Sufriamos problemas habituais de diarreas e baixo crecemento nas idades temperás cos leites que había no mercadoOs produtos de Galidiet son produtos de máis calidade polos ingredientes que levan e polo coñecemento que lles proporcionou pasar máis de 15 anos facendo leite todos os días para máis dun cento de becerros. “Son produtos testados e que funcionan, levamos xa máis de 30.000 becerros alimentados con esta fórmula propia de lactoreemprazante”, conta Eliseo.
Os nosos produtos están testados, levamos xa máis de 30.000 becerros alimentados con esta fórmulaNo seu cebadeiro non se usa ningún outro produto, nin leite nin antidiarreicos, que os fabricados por el mesmo. “A maioría das diarreas habituais que poden darse nunha explotación poden solventarse con estes produtos. Dada a súa eficacia, evita ter que usar outros tratamentos veterinarios ás explotacións, logrando un considerable aforro económico”, asegura. De gandeiro a gandeiro, sen intermediarios Galidiet non é unha multinacional farmacéutica, senón unha explotación de gando vacún que decidiu compartir o seu saber con outras granxas, destacan. “Fabricamos para nós e baixo pedido para os nosos clientes; ao ser unha fábrica pequena podemos facer produtos a demanda coas características que nos demanda o cliente, mesmo personalizados a nivel de marca e imaxe”, salienta Eliseo.
Os derivados lácteos que usan como materias primas proceden de empresas asentadas en GaliciaBuscan acurtar as cadeas de subministro e traballar sen intermediarios, de gandeiro a gandeiro. As materias primas que usan para elaborar os seus produtos son tamén de orixe local, derivados lácteos que proceden de empresas asentadas en Galicia, aos que se engaden outros ingredientes específicos adquiridos nos mercados internacionais. Teñen distribución propia para pedidos de maior tamaño e os produtos de Galidiet poden atoparse tamén nas comerciais agrícolas e veterinarias de confianza por toda Galicia.
Ademais da compoñente alimenticia, o ovo ten un poder inmunolóxico que axuda a que os animais non enfermenNa súa composición figura tamén levadura de cervexa, que lle aporta maior dixestibilidade; correctores vitamínicos minerais e ovo seco en po. “Antigamente os gandeiros daban ovos aos becerros e ás vacas porque o ovo ten un poder alimenticio que todos coñecemos, porque é unha das proteínas da natureza máis dixeribles xunto coa do leite, pero a maiores o ovo ten un poder inmunolóxico que axuda a que os animais non enfermen”, detalla Eliseo.
Con menos leite conseguimos máis crecemento, o que supón un importante aforro para as ganderíasO leite maternizado de Galidiet conta con tres gamas de prezo diferentes, en función dos seus compoñentes nutricionais, que se adaptan ás necesidades de cada tipo de explotación:
O plantago ovata é un regulador natural do tránsito intestinal que corta rapidamente a deshidrataciónO segundo compoñente en importancia (8%) é o propionato sódico, que é un axente alcalinizante que combate a acidez estomacal que se produce cando hai diarrea. “Case todos os produtos deste tipo que hai no mercado levan bicarbonato, que mesturado co leite fai que non coagule, polo que non cortamos a diarrea. Sen embargo se en vez de bicarbonato lle votas propionato fas que o leite sexa básico pero ao mesmo tempo permite que calle e ten a maiores un compoñente alimenticio”, explica Eliseo.
Ao levar propionato sódico en vez de bicarbonato non é necesario retirar o leite durante a fase de tratamento e recuperaciónEsta característica permite que Neodiