Lograr o máximo potencial das nosas pradarías é fácil e posible se usamos os fertilizantes adecuados. Yara pon a disposición dos gandeiros unha ampla gama de solucións de nutrición vexetal que cubran todas as necesidades e casuísticas posibles.

Grazas á súa alianza con Yara, maior fabricante de fertilizantes do mundo, Delagro pon a disposición dos nosos clientes soluciones únicas e innovadoras con dous obxectivos: mellorar a eficiencia dos cultivos e contribuír á redución do impacto ambiental. Unha destas solucións é YaraMila Actyva.

YaraMila ACTYVA é un fertilizante complexo de alto contido en nitróxeno fabricado en base ao método de Nitrofosforación (patente de Yara), e que achega nitróxeno, fósforo e potasio totalmente asimilables (20-7-10). YaraMila® ACTYVA preséntase en forma perlada e resulta especialmente adecuado como abonado de inicio do cultivo.

Desde un punto de vista técnico é un referente en NPK, sobre todo para usar en herba ou mesmo podería ser recomendable para un uso en millo para ciclos curtos combinado con Yara Amidas en coberteira.

Trátase dun fertilizante complexo, polo que todos os nutrientes atópanse en igual proporción en cada perla ou gránulo, asegurando desta maneira unha achega homoxénea en cada un deles. Sería especialmente indicado para gandeiros que teñen pouco xurro ou que o manexan mal.

Actyva contén dúas formas de nitróxeno (nítrico e amoniacal) o que fai que este estea dispoñible para a planta tanto de forma inmediata como a medio prazo. Desta forma, aseguramos unha achega de nutrientes continua á planta. Ademáis, leva xofre, o que fai á planta lle sexa máis fácil absorber nitróxeno en forma amoniacal.

Rafael García

Entre as súas principais características, cabe destacar o seu fósforo de alta solubilidade, que permite ver en pouco máis dun mes efectos positivos sobre as plantas, mesmo en terreos moi abonados. “YaraMila Actyva é un fertilizante que consegue un afillado e callado que con outros produtos é moi difícil de lograr”, tal e como nos di Rafael García. Esta alta solubilidade do fósforo é consecuencia do extraordinario desenvolvemento tecnolóxico que fixo Yara coa tecnoloxía P-Extend, que achega, ademais, un pequeno contido en magnesio e xofre.

O feito de que funcione a baixas doses fai que sexa un produto cuxo uso é moito máis eficiente que outros fertilizantes, especialmente válido para gandeiros que van a dous cortes ou que traballan con pradarías permanentes. Conséguese moi bo afillado, moi boa folla, con dose duns 300 kg aproximadamente por hectárea. Isto permítenos deixar o terreo cunhas condicións de abonado perfectas para un segundo corte ou mesmo para empezar o millo. En segundos cortes para conseguir unha boa produción a dose sería un pouco máis alta, e mesmo se podería abonar con outros produtos con só nitróxeno como Nitrograss, de Yara.

O encalado é un elemento fundamental para que o fertilizante faga o seu efecto. “Grazas a produtos como YaraMila Actyva, que contén na súa formulación xofre, logramos que os catiións das terras ben encaladas móvanse a capas máis profundas, logrando así maior raíz, sobre todo en millo, arrastramos aluminios cara ao fondo polo que logramos un mellor desenvolvemento radicular”, coméntanos Rafael.

Usar abonos de alto valor engadido axuda a optimizar o uso dos fertilizantes, así como a mellorar as producións ao mesmo tempo que se produce unha optimización dos custos de abonado debido ao uso de menores doses. Isto repercute directa e de forma positiva no medio ambiente.

Más información:

981 519 920

delagro@delagro.org

BLUE STAR destaca polos seus as súas propiedades microbiolóxicas e os seus beneficios, así como a importancia de adecuar e velar pola simbiose solo-planta para obter uns resultados óptimos, tanto en termos de calidade como de eficiencia e cumprimento normativo.

BLUE STAR é un fertilizante bioestimulante único no mercado debido a que leva incorporado na súa formulación dúas bacterias Azospirillum brasilense e Pseudomonas putida. O seu desenvolvemento fíxose pensando nas condicións do chan da cornixa cantábrica, para o que, contouse co apoio de Alltech e Ideagro, empresa líder en investigación.

O resultado de dito desenvolvemento foi un fertilizante bioestimulante que achega nutrientes específicos adaptados á acidez do chan que caracteriza os cultivos do norte de España. En palabras de Alonso López, Product Manager de Delagro para a zona de Galicia: “Ao mellorar a eficiencia das plantas na captación e aproveitamento dos nutrientes dispoñibles no solo, estes fertilizantes contribúen a unha agricultura máis sustentable, reducindo as emisións, a pegada de carbono e as perdas de nutrientes non aproveitados”.

Blue Star dispón de fórmulas específicas para cada cultivo

Grazas ao desenvolvemento tecnolóxico de BLUE STAR pódese aumentar a dispoñibilidade dos nutrientes nos cultivos e ademais estimular á planta para que teña unha maior absorción. Segundo comenta o propio Alonso: “Grazas a BLUE STAR logramos unha redución de custos grazas a estas bacterias que permiten aproveitar nutrientes que quedaran insolubles no chan, a fixar nitróxeno ambiente e a solubilizar o fósforo insoluble no chan. Así, evitamos ter que aplicar grandes cantidades de nutrientes convencionais, á vez que cumprimos coas novas esixencias europeas”.

Abonar con BLUE STAR pode contribuír a mellorar significativamente a produción

Ensaios en forraxe levados a cabo por IDEAGRO en Cordoba no ano 2017 realizados cunha aplicación conxunta de dous microorganismos Azospirillum brasilense e Pseudomonas putida, as dúas bacterias que incorpora Blue-Star, observouse que a aplicación do produto ao chan producía un incremento en diversos elementos como o contido de nitróxeno, fósforo, ferro, manganeso, calcio e magnesio. Ademais, en cultivos extensivos como millo observouse un incremento da produción de gran dun 14%.

Con respecto á produción de forraxes con cultivos como a avea, o centeo e o triticale, a aplicación de Azospirillum + Pseudomonas incrementou a produción nun 43% con respecto ao tratamento convencional. Cando se contabilizou a produción de triticale por separado esta incrementouse nun 55%, mentres que a de centeo fíxoo nun 31%.

O efecto observado sobre a produción de forraxe debeuse probablemente a un incremento da altura das plantas dun 19% con respecto ao tratamento control onde non se aplicaron os microorganismos.

Con respecto á calidade da forraxe obtida, a aplicación de Azospirillum + Pseudomonas (Azos+Pseudo) produciu un aumento do 14% da proteína bruta con respecto ao tratamento control. Ademais observouse tamén un incremento no contido de fibra.

Alonso López termina explicándonos que “BLUE STAR pode ser aplicado directamente ao chan, ben sexa esparexido a voleo en superficie, en fondo ou localizado. En pradaría recoméndase a aplicación en fondo, na implantación do cultivo. No caso do millo, tamén debemos aplicalo en fondo, de forma previa á implantación; para horta, recoméndase unha aplicación ao comezo como abonado de fondo. Tamén dispomos de fórmulas específicas de BLUE STAR para outro tipo de cultivos intensivos, como podería ser, por exemplo, o viñedo”.

Máis información

Bisannia Pradera Selenio é un fertilizante pensado para zonas de montaña e media montaña que se caracterizan por un manexo difícil debido á orografía do terreo. Todas aquelas zonas de montaña e media montaña, tan abundantes en Galicia, son susceptibles de utilizar este produto, aínda que isto non exclúe a outras zonas. En palabras de Alonso López, Product Manager de Delagro: “Trátase dun excelente produto para usar en todas aquelas zonas nas que, pola orografía ou o clima, non se pode acceder con facilidade. Desta forma, nunha vez aplicamos caliza e fertilizante”.

O novo deste produto radica na súa formulación e a súa aplicación. No relativo á súa formulación, de base nitroxenada, conta cunha caliza granulada máis avanzada do mercado: Calcampo Plus. Desta forma obtemos un fertilizante cuxo beneficio é dobre: realizamos unha achega de fertilizante ao mesmo tempo que aportamos caliza para corrixir o pH, logrando un maior aproveitamento de nutrientes por parte a planta.

Bisannia Pradera Selenio mellora a eficiencia do abonado, ao achegar dous produtos nunha mesma aplicación. Isto contribúe a mellorar o manexo naquelas zonas de montaña. “Bisannia Pradera Selenio supuxo unha revolución e un gran éxito debido á súa forma de aplicación, xa que facilita moito o manexo ao gandeiro, por non falar do aforro de diñeiro e tempo que supón o non ter que facer varias aplicacións”, continúa Alonso.

A gran fortaleza de Bisannia Pradera Selenio está na súa formulación e facilidade de manexo

Outra das grandes virtudes que ten este produto é que na súa formulación leva incorporado Selenio. O Selenio, de maneira natural, adoita estar dispoñible en cantidades insuficientes nas forraxes, tendo que realizar, en ocasións, suplementación nos animais para que teñan niveis correctos deste mineral.

O Selenio é fundamental na eficiencia reprodutiva, tanto das femias como dos machos; así como tamén para a fase que vai desde o nacemento até o destete dos tenreiros. Existen estudos que relacionan os niveis correctos de Selenio dos becerros cun maior aumento de peso (Guyot et al., 2006).

Nos tenreiros que se alimentaron co costro de mellor calidade, proveniente das vacas que recibiron o selenio na súa forma orgánica constátase unha maior inmunidade. Así mesmo, os índices de diarrea diminuíron significativamente. Ademais dunha mellor saúde, os xatos presentaron unha maior ganancia de peso e, por tanto, foron destetados en óptimas condicións. Dita situación tamén se viu no estudo realizado por Davis et al., 2005.

Bisannia Pradera Selenio é un produto distribuído por de Delagro que se comercializa en todas as súas cooperativas socias e distribuidores.

Máis información:

Alonso López Product Manager Delagro
Teléfono: 608 67 34 83
www.delagro.org

Nun momento en que os custos dos fertilizantes se dispararon, optimizar a eficiencia do abonado é unha obriga para todas as explotacións. O encarecemento dos fertilizantes químicos levou no último ano a un descenso nas súas cifras de venda e aplicación. Esa situación pode ser un problema para o rendemento das colleitas agrícolas, pero tamén unha oportunidade no caso do sector vacún de Galicia, pois existe marxe para optimizar o abonado orgánico con xurros.

O xurro pode cubrir gran parte das necesidades de nutrientes agrícolas das explotacións, cos fertilizantes químicos como complemento. Claro que o aporte de materia orgánica ó solo ten condicionantes, un deles é a acidez do solo. Para a correcta descomposición da fracción sólida do xurro, o pH do solo debe ser próximo á neutralidade. A maior parte dos cultivos precisan un pH do solo que ronde o 6,5, polo que en solos ácidos como os galegos, cómpre usar enmendas calizas, en calquera das súas formas.

O aporte destes produtos, ademais de facilitar a liberación das sales presentes na materia orgánica, aporta os seguintes beneficios:

– Evítase o bloqueo e fixación dos fosfatos, ao formarse compostos de calcio máis asimilables polas plantas.

– Redúcese a toxicidade de determinados minerais para as plantas, como o aluminio, o ferro ou o manganeso.

– Favorécese a absorción de Molibdeno (Mo) presente no solo por parte das plantas, algo que é especialmente positivo nas leguminosas, que presentan altas necesidades do mineral.

– Mellora a estrutura do solo e as súas propiedades físicas.

– Estimúlase a actividade dos microorganismos, o que repercute nunha mellor transformación da materia orgánica e nunha maior dispoñibilidade de nutrientes.

– Contribúe ó bo desenvolvemento e distribución das raíces das plantas.

Os agricultores e gandeiros españois poderán acollerse a deducións no rendemento neto do Imposto sobre a Renda para as Persoas Físicas (IRPF) pola adquisición de gasóleo agrícola e de fertilizantes, como medida excepcional para paliar os efectos do encarecemento dos custos de produción. Esta medida contémplase na orde do Ministerio de Facenda e Función Pública pola que se desenvolven para o ano 2023 o método de estimación obxectiva do Imposto sobre a Renda das Persoas Físicas e o réxime especial simplificado do Imposto sobre o Valor Engadido, publicada hoxe no Boletín Oficial do Estado. O sistema de estimación obxectiva agraria é o maioritario entre os agricultores e gandeiros do noso país, ao que se acollen voluntariamente cada ano uns 850.000 declarantes. Como principal novidade destacan as medidas excepcionais para paliar o efecto producido polo prezo dos insumos de explotación nas actividades agrícolas e gandeiras, que inclúen a redución do 35% do prezo de adquisición do gasóleo agrícola e do 15% do dos fertilizantes. Ademais, mantéñense os índices correctores aplicables ao rendemento neto minorado que se aplicaron excepcionalmente na declaración da renda de 2021 por pensos adquiridos a terceiros e por cultivos en terras de regadío que utilicen enerxía eléctrica. Concretamente, mantense o índice aplicable ás actividades gandeiras que alimenten o gando con pensos e outros produtos para a alimentación adquiridos a terceiros, sempre que representen máis do 50 % do importe dos consumidos. O índice único para todos os sectores gandeiros será do 0,50. Tamén se mantén nos niveis de 2021 o índice por uso de electricidade para a rega, cunha redución dun 25 % do rendemento neto extensible a todos os regadíos. Os agricultores e gandeiros, do mesmo xeito que o resto de contribuíntes que tributen en módulos, beneficiaranse dunha redución do rendemento neto do 15% en 2022 e do 10% en 2023, fronte ao 5% en que se fixa habitualmente esta redución.

-Consulta aquí a orde.

A asociación Queremos Parcelarias en Agolada organiza as primeiras xornadas formativas ‘Un rural con futuro’. Da man de expertos e representantes de diversos sectores tratarán iniciativas coas que abordar o futuro no rural. As xornadas son abertas a toda persoa interesada na actividade agraria no rural e celebraranse o vindeiro día 12 de novembro no auditorio municipal de Agolada (Pontevedra). A iniciativa enmárcase no obxectivo do colectivo de implicar á sociedade, non só local senón tamén da comarca, para facer un rural vivo e con futuro. Con este fin, convidaron ó acto representantes do mundo rural da comarca do Deza, dende asociacións e organizacións agrarias, cooperativas ata representantes dos distintos grupos políticos con representación nos concellos da comarca. Detallamos o programa da xornada: • 11:00 horas. Benvida e presentación das xornadas a cargo de Juan Carlos Sánchez Fuciños, presidente da asociación Queremos Parcelarias en Agolada. • 11:15 horas. Intervención “A oportunidade dos abonos orgánicos fronte á crise enerxética”, a cargo de Juan Castro Insua, enxeñeiro agrónomo do C.I.A.M. • 11:40 horas. Intervención “ Opcións para a mellora das bases territoriais das explotacións”, a cargo de Quico Ónega, enxeñeiro agrónomo do Laboratorio do Territorio da USC e membro da asociación Europea da innovación. • 12:10 horas. Intervención “A pluriactividade no medio rural”, a cargo de Marcos Vázquez Marey, enxeñeiro, técnico agrícola e director do Muvicla. • 12:40 horas. Coloquio-Mesa redonda, na que participarán: os tres poñentes, representante do sector cooperativista e representante da Asociación. Modera: Eloi Villada Legaspi. Ex-tecnico agrícola e membro da Sociedade Galega de Pastos e Forraxes. • 14:00 horas. Peche da sesión matinal e pausa para xantar. • 14:30 horas. Xantar • 17:00 horas. Intervención “ O castaño de froito, unha alternativa rendible en Galicia”, a cargo de Manuel López Vilariño, secretario da IXP Castaña de Galicia • 18:00 horas. Clausura das xornadas, a cargo de Luís Calvo, alcalde do Concello de Agolada.

Vertedoiro de cunchas de mexillón (www.iPacuicultura.com) Os solos en Galicia son ácidos, o que provoca un menor aproveitamento dos nutrintes por parte das plantas e cultivos. Para correxir a acidez, utilízanse habitualmente distintos produtos comerciais existentes no mercado elaborados a base de calizas. Pero nas leiras das zonas de costa galegas utilizábanse tradicionalmente cunchas de moluscos e crustáceos para subir o pH do solo. Por iso, a catedrática do departamento de Edafoloxía e Química Agrícola da USC e coordinadora da unidade de xestión ambiental e forestal sostible UXAFORES propuxo nunhas recentes xornadas organizadas por SEIAF na Escola Politécnica de Lugo a utilización de cunchas de mexillón como emenda agrícola.

A principios do século XX as calizas comerciais empezaron a substituir ás cunchas e ás cinsas como produtos encalantes tradicionais

Galicia é a segunda produtora mundial de mexillón, despois de China. É, xa que logo, un residuo mariño abundante que é rico en carbonato de calcio e, polo tanto, con propiedades beneficiosas tanto para os solos agrícolas como forestais. Economía circular Nas 3.300 bateas distribuidas polo litoral galego prodúcense unhas 270.000 toneladas de mexillón ao ano e o seu procesado na industria conserveira xera uns residuos de perto de 90.000 toneladas de cunchas. O mexillón cultivado desde os anos 70 nas costas galegas pertence á especie Mutilus Galloprovincialis e a cuncha representa aproximadamente un terzo do peso do molusco.

A composición da cuncha de mexillón está formada en máis dun 95% por carbonato cálcico

En ocasións, estes residuos acumúlanse en zonas poco acondicionadas e crean un efecto visual e olfativo indesexado, con graves prexuizos desde o punto de vista ambiental, polo que a súa valorización agrícola entraría dentro das actuais estratexias de economía circular fomentadas desde Europa. Desde o punto de vista normativo, as cunchas de mexillón catalóganse como subprodutos animais non destinados ao consumo humano (SANDACH), o que plantexa certas dificultades e limitacións legais para a chegada ao mercado de produtos derivados. Uso en pradeiras, viñedos e montes A profesora da Politécnica Esperanza Álvarez Un equipo universitario da Escola Politécnica Superior de Lugo (EPS) dirixido pola profesora Esperanza Álvarez Rodríguez, analizou hai xa 15 anos o potencial das cunchas de mexillón como emenda en solos tanto agrícolas como forestais. “Poderían empregarse para encalar”, asegura. É un material de baixo custo, pero require dun procesamento previo para a súa utilización nas terras. “Fixemos ensaios con distintas mesturas en parcelas de raigrás da Pastoriza con cuncha moída en tamaño de 0,25 a 0,30, xa que a que se comercializaba machacada ten problemas nas fosas de purín”, explica Esperanza.

Analizouse a produción tanto en pratenses como en millo tres anos despois do encalado

Ademáis deste uso agrogandeiro, tamén tería utilidades en parcelas de viñedo que están recibindo sulfatos de cobre para o tratamento de enfermidades fúnxicas, indica. A cuncha de mexillón é un material composto, cunha fase mineral constituida por carbonato cálcico (95 a 99% do peso da cuncha) e pequenas cantidades de outros elementos, tales como nitróxeno, azufre, fósforo, potasio ou magnesio. No proceso de valorización utilízaronse tamén outros materiais, como lodos de depuradoras ou cinsas de biomasa, que melloran as propiedades físicas da mestura final coas cunchas. 

Existen xa no mercado diversos abonos que inclúen cuncha de mexillón

Existen xa diversos produtos no mercado elaborados a partir de cunchas de mexillón, desde un abono a base de algas e cunchas de mexillón (Celtacal), fabricado por Ecocelta, a pastillas fertilizantes e un complemento alimenticio para aves producido por Abonomar.  A acidez, un factor limitante da produtividade forestal Outro dos posibles usos deste subproduto da industria mexilloeira sería a nivel forestal. Aínda que os montes galegos teñen unha elevada produtividade, un dos factores limitantes para algunhas especies é a acidez do chan e as altas concentracións de aluminio. “Son solos ácidos, polo que van ter baixa dispoñibilidade de nutrintes básicos e de molibdeno, cun aluminio que pode estar saturado e en niveis de toxicidade. Sen embargo, non existe tradición de encalado de solos forestais”, explica Esperanza.

En ocasións hai problemas de crecemento pola saturación de aluminio

Nun ensaio levado a cabo en 128 parcelas forestais distribuídas por toda Galicia, con distintos tipos de solo, analizouse a produción de pinus pinaster. “O granito ten unha saturación de aluminio moi alta e o máis tóxico é o Al3+. As especies forestais, como o piñeiro, ás veces poden tolerar altas saturacións de aluminio sen sufrir toxicidade, pero outras veces hai problemas de crecemento pola saturación de aluminio. Se queremos cultivar eses solos temos que recurrir ao encalado para reducir a toxicidade por aluminio e aumentar a dispoñibilidade de nutrintes”, argumenta.

“Hai que coñecer ben o solo para poder manexalo correctamente e evitar así a súa perda”

As características do solo dependen, en primeiro lugar, da rocha da que procede. “En función da rocha que teñamos imos ter un tipo de solo ou outro. Por iso os solos que temos en Galicia son diferentes, aínda que fundamentalmente ácidos”, indica Esperanza. Botando unha ollada ao mapa das propiedades do chan de Galicia, obsérvase que a fachada atlántica está dominada polo granito, seguida dunha faixa interior onde os xistos son predominantes, mentras na provincia de Lugo as protagonistas son as lousas. En Ourense, mestúranse zonas graníticas con zonas de lousas e xistos. 

Tan só temos pequenas zonas de rochas calizas de sedimentación en Meira, Mondoñedo, Triacastela ou Ourense; en Galicia son unha excepción

"Os materiais de partida van influir moito no solo e na súa fertilidade", afirma Esperanza, que fai fincapé nun correcto manexo e laboreo á hora de traballar as terras. As rochas ácidas, a partir de granito, por exemplo, van dar texturas máis permeables, con menos retención de auga e máis risco de seca, con saturación de aluminio e pouca retención de nutrintes.

Os solos graníticos son máis propensos á seca mentras as terras con arxila e limo sofren problemas de encharcamento

Pola contra, as rochas básicas da zona da Capelada, Bergantiños, Santiago, Melide, Lalín, Arzúa ou As Mariñas son solos profundos con alto contido en arxila e facilidade de encharcamento. As pizarras e cuarcita da Fonsagrada dan solos limosos e en zonas como Monforte, A Limia, Verín, Sarria, Quiroga ou As Pontes son habituais tamén os encharcamentos. As ensinanzas do 'Dust Bowl' dos anos 30 en EEUU “Hai que coñecer ben o solo para poder manexalo correctamente e evitar así a súa perda”, concluíu Esperanza, e puxo o exemplo das grandes tormentas de polvo dos anos 30 nos Estados do centro de EEUU, un período coñecido como Dust Bowl. Entre 1930 e 1939 sucedéronse tormentas de po que converteron as Grandes Chairas estadounidenses nun deserto. Foi o desastre ecolóxico máis perigoso da historia de Estados Unidos e debeuse en boa parte á acción do home, debido á transformación das praderías en terras de cultivo de cereal, que a prolongada seca e a acción do vento se encargaron de erosionar. O Dust Bowl afectou a 400.000 km cadrados en Estados como Oklahoma, Colorado, Kansas, Texas ou Novo México. Calcúlase que tres millóns de persoas abandonaron as súas granxas e máis de medio millón emigrou a outros estados. As tormentas de po acrecentaron os efectos da Gran Depresión na zona, provocando 5 millóns de mortos como consecuencia da fame.

Multicote™ Agri e CoteN-Mix™ son dous tipos de fertilizantes de Haifa Group que consisten en gránulos recubertos dunha carcasa polimérica, a cal evita a disolución inmediata cando se aplica ao solo. Deste xeito, estes abonos son unha nutrición ideal e precisa para árbores forestais, especialmente para o eucalipto polo seu aporte de boro. En ambos casos, a velocidade de liberación depende da temperatura do solo.

Como funcionan estes dous produtos de Haifa Group? Tras a súa aplicación, a humidade do solo penetra lentamente a través do recubrimento, degradando progresivamente os nutrientes do interior. A velocidade de liberación aumenta á par da temperatura do solo, ao igual que a velocidade de absorción da planta. Mentres se van liberando os nutrientes cara a zona da raíz, continúa a penetración de humidade que vai disolvendo máis cantidade do fertilizante sólido. Desde que finaliza a liberación, a carcasa baleira rompe e degrádase, sen deixar residuos no chan.

Pola súa banda, Multicote™ Agri ofrece unha gama completa con diferentes formulacións e lonxevidade. Unha das máis utilizadas no mercado da Península Ibérica durante o proceso de plantación é a fórmula Multicote™ Agri (8) 11.22.09 + 4MgO + 0.1Boro, con 8 meses de duración. A dose axústase a diferentes especies forestais, sendo entre 30 e 40 gramos a recomendada para o piñeiro e o eucalipto.

Táboa de dose de abonado por especies forestais

Sen embargo, CoteN-Mix™ encáixase no proceso de mantemento, unha fase na que os cultivos forestais mellorar a súa homoxeneidade de crecemento e aumentan a rendibilidade da explotación. Este período é especialmente importante nos primeiros anos de crecemento, podendo facerse unha ou varias aplicacións. A lonxevidade deste formulado é de catro meses e a dose varía entre os 300-400kg/ha coa aplicación en rego a partir do segundo ano, e os 200g/planta se a aplicación é en enterrado a 60-70cm de pé. Continue reading Multicote™ Agri e CoteN-Mix™, unha nutrición precisa para árbores forestais →

Un plan de abonado eficiente do millo forraxeiro é clave tanto para poder obter a máxima produción e calidade da forraxe para ensilar, como o aforro de tempo e tranquilidade do gandeiro, que depende dunha boa forraxe para a súa produción de leite. Así, desde fai máis de sete anos, ICL está a traballar xunto ó seu distribuidor Protección Verde, con gandeiros de leite de Galicia para aplicar o seu plan de abonado que reduce as aplicacións, aforrando tempo e custos, asegurando un millo verde e produtivo de alta calidade.

Como nos comenta José Antonio Martínez López, Director Técnico en de ICL Iberia España Agricultura, o plan de abonado de ICL consta de tres pasos, baseados nas últimas tecnoloxías de abonos de liberación controlada.

En primeiro lugar, en sementeira aplícase xunto á semente un abonado estárter, Agromaster Start Mini 21-21-5, que achega nitróxeno de liberación controlada coa tecnoloxía Poly- S e asegura unha dispoñibilidade total de fósforo, co que conseguimos unha nascencia rápida e uniforme do cultivo.

O segundo paso é a aplicación dun abonado de fondo en todo o campo co abono de liberación controlada Agromaster con tecnoloxía E-Max de 3-4 meses de lonxevidade, que asegura a dispoñibilidade de nitróxeno durante todo o ciclo de cultivo. Con Agromaster conseguimos chegar a fin de ciclo cunha soa aplicación, aforrando tempo e preocupacións, xa que aseguramos o máximo potencial de produción sen depender tanto da climatoloxía e de ver cando debemos aplicar a urea. Ademais, redúcese a pegada de carbono do cultivo ao usar menos fertilizante, ao ser máis eficiente.

Por último, pódese aplicar un abono foliar, Agroleaf Power con tecnoloxía M-77, mesturado co herbicida de post emerxencia, para un mellor control das malas herbas e un menor estrés na planta de millo.

O éxito deste programa en Galicia animounos a visitar varias explotacións de vacún de leite para falar cos seus responsables e coñecer as súas experiencias con esta tecnoloxía de fertilización. Segundo nos comenta o responsable técnico de ICL en Galicia, as producións medias dos últimos anos na rexión alcanzaron en ciclos curtos as 50 toneladas e en ciclos longos as 60 toneladas, chegando o cultivo perfectamente á fin de ciclo coa planta verde e sen ningún tipo de carencia.

Os gandeiros galegos avalan os bos resultados de Agromaster

Tras visitar catro explotacións en diferentes zonas de Galicia, un comentario é común: a aplicación dun abonado de fondo como Agromaster dá moitísima tranquilidade xa que asegura a nutrición do millo ata final de ciclo e evita a aplicación de urea, que sempre é un problema pola climatoloxía na época de aplicación. Todos destacaron que co plan de abonado de ICL gáñase en tranquilidade e afórrase tempo e custos.

Ábel Vázquez, da SAT Vila Alborés, situada en Mazaricos (A Coruña).

Abel Vázquez, da SAT Vila Alborés en Mazaricos (A Coruña), unha gandería de 900 cabezas de gando con 500 postas en muxido, comentounos que ten unha media de produción de leite de 40-41 litros por vaca e con 3,50 de graxa e 3,30 de proteína.

A granxa ten 170 hectáreas de millo forraxeiro e para Abel Vázquez o cambio foi a mellor: “Antes aplicabamos un abonado de fondo con urea por encima, pero o ano pasado propuxéronnos aplicar o plan de ICL con Agromaster e, a verdade, é que quedei moi contento porque me cumpriu ata o final do ciclo do millo e conseguimos 47.000 quilos por hectárea de millo cortándoo moi alto, ao ser para vacas de leite. Eu recomendaríao porque na nosa granxa non temos moito tempo para abonar e cunha soa aplicación tiven mellores resultados que co abonado de fondo e a urea”.

Crisanto Caamaño, da Gandería Santa Lucía, en Dumbría (A Coruña).

A segunda explotación que visitamos foi Gandería Santa Lucía en Dumbría (A Coruña), onde contan con 95 hectáreas, das que 85 son para cultivo de millo, e con 280 vacas en muxido de 520 cabezas en total. A media de produción de leite é de 35-27 litros con 3,85 de graxa e 3,45 de proteína.

“Levamos sobre cinco anos aplicando Agromaster no abonado do millo de ciclo 280-300 nunha dose, duns 500 quilos por hectárea e conseguindo unha produción de 50.000 a 55.000 quilos por hectárea. Vemos que a planta crece máis forte, con máis vigor e está máis verde ó final do ciclo, sobre todo abaixo, no talo da planta. Recomendaría o seu uso xa que ten unha calidade moi boa de granulación e para blending vai perfecto, dando moi bo resultado en canto á produción”, explica Crisanto Caamaño, o responsable da gandería.

Manuel López, Álvaro Sánchez e Martín García da SAT Regueiro Branco, en Frades (A Coruña).

Tras esta visita achegámonos á SAT Regueiro Branco en Frades (A Coruña), unha gandería de tres socios, Álvaro Sánchez, Manuel López e Martín García, que naceu en 2012 e ten 330 vacas en muxido e 570 animais en total. Ademais conta con 220 hectáreas, das que 90 se destinan a millo forraxeiro e o resto a raigrás inglés. A produción de leite é de 43-45 litros, con 3,70 de graxa e 3,33 de proteína.

Como nos comenta Álavo Sánchez, un dos seus responsables: “Na campaña 2021 sementáronse 90 hectáreas de millo de ciclo 500 longo e usamos Agromaster nunha soa aplicación para garantir que chegase ó final de ciclo o nitróxeno e realmente na ensilaxe estaba verde o cultivo, conseguindo o obxectivo. O rendemento estivo entre 50 e 60 toneladas por hectárea. Esta é unha forma de abonado dunha dose única coa que quedas totalmente cuberto e estás máis tranquilo, xa que non hai que esperar a ver se logo vas facer coberteira dependendo do clima”.

José Luis Candal Vázquez, de Agroforestal Candal.

Por último, visitamos a explotación Agroforestal Candal, que dá servizos agrarios e forestais nas localidades de Carral e Cerceda (A Coruña) e, ademais, sementan millo forraxeiro para comercializar a outras granxas (80%) e algo para autoconsumo dos seus cebadeiros de bois e Ternera Gallega. Sementan ao redor de 275 hectáreas, tanto para silo de millo como para gran húmido en salchichas e bólas.

José Luis Candal Vázquez, responsable da empresa, coméntanos: “Levamos varios anos utilizando o programa de ICL por mor de que compramos un equipo para localizar o abono xunto á semente. Aquí aplicamos primeiro Agromaster Start Mini a 25 quilos /hectárea como starter, e logo aplicamos Agromaster a 370 quilos/hectárea como abonado único, completado cunha aplicación foliar de Agroleaf Power a 4 quilos/hectárea xunto ao herbicida. Vai todo localizado con doses máis axustadas e o resultado está moi ben, cunha planta con vigor moi bo e que chega verde ó final de ciclo e a mazorca ben pechada. Así, conseguimos rendementos 48.000 quilos de silo de millo e 14.500 quilos por hectárea de gran húmido, pero nunha leira que non é das máis produtivas por estar a moita altura”.

Todos estes comentarios positivos son corroborados por Roberto Pérez, responsable de Protección Verde, distribuidor de ICL en Galicia. “É de agradecer que os nosos clientes gandeiros confíen no noso asesoramento e proben o plan de abonado de ICL, podendo comprobar eles mesmo os bos resultados. Millo verde ata a ensilaxe, con alta calidade e unhas excelentes producións. Aforran custos e tempo, asegurando calidade e produción, que é o que busca calquera profesional do millo forraxeiro”, concreta Pérez.

Syngenta aposta forte polo desenvolvemento do seu catálogo de solucións biolóxicas, un dos eixos do desenvolvemento futuro da compañía. Campaña tras campaña, a empresa vai incorporando novos produtos baseados en microorganismos naturais que axudan tanto ao control biolóxico de pragas, como á mellora das condicións da planta para un maior crecemento e resistencia natural.

Neste 2022 son varios os produtos biolóxicos que se van presentar, comezando por este mes de xaneiro con NutribioN, un probiótico para cereal a base de bacteria Azotobacter salinestris Cepa CECT9690, unha bacteria exclusiva de Syngenta que actúa tanto por vía foliar, radicular, como pola rizosfera da planta, e con acción sobre a fixación de nitróxeno, optimización das súas perdas e efecto bioestimulante.

Estamos nun momento onde as persoas agriculturas atópanse cun problema importante á hora de fixar o nitróxeno nas súas parcelas e optimizar o abonado destas. Neste sentido, se axudamos á planta a fixar o nitróxeno de forma natural, a absorber mellor os nutrientes que capta do chan, a estimular os seus procesos metabólicos e a activar as enzimas que a poden protexer mellor da tensión, podemos liquidar estes problemas, activando o cultivo cunha forza extra no momento que máis o necesita.

Tripla acción beneficiosa sobre o cereal de NutribioN

Con NutribioN conseguimos tres diferentes niveis de acción que axudarán ao cultivo de cereais:
Fixación biolóxica do nitróxeno a nivel foliar e radicular: Azotobacter salinestris CECT9690 é unha bacteria endófita fixadora de nitróxeno, que sintetiza a encima nitroxenasa que se une ao N2 do aire e, mediante unha serie de reaccións de redución, produce amonio como produto final, que pode ser absorbido polas plantas. Este efecto vese potenciado pola interesante capacidade da cepa para producir biofilm, por iso a fixación de nitróxeno fai que o amonio producido permaneza no biofilm, permitindo que sexa aproveitado en maior grao pola planta.

Redución de perdas de nitróxeno: Azotobacter salinestris CECT9690 interactúa co medio conseguindo unha mellora na formación de agregados do chan, favorecendo a humificación da materia orgánica para a súa adhesión ao complexo de cambio e con iso, tamén evitando as perdas de nitróxeno.

Produción de sustancias metabólicas activas: As PGPB na súa vertente bioestimulante achegan unha gran cantidade de sustancias metabólicamente activas capaces de axudar a soportar a plántaa situacións adversas ou de carencia. Con NutribioN actívanse sustancias craves como o ácido indolacético, o ácido xiberélico ou a ACC desaminasa, que dan á planta unha maior resistencia á seca, a condicións de salinidade da auga, e a condicións adversas agroclimáticas e ambientais.

Aplicación

A aplicación de NutribioN recoméndase en cereal desde o momento de afillado até o comezo do encanado en combinación cun prebiótico activador como pode ser Quantis ou Isabión, sendo compatible en mesturas coas principais solucións para o cultivo de cereal de Syngenta.

Estamos ante un produto que se pode utilizar tanto en agricultura convencional como rexistrado para agricultura ecolóxica, e que en todos os ensaios demostrou unha alta eficiencia á hora de aumentar a produción do cereal reducindo o uso de abonos nitroxenados.

Fruit Attraction volve neste 2021 á súa celebración presencial no Ifema de Madrid. Nesta nova edición, que se celebra do 5 ao 7 de outubro, non podía faltar a presenza de ICL (Pavillón 9 – 9B10), que durante os últimos anos foi unha das grandes compañías do sector de fertilizantes que apostou por este evento como punto de encontro cos seus distribuidores e clientes nacionais e internacionais, presentando sempre a última tecnoloxía en fertilización para unha nutrición máis precisa, eficiente e sustentable dos cultivos.

Neste sentido, en Fruit Attraction 2021 os visitantes profesionais do sector de froitas e hortalizas poderán comprobar que, á hora de falar de nutrición de cultivos, a tecnoloxía máis avanzada a nivel mundial achégaa ICL, coa súa ampla gama de fertilizantes de liberación controlada, de fertilizantes líquidos e solubles. Así, nesta edición, o stand da compañía vaise a centrar en expor novos produtos e gamas específicas de fertilizantes coa tecnoloxía natural de Polysulphate, que terá un gran impacto na agricultura sustentable.

Abonos forestais, para viñedo e froiteiras
Unha vez máis, ICL innova na tecnoloxía de liberación controlada, incorporando estimulantes do enraizamiento e da resistencia á seca á súa xa recoñecida gama Agroblen: a tecnoloxía V-Factor. Agroblen con tecnoloxía V-Factor está deseñada especialmente para o establecemento de árbores en plantacións forestais, viñedos e froiteiras.

ICL incorpora estimulantes do enraizamiento e da resistencia á seca na súa recoñecida gama Agroblen

É un fertilizante NPK de liberación controlada totalmente encapsulado, que mantén unha achega continua de nutrientes durante 8-9 meses, o que facilita un crecemento moi uniforme da planta. É, ademais, un produto de alta tecnoloxía respectuoso co medio ambiente, xa que ofrece unha maior eficiencia dos nutrientes aportados e menos perdas de nutrientes por lavado causados polas choivas ou as regas.

Abonos para zonas vulnerables a nitratos
Doutra banda, a solución ICL para a fertilización en zonas vulnerables á contaminación por nitratos ofrécea coa gama de fertilizantes solubles Nova Complex Optima e a gama de fertilizantes líquidos desenvolvidos a medida de cada cultivo: Nutri Liquid Optima. Estas dúas liñas de fertilizantes garanten unha redución considerable do risco de lixiviación de nitratos, fundamental na prevención da contaminación de acuíferos.

Gama Polysulphate
Aquí non acaba todo. Se aínda non coñeces a tecnoloxía natural da gama Polysulphate, é o momento de visitar o stand de ICL en Fruit Attraction. A gama de produtos Polysulphate contén Polihalita, un mineral natural que dispón de catro nutrientes esenciais para as plantas: xofre, potasio, magnesio e calcio, todos en forma de sulfato, polo que representa un aporte de xofre asimilable importantísimo para os nosos solos, sendo a súa posta a disposición da planta gradual pola especial estrutura espacial e complexidade da súa molécula. ICL é o único produtor no mundo.

Durante a feira, os asesores técnicos e o equipo comercial de ICL estarán a disposición dos visitantes profesionais e clientes que queiran visitar o stand, para explicarlles en detalle as gamas de fertilizantes da compañía, resolverlles dúbidas técnicas ou axudarlles a mellorar os seus programas de nutrición.

ICL presentou este ano en Asturforesta o fertilizante Agroblen con tecnoloxía V-Factor, deseñado especialmente para novas plantacións forestais. É un fertilizante NPK de liberación controlada que mantén un aporte continuo de nutrientes durante 8-9 meses, o que facilita un crecemento moi uniforme do cultivo, polo que é moi axeitado para novas plantacións.

A fórmula pola que aposta ICL é un NPK reforzado con magnesio e boro, o Agroblen 8-20-7 +3MgO + 0,1 B, con tecnoloxía V-Factor, tratándose dun abono totalmente encapsulado.

A compañía de fertilizantes presentou na feira asturiana outros produtos líderes no sector, como o ‘Agroblen especial eucaliptus’ e ‘Agroblen Tablet’.

Asturforesta, tras máis dun ano de pandemia, convertiuse no certame de reencontro do sector da madeira e da industria forestal. Clientes e distribuidores de ICL aproveitaron a feira para coñecer as novidades da compañía neste segmento de mercado. Aínda que o tempo foi complicado, con fortes choivas, a feira mantivo a súa esencia de presentar equipos e maquinaria en condicións reais de traballo, o que xerou numerosas visitas.

Stand de ICL en Asturforesta.

O abono orgánico elaborado por Aviporto (Portomarín, Lugo) demostrou en ensaios as vantaxes que presenta en comparación cos fertilizantes minerais. Máis alá dos nutrientes que lle aporta ó solo (N, P, K, calcio, magnesio, etc.), o abono destacou por manter estes nutrientes dispoñibles para o cultivo durante un longo periodo de tempo, o que o fai ideal para cubrir primeiros e segundos ciclos de cultivo de horta, así como para viña e froiteiras.

O fertilizante de Aviporto, elaborado con esterco de polo deshidratado e peletizado, ten a vantaxe de que os seus nutrientes se mineralizan progresivamente, de xeito que a planta dispón deles segundo os vai necesitando. O seu resultado é similar ó dun fertilizante de liberación lenta, pero demostrou maior éxito que este nun segundo ciclo de cultivo de leituga e tamén en pemento, un cultivo que precisa de aporte de nutrientes ata 9 meses ó ano.

Os ensaios corresponden a unha investigación desenvolta na Escola Politécnica de Lugo (USC), que no marco dunha tese doutoral de Francisco Antonio Cabaleiro, comparou o resultado do abono de Aviporto con fertilizantes químicos convencionais e de liberación lenta.

A conclusión foi que o abono de Aviporto demostrouse superior nos cultivos de ciclo longo ou naqueles que tiñan ciclos sucesivos, pois coa súa aplicación lográronse maiores colleitas e con pezas de maior tamaño.

Doses de abonado
En canto ás recomendacións de abonado, a investigación concluíu que unha dose de 120 kg. N. / hectárea do abono orgánico en leituga é suficiente para obter producións superiores ás que se logran co abono mineral convencional (nitrato amónico) e, en conxunto, similares ás obtidas con fertilizantes de liberación lenta.

En pemento, usando o abono orgánico á dose de 60 kg. N./hectárea obtivéronse rendementos de igual calidade e categoría que os obtidos co fertilizante de liberación lenta. As maiores doses de abono orgánico aumentaron o rendemento produtivo, impoñéndose ós abonados minerais.
Outro beneficio claro da aplicación do abono orgánico de Aviporto radica na aportación de materia orgánica ao solo, o que mellora a súa estrutura, propiedades físicas e biolóxicas, así como a capacidade de retención de auga.

O xerente de Aviporto, Juan Serrano, destaca que o abono orgánico ofrécelle ós produtores tanto rendementos a curto prazo como unha maior sostibilidade da produción, pois contribúe a mellorar o solo e a garantir o futuro produtivo das terras.

Envases para pequenas hortas e xardíns
A maiores de comercializar a súa produción en formato big – bag para a agricultura profesional, Aviporto tamén ofrece envases de pequeno formato (1 Kg.) para hortas e xardíns. A dose recomendada para hortas oscila entre 250 gramos / metro cadrado e 500 gramos metro cadrado, que se corresponde con doses de 60 – 120 Kg. de nitróxeno por hectárea. En xardíns, recoméndase a aplicación de abono á dose de 100 gramos / metro cadrado.

Aviporto lembra que o seu abono está hixienizado, deshidratado e peletizado, para facilitar a súa aplicación, e que non xenera olores.

Do 17 ao 19 de xuño, na feira Asturforesta (Tineo, Asturias), a empresa de fertilizantes ICL vai retomar a súa participación presencial en eventos agrarios. O evento, que chega a súa XIII edición, desenvolverase no Monte Armayán de Tineo (Asturias). A compañía disporá alí dunha caseta na que se atenderá aos clientes e profesionais, seguindo todos os protocolos de seguridade marcados pola Covid-19.

Na feira, ICL mostrará os seus produtos líderes no sector forestal, como son Agroblen e Agromaster, mostrando as súas novas formulacións e formatos adaptados a este cultivo especializado, destacando as novidades Agroblen V-Factor, Agromaster especial eucaliptus e Agroblen Tablet.

En Galicia, convén lembrar que finalmente o certame Galiforest, que se ía a celebrar este ano tras a súa suspensión de 2020, decidiu o seu adiamento até xuño de 2022, polo que Asturforesta e Galiforest continuarán celebrándose en anos alternos.

Xornadas online de Expoliva
Doutra banda, a marca continúa coa súa activa participación en diversos eventos organizados de forma online no sector agrario e o próximo 12 de maio tamén vai estar presente de forma virtual na feira Expoliva, que este ano se celebra a través de charlas e coloquios retransmitidos en streaming por internet.

Este ano 2021 celébrase o XX Aniversario de Expoliva, polo que ICL quixo estar presente participando na mesa redonda titulada “Innovación e estado actual no ámbito dos tratamentos da oliveira”, na que intervirá Francisco Morell, Agronomy Europe Lead de ICL, que destacará os aspectos nos que os fertilizantes de última xeración poden axudar á sustentabilidade do cultivo do oliveiral e á mellora da produción e a calidade da oliva.

Para inscribirse nestes eventos ou conseguir entradas pode acceder aquí.