Miguel Soares é técnico comercial de Zona Agro, unha empresa que leva colaborando dende hai moitos anos con Fertiprado, líder na producción de sementes de pratenses.
Neste vídeo explica cales son as principais preocupacións e obxectivos de viticultores e adegas á hora de implantar cubertas vexetais nos viñedos, como son controlar malas herbas, mellorar a fertilidade do solo ou incrementar a súa biodiversidade.
Marcio Nóbrega, é responsable de viticultura en Sogevinus, un dos grupos adegueiros máis importantes de Portugal, con 250 hectáreas de viñedo na rexión vitícola do Douro, caracterizada polas súas pendentes e viticultura en solcalcos.
Nesta adega levan dende o ano 2006 traballando con Fertiprado para implantar cubertas vexetais nos seus viñedos. Con esta técnica conseguen mellorar a estructura do solo, incrementar a biodiversidade e reducir os abonos de síntese, xa que as leguminosas das mesturas pratenses que empregan fixan nitróxeno atmosférico. Ademáis, están a ver tamén resultados moi positivos no que é a mellora da capacidade dos solos para reter auga, reducir a escorrentía e resistir mellor as períodos de seca, algo clave nun escenario de cámbio climático.
Luis Miguel Landreiras, é responsable de viticultura en Quinta das Arcas, unha adega con cerca de 200 hectáreas de viñedo na rexión dos Vinhos Verdes de Portugal, ao que suma máis de 40 hectáreas de viticultores colaboradores.
“Nesta adega defendemos que un solo con cuberta vexetal é un solo máis produtivo, melloramos a estrutura do solo, ao tempo que reducimos o uso de herbicidas e de adubos de síntese”, destaca o técnico.
Neste sentido, contan coa colaboración de Fertiprado, empresa líder en produción de sementes de pratenses, que tamén lles ofrece un asesoramento técnico ao longo de todo o proceso.
Tiago Maia, responsable de Quinta de Ventozelo, explica que realizan sementeiras de cubertas vexetais con sementes de Fertriprado entre as liñas de vides desde o ano 2005, con bos resultados. “Hai numerosas vantaxes destas cubertas vexetais, entre as que destacaría a redución importante da erosión, e por tanto da perda de chan e nutrientes, especialmente nas viñas en pendente, e tamén o aumento da biodiversidade, con moita máis fauna auxiliar, tanto de insector polinizadores como mesmo de especies de paxaros como a perdiz”, destaca.
O responsable de Quinta de Ventozelo recoñece que “é certo que as cubertas vexetais teñen un custo de mantemento, pero as vantaxes son moito maiores que os inconvenientes”. O manexo é sinxelo: “Hai que realizar unha serie de cortes, en función das precipitacións, para manexar ben a cuberta”. “A sementeira -engade- tamén foi sinxela: no caso de Quinta de Ventozelo pasamos a escarificadora, a continuación realizamos unha sementeira manualmente e logo realizamos un pase de rodete triturador de vides, cunhas pesas encima para enterrar ben a semente. En canto ao abono, soamente utilizamos superfosfato de calcio como fertilizante de coberteira”.
En canto ao temor a que as cubertas vexetais compitan pola auga coa viña, Tiago Maia asegura que “é infundado, pois o que favorecen son unha maior infiltración e capacidade de retención de auga nos solos”. “Nunca notei ningún déficit hídrico anormal na viña debido a estas cubertas vexetais”, destaca.
Isto é así grazas a que Fertiprado dispón de mesturas biodiversas con variedades de ciclos moi curtos que permiten implantar cubertas vexetais que non fan competencia hídrica co viñedo e mesmo melloran a súa resistencia á seca nunha zona como o Val do Douro.
María José Moutinho é técnica de Viticultura da adega Aveleda SA. situada na rexión dos Vinhos Verdes, no Norte de Portugal. Destaca de Fertiprado o seu amplo catálogo de sementes, “o que nos permite lograr o obxectivo que nos marquemos en determinada viña ou en determinadas particularidades das uvas dunha viña”. “É dicir, se queremos mellorar o vigor da vide ou quitarlle vigor, se queremos que as cubertas teñan unha ou varias floracións ao longo do ano…etc”, explica.
Ademais, destaca tamén “o servizo técnico que nos ofrece Fertiprado, cun asesoramento permanente que nos permite lograr os obxectivos marcados”.
Sogrape, o maior grupo vitícola portugués, con presenza tamén en España como propietario de Bodegas LAN na Rioxa e de Bodegas Santiago Ruiz en Rías Baixas, aposta polas cubertas vexetais de Fertiprado para mellorar os seus viñedos.
Joâo V. Porto, director de Viticultura de SOGRAPE, expica que “desde o ano 2003 comezamos a traballar con Fertiprado, empresa referente en sementes pratenses, porque buscabamos unha solución para unha viticultura máis sustentable, en concreto sementando cubertas vexetais biodiversas entre as liñas de vide”.
Ademais, destaca que “Fertiprado ofrécenos diferentes solucións para os viñedos das distintas rexións nas que SOGRAPE está presente; por tanto cunha variedade importante de climas e de solos, aos que se deben adaptar as cubertas vexetais”.
En todo caso, Joâo V. Porto, subliña que “ademais de pola súa oferta de sementes, o que máis valoramos de Fertiprado é o seu asesoramento, de forma que sempre temos a disposición un técnico que nos axuda a atopar boas solucións para as nosas necesidades, e así cumprir os nosos obxectivos e afrontar os desafios futuros para os sustentabilidade da viticultura”. “Desta forma, a día de hoxe Fertiprado, máis que un subministrador considerámolo un socio de SOGRAPE”, conclúe.
O aumento dos custes de produción no sector agrogandeiro está motivando o desenvolvemento da innovación e da investigación no entorno das materias primas. A mestura para o gando foi o punto de atención da xornada organizada o pasado mércores no concello coruñés de Mazaricos por Fertiprado, en colaboración con Fertiberia Tech, Botica do Xallas e a SAT Busto-Corzón. O obxectivo era amosar sete campos demostrativos diferentes con distintas solucións de mesturas anuais biodiversas de herba, todas elas ricas en leguminosas.
Neste caso examináronse as posibilidades de mesturas de herba para un só corte e caracterizadas pola alta cantidade de produción e por elevados contidos en fibra e proteína. A finalidade destes ensaios centrouse en extraer conclusións a cerca da viabilidade da produción de forraxes propias, baixo as condicións de uso, climáticas e dos solos presentes en Galicia. Os resultados cumpriron as expectativas dos promotores dos campos de ensaio, permitíndoos incentivar a posta en marcha destes cultivos.
“A adaptabilidade das mesturas biodiversas a Galicia, e a mellora continua dos nosos produtos levounos a promover o desenvolvemento destes campos de ensaio coas posibilidades máis adaptadas a esta rexión”, explica o xestor de produto de Fertiprado, Joel Presa. Deste xeito, o ano pasado, a empresa portuguesa Fertiprado planificou, en colaboración con Fertiberia Tech e a Botica do Xallas, a posta en marcha dun campo de ensaio de cultivos anuais de herba biodiversos, sementando en franxas sete mesturas diferentes. A superficie utilizada forma parte da propiedade da gandería de vacún de leite SAT Busto-Corzón (Mazaricos).
Para levar a cabo esta comprobación a pé de campo, seleccionáronse sete tipos diferentes de mesturas anuais, seis delas concibidas para a alimentación gandeira, e unha última unicamente de leguminosas destinada á captación de nitróxeno como abono verde para un posterior cultivo de millo.
Na parcela 1 plantouse ‘Speedmix XL’ (30 kg/ha); na 2, ‘Fertifeno XL’ (35 kg/ha); na 3, ‘Avex AC’ (40 kg/ha); na 4, ‘C-Mix AC’ (40kg/ha); na 5, ‘Centauro AC’ (40g/ha); na 6, ‘Tritimix L’ (65kg/ha); na 7, ‘Max AC’, para enterrar e así producir abono verde e captar nitróxeno, nunha proporción de 35 kg/ha.
Dentro das seis primeiras mesturas forraxeiras, destacaron as variedades de leguminosas, tales como o trevo persa Maral, trevo vesiculoso Fertiseta, trevo squarroso Fertirrosa e a veza villosa Amoreiras combinadas con varios tipos de raygras e cereais.
Na parcela unicamente de leguminosas as especies cambian radicalmente pasando a formar parte da mestura variedades como a serradella Orniferti, trevo encarnado Diogene, veza Piedade, tremocilla Mister e Baryt, Altramuz Karo e Rumba.
Estas variedades foron sementadas o 13 de outubro do ano pasado, cunha única pauta de abonado de 500 kg/ha de abono de Fertiberia ‘Corbigran’, introducida o 25 de febreiro de 2022. Neste caso “Fertiberia Tech apostou por unha fertilización máis sostible con menos unidades de aplicación, para que sexa mellor tanto para o gandeiro como para o medio ambiente, sen ter que recorrer a abonos nitroxenados que supoñen un aumento dos custes de produción”, detalla o director rexional de Fertiberia Tech, Nemesio García.
“Aínda falta entre unha ou dúas semanas para rematar e facer o ensilado”, avanza Joel Presa, pero cun ciclo de cultivo case completado, as agrupacións que levaron a cabo o proxecto organizaron unhas xornadas para a presentación dos resultados nos campos demostrativos. O xerente da Botica do Xallas, Pepe Agra, explicou que “cómpre partir da satisfacción percibida pola produción obtida cunha redución dun 60-70% dos custes de abonado”.
Pola súa parte, o presidente da SAT Busto-Corzón, José Manuel Fernández, afirmou que “coa semente de Fertiprado, notamos un aforro bestial este ano porque practicamente non utilizamos nada de purín e apenas abonamos”. Ademais, o gandeiro conclúe facendo fincapé en que “hai unha gran forraxe, e pensamos que imos sacar unha gran cantidade de quilos e cunha gran calidade en base a proteína”.
O punto de vista do xestor de produto de Fertiprado, respalda as percepcións de José Manuel, explicando que “se demostrou que é posible producir forraxes de alta calidade, optimizando recursos e utilizando menos abonos nitroxenados; de feito, obsérvase como herbas como o raygrass ten boa cor e bo tamaño grazas ao aporte das leguminosas e á biodiversidade da semente, polo que en Galicia pódese conseguir producir reducindo costes”.
En conclusión, Joel Presa cree que “este tipo de mesturas biodiversas ricas en leguminosas (MBRL) son unha boa solución para a rotación de cultivos, protección do solo, fomento da biodiversidade e redución da pegada de carbono nas explotacións introducindo prácticas de agricultura rexenerativa”.
Falamos con Joel Presa, técnico comercial e xestor de produto de FERTIPRADO, a empresa portuguesa que logrou ser referencia na Península Ibérica na produción de sementes para pradarías.
Fertiprado cumpre neste 2020 o seu 30 aniversario. Que supón para a empresa lograr alcanzar 30 anos nun mercado tan competitivo?
Debémolo á confianza que nos dan os gandeiros e demais clientes. Con eles aprendemos, con eles evolucionamos e é para eles que traballamos con dedicación.
Temos unha misión que é engadir valor ás ganderías a través de pratenses e forraxes de calidade, baseadas na biodiversidade e uso de leguminosas. Non cremos na competitividade baseada exclusivamente en prezo, senón que no que cremos é na innovación constante, na obtención da mellor xenética vexetal, no crecemento con desenvolvemento e con evolución. Esta é a única forma de engadir competitividade ao sector. Nun mercado aberto, a competitividade ten que vir do coñecemento e da innovación.
Como e porqué se creou FERTIPRADO?
David Crespo, agrónomo investigador, a partir da súa experiencia ao servizo do Ministerio de Agricultura de Portugal, do Banco Mundial e da FAO, desenvolveu o concepto de mesturas biodiversas ricas en leguminosas para prados e forraxes. As vantaxes deste sistema eran tan obvias e grandes que as puxo en practica na leira da súa familia. Os seus fillos comprobaron que canto máis se aproveitaban os prados e as forraxes, máis a leira producía e por tanto máis carga animal sostiña. En conxunto, decidiron compartir co mercado estas vantaxes fundando FERTIPRADO no ano 1990.
“Con pradarías e forraxes biodiversas gañan os animais, gaña o gandeiro, gaña o medioambiente e gaña a sociedade”
Transcorridos estes 30 anos, concluímos que as vantaxes das nosas mesturas son cada vez máis e teñen outras repercusións. Con pradarías e forraxes biodiversas gañan os animais, gaña o gandeiro, gaña o medioambiente e gaña a sociedade dunha forma xeral.
Por que decidiron centrarse na produción de sementes de pratenses?
Por dous motivos principais. Primeiro pola necesidade de materiais para facer mellores produtos forraxeiros e pratenses. E en segundo lugar porque a península ibérica é moi diversa, ten un patrimonio de xenética vexetal incalculable, e usalo en proveito da gandaría é a forma máis intelixente de engadir valor dunha forma sustentable.
Que fitos máis relevantes destacarías destes 30 anos de actividade?
Conseguimos medrar e desenvolver en novos mercados; temos un rango de produtos capaces de satisfacer a maioría das necesidades do mercado; desenvolvemos conceptos e produtos novos; xenética propia…..
Pero o feito máis relevante, é conseguir manter a confianza dos nosos gandeiros e clientes; é manter relacións de longo prazo baseadas nesta confianza, é aprender todos os días e seguir mellorando paso a paso.
Cales son as principais cifras de FERTIPRADO como empresa a día de hoxe?
Fertiprado segue sendo unha empresa familiar. Ten un equipo novo e dinámico que desenvolve a súa actividade con moita ilusión, desde o sector técnico-comercial ao sector de Investigación e desenvolvemento.
Co concepto de mesturas biodiversas ricas en leguminosas, estamos presentes un pouco en toda a Europa Mediterránea, en Francia e en Uruguai; exportamos sementes de leguminosas anuais para o centro-norte de Europa, América e Oceanía.
Crecemos sempre apoiados en colaboracións con aqueles que teñen valores similares e que se identifican coa nosa filosofía.
Cales foron os principais avances que achegou FERTIPRADO ao sector agrogandero?
Achegamos sustentabilidade, a verdadeira sustentabilidade: agronómica, económica e ambiental. O nitróxeno gratuíto achegado polas leguminosas; o maior contido de proteína das forraxes; a súa maior dixestibilidade; a maior produción, a protección dos solos, dos acuíferos, da biodiversidade, o secuestro de CO2…, son algunhas das consecuencias beneficiosas do uso de mesturas biodiversas ricas en leguminosas.
Seguimos buscando máis innovación, como novas variedades (inscribimos 2 ou 3 ao ano), novos microrganismos para inocular as nosas sementes, e outras tecnoloxías que permitan cumprir o noso reto: engadir valor á agroganaderia.
“No norte da Península a nosa mestura pratense máis vendida é o speedmix”
Que mesturas pratenses lograron maior éxito comercial?
En cada zona unha distinta. Nos mercados do norte da península, o Speedmix é unha mestura forraxeira moi popular, como o Avex ou o Fertifeno.
No sur, as mesturas para prados permanentes da gama Extensivo representan unha superficie moi importante. Por exemplo en Francia, os produtos máis vendidos son as cubertas de solo para os viñedos da gama Revin, onde vendemos máis de 5 000 ha ao ano.
A intensificación da gandaría de vacún de leite levou a un abandono e empobrecemento das pradarías?
As pradarías non existen sen gando. O gando é a mellor ferramenta para manexar ben unha pradaría. Pero nalgunhas zonas xa estamos a asistir ao regreso progresivo do pastoreo. O mercado esíxeo de dúas maneiras: por esixencia de calidade dos produtos, máis baseados no pastoreo e na ecoloxía; e en segundo lugar, pola economía das propias granxas, pois non interesa producir moitos litros, senón o que importa é producir litros con máis marxe para o gandeiro.
Existen alternativas rendibles para o gandeiro ao monocultivo de raigrás italiano para pradarías temporais en rotación con millo?
Claro, cada vez máis. As mesturas biodiversas teñen todas as vantaxes xa referidas antes. O segredo é saber en cada situación cal é a mellor composición desa mestura. Hai climas distintos, chans distintos, manexos distintos; en fin, cada leira é diferente. Hai que sacar o máximo potencial da conxugación de todos estes factores.
Cal sería para FERTIPRADO unha pradaría rendible economicamente para o gandeiro e medioambientalmente sustentable?
Para cada situación unha solución. Podo garantir que se mantemos os alicerces de biodiversidade e de leguminosas gañaremos máis pronto que tarde unha solución máis rendible e ambientalmente sustentable.
O consello que podo dar é que contacten cos técnicos de Fertiprado de cada zona e así recibir un asesoramento que levará a unha boa solución.
E para unha gandaría de vacún que realice pastoreo en Galicia, Asturias ou Cantabria ¿que tipo de pradaría aconsellaría?
Temos un rango moi amplo de leguminosas permanentes e anuais de ciclo longo; de raygrases italianos, híbridos e ingleses, de festucas, dáctilos, festulollium e outras que nos permiten facer pradarías de excelencia para as condicións desa conca leiteira. Insisto, para cada situación unha solución.
“Debido ao cambio climático en zonas máis ao norte, como en Francia e Alemaña, estamos xa con niveis de venda de leguminosas mediterráneas”
Como está a afectar o cambio climático ás pradarías Península Ibérica e que solucións pode achegar FERTIPRADO?
Afecta ao traballo de Fertiprado de dúas maneiras distintas: por unha banda é cada vez máis difícil obter solucións para as rexións de menor pluviometría da península ibérica. O noso departamento de I&D esta xa neste momento traballando en especies e variedades máis capaces de resistir a períodos de seca e a eventos de pluviometría excesiva.
Doutra banda, en zonas máis ao norte, como en Francia e Alemaña, estamos xa con niveis de venda de leguminosas mediterráneas moi interesantes. Isto tamén é debido ás temperaturas máis suaves dos últimos anos.
Que destacarías dos novos proxectos de I+D nos que está a traballar FERTIPRADO?
Como somos unha empresa de xenética vexetal, sempre temos que destacar este traballo. Estamos cun ritmo de inscrición de novas variedades moi interesante: de 2 a 4 novas ao ano. Isto é moi traballoso pois cada variedade tarda entre 6 a 10 anos en chegar á súa inscrición.
Ademais, temos outros proxectos moi interesantes. Así, estamos a desenvolver novas combinacións de microorganismos para inocular as nosas sementes. Isto vai permitir aproveitar mellor os nutrientes dispoñibles no chan, posto que vai permitir un maior desenvolvemento das raíces, garantindo maior capacidade de resistencia á seca e ao encharcamento. Vai garantir un maior desenvolvemento das plantas, é dicir maiores producións con menores inputs.
“Estamos a desenvolver novas combinacións de microorganismos para inocular as nosas sementes”
Sempre facemos estes proxectos en colaboración con institucións de investigación oficiais en España, en Portugal, en Francia e en Uruguai, ás cales estamos moi agradecidos.
Algo máis que queirades engadir?
Queremos agradecer estes 30 anos a todos os agricultores, gandeiros, distribuidores, investigadores, técnicos e demais amigos que en Fertiprado teñen depositada a súa confianza. Sen eles a nosa actividade non ten sentido. É con todos eles que aprendemos e todos eles sen excepción fan parte desta familia. Grazas.
FERTIPRADO, empresa de referencia en sementes pratenses, en colaboración co Instituto de Tecnoloxía Química e Biolóxica, da Universidade Nova de Lisboa e a consultora Consulai, desenvolveu un novo procedemento que permite obter, por micropropagación, clons de varias especies. Estes clons son probados, cruzados e multiplicados para obterse novas variedades.
“Grazas a este novo proceso conseguimos obter máis variedades novas en menos período de tempo”, explica José Freire, director de márketing de FERTIPRADO. En concreto, a micropropagación permite aforrar de catro a cinco anos en relación ao proceso tradicional.
A mellora vexetal tradicional é un proceso lento e caro. Para obterse unha nova variedade son necesarios moitos anos, para a selección, mellora, homoxeneización e estabilización da xenética dos individuos que constitúen as poboacións desa nova variedade.
Pedro Fevereiro, profesor do ITQB, destaca que “o proxecto se desenvolveu moi ben, porque a través de cultivo in vitro conseguimos obter poboacións clonais que foron entregadas a FERTIPRADO, probadas e multiplicadas todos os anos, para obter novas variedades con mellores características”.
“Agora, -adianta o investigador- estamos na fase de homoxeneización destas novas variedades e nós continuamos a acompañar o proceso”, a través doutro proxecto no ámbito dos programas de conservación e mellora do Proder, un proxecto que cuxo obxectivo é lograr o rexistro dalgunhas destas novas variedades que foron desenvoltas na primeira fase do proxecto.
Tamén a directora de I&D de Fertiprado, Ana Barradas, móstrase moi satisfeita cos resultados do proxecto, debido a que se concluíu que “é posible micropropagar in vitro diferentes especies de trevos anuais; conseguimos axustar os medios de cultivo de forma que controlamos os procesos de desenvolvemento das plántulas”.
