación. “Todas as instalacións están pensadas para poder ser ampliadas nun futuro”, sinalan desde a Deputación de Lugo.
Entre as medidas de benestar animal que incorporará destacan:
Instalaranse cepillos rotativos monofásicos para benestar dos animais, con velocidade de xiro de 26 r.p.m., sistema pendular con dous puntos de xiro, un en cada extremo do brazo, conexión e desconexión automática, protección contra sobrecargas e baixo consumo.
Disporanse dúas unidades na zona de vacas en produción e unha unidade na zona de vacas secas.
Instalaranse cornadizas tipo Joudain ou similar de tubo de aceiro galvanizado de 60 mm que irán ancoradas a postes galvanizado de 100×60 mm con inclinación para confort dos animais. Levarán un eixo de xiro calibrado con amortiguador de goma, bloqueo de praza en aceiro revestido con poliamida, desbloqueable e inaccesible para os animais, sistema antiaforcamento dos animais, brazo de mando escamoteable de dúas posicións e coxinete de xiro da barra de bloqueo revestido de material composto.
Existirán 76 unidades na zona de vacas en produción, 8 unidades na zona de lazareto, 8 unidades na zona do semental (por se finalmente variase o uso desta parte da instalación e albergase outro tipo de animais) e 25 na zona de vacas secas.
Estas cornadizas asentaranse sobre un muro de formigón armado de 0,50 metros de altura, para que as vacas queden á altura perfecta para poder acceder á comida.
Instalaranse cubículos galvanizados modelo europeo anchura 1,25/1,35 metros con lonxitude total 2,75 – 3,15,e altura da barra reguladora de 1,20 metros para garantir espazo suficiente para o benestar dos animais.
A súa distribución na nave é a que segue: 70 para as vacas en produción, 16 para as vacas secas e un cubículo dobre (2 ud) para o semental. É dicir, o número de camas para as vacas (86) será superior ao de animais presentes (70).
Para facilitar o acceso entre as diferentes partes da explotación aos traballadores da mesma instalaranse pasos de home entre as cornadizas dispostos de forma estratéxica, catro na zona de vacas en produción, dous na zona de vacas secas, un na zona do semental e outro na zona do lazareto.
En canto á cuberta, esta resólvese con panel sándwich e ventilación cenital, o que favorecerá aínda máis se cabe a ventilación e circulación do aire. Entre medias disporanse de faldóns de cuberta suficientes con paneis translúcidos que achegarán luminosidade ao interior das instalacións reducindo notablemente as necesidades de iluminación artificial das dependencias.
A cuberta resólvese mediante a instalación de panel sándwich especial para cubertas de 30 mm de espesor, soportado sobre viguetas pretensadas tipo VTF (28 viguetas de 9 metros en total, 14 viguetas en cada un dos faldóns de cuberta, 7 entre pórticos), as cales descansan sobre as vigas cargadeiro anteriormente mencionadas.
A Granxa Experimental do Campus Terra contará cun robot de muxido pero tamén cunha sala de muxido convencional en espiña de peixe con capacidade para 10 animais, que aínda que nun principio non irá equipada con toda a maquinaria necesaria para a práctica do muxido, servirá para a manipulación do gando por parte do persoal universitario.
A esta dependencia sumarase unha zona de procedemento que permita separar animais en muxido para un exame veterinario, así como unha zona de observación de todas as instalacións situada nun plano superior sobre a oficina e vestiarios da nave.
Nun principio esta sala tan só contará coa estrutura metálica da sala, pois as tarefas de muxido vanse executar co robot. Neste caso a sala será utilizada por parte do persoal da universidade para a observación e manipulación dos animais durante as clases prácticas programadas na granxa experimental.
O acceso á sala de muxido poderase facer ben desde o interior da nave, concretamente desde o corredor que conduce desde o robot á zona de parideiras, ou ben desde o exterior. O acceso desde o exterior débese a que, para a realización das prácticas, pódense traer animais doutras dependencias diferentes ás proxectadas, e deste xeito evítase o contacto de animais de fóra da explotación cos propios, co que se reduce o posible contaxio ou transmisión de enfermidades. Para a saída dos animais disponse, á súa vez, dunha porta para a súa evacuación cara ao resto de dependencias do establo ou ben cara ao exterior no caso de que os animais sexan alleos á granxa experimental.
Outra das novidades que incorpora a Granxa Experimental do Campus Terra é unha zona de observación, que vai facilitar a visión total da instalación por parte de visitantes e alumnado.
A zona de observación sitúase sobre un forxado disposto por riba da oficina e do vestiario. Ao estar nun plano superior que o resto das instalacións isto permite ter unha visión total da instalación, polo que se pode observar o funcionamento no día a día da instalación sen interferir no mesmo e, o que é máis importante, sen molestar e perturbar ao gando.
Asemade, estará habilitada unha zona para a visualización directa do robot de muxido, que permitirá a estudantes e visitantes observar aos animais e o funcionamento do robot.
“Os edificios da Granxa Experimental do Campus Terra, xunto co robot de muxido, están deseñados para permitir unha docencia interactiva, xa que se poderá observar as vacas en todo o seu ciclo produtivo e interactuar con elas. Ademais, a utilización do robot xunto con outras tecnoloxías van permitir obter datos de moitas variables, que servirán para realizar investigacións en alimentación, material de cama, comportamento animal, benestar, cultivos, etc..”, destacan desde o gabinete técnico da Deputación de Lugo.
A granxa, que financia a Deputación de Lugo con 930.000 euros, terá capacidade para 79 animais (70 vacas adultas e 9 prazas para recría) e a nave de gando ocupará unha superficie de 2.484 metros cadrados, a fosa de xurro 480 metros cadrados, os silos 581, fosa de xurro 592 metros cadrados e o edificio de prácticas 387 metros cadrados.