“Foi posible aclimatar con éxito a gran maioría das plantas propagadas in vitro e transferilas con éxio ao medioambiente; e unha vez no exterior presentan fenotipos e respostas fisiolóxicas semellantes ás plantas nai. O seguinte paso foi obter sementes resultantes da polinización de plantas do mesmo xenotipo”, destaca.
Ana Barradas engade que o proxecto tiña como obxectivo desenvolver novas variedades de especies de trevos elite que presentasen mellores características en canto a produción de sementes e de biomasa. Especies como o Trifolium resupinatum (trevo persa), T. incarnatum (trevo encarnado), T. vesiculosum (trevo vesiculoso), T. michelianum (trevo migueliano), T. alexandrinum ( Bersim) e T. isthmocarpum.
Nestas especies é difícil obter un número adecuado de sementes resultantes da polinización controlada (a causa do reducido tamaño dos órganos florais) ou da autopolinización (debido á auto-incompatibilidade).
“Por iso, neste proxecto utilizáronse, con éxito, métodos de micropropagación in vitro para lograr aumentar o número de individuos e permitir, por unha banda, a obtención dun maior número de sementes resultantes da autopolinización (entre plantas do mesmo xenotipo) e a obtención dunha descendencia híbrida resultante do cruzamento entre dous xenotipos con características fenotípicas moi distintas”, explica a responsable de FERTIPRADO
FERTIPRADO reduciu o tamaño dos seus sacos para unha maior comodidade para o agricultor. Así, a partir de agora todas as sementes das súas mesturas son vendidas en sacos de ata 25kg: máis lixeiros, ergonómicos e confortables.
Consulte a dosificación de sementa xunto cos nosos técnicos.
FERTIPRADO, empresa de referencia en sementes pratenses, foi a primeira empresa a nivel mundial a inscribir unha variedade de trevo, o Trifolium isthmocarpum -a c.v. Glamour- nun catálogo oficial, o Catálogo Nacional de Variedades de Portugal.
O Trifolium isthmocarpum é un trevo que na súa forma salvaxe atópase en Portugal (Lezíria de Tajo e Sado, e noutros vales), en zonas húmidas, por veces encharcadas ou salgadas, e tamén se pode atopar en varias zonas húmidas de até 900 m de altitude no SO da Península Ibérica, sur de Italia, Córsega, Sicilia e Turquía.
“Trátase dunha leguminosa extraordinariamente produtiva e cunha óptima calidade alimentaria para o gando, pois eleva o nivel de proteína da forraxe e do pasto e presenta unha boa dixestibilidade”, destaca José Freire, o responsable de mercadotecnia de FERTIPRADO.
A empresa está a traballar xa en novas liñas desta variedade no sentido de ampliar a gama de ciclos (duración) e mellorar a produtividade.
Produce forraxes e pastos con alto contido proteico e boa dixestibilidade
O trifolium isthmocarpum ten un porte prostrado, polo que garante unha boa cobertura do solo, e a cantidade de nitróxeno atmosférico que fixa faina moi útil en mesturas como abono verde.
Por outra banda, Ana Barradas, directora da empresa para a área de I&D destaca que grazas á abundancia e dureza das súas sementes, “o Trifolium isthmocarpum revela excelente aptitude para ser usado en revestimentos e pasteiros de carácter permanente”.
Ademais, pon en valor “a súa excelente adaptación a solos alcalinos, arxilosos ou limosos, encharcados ou con certo grao de salinidade”. O resultado, é que mesmo en terreos pobres este trevo “ten unha excelente capacidade para revestir ben o chan e producir un pasto denso e de elevada calidade”.
Como aspecto curioso do trifolium isthmocarpum, a responsable de I&D de FERTIPRADO destaca que “na floración as súas flores exhalan un recendo intenso que as fai moi atractivas para as abellas, con resultados positivos na produción de semente”.
FERTIPRADO reduciu o tamaño dos seus sacos para unha maior comodidade para o agricultor. Así, a partir de agora todas as sementes das súas mesturas son vendidas en sacos de até 25kg: máis lixeiros, ergonómicos e confortables.
Consulte a dosificación de sementa xunto cos técnicos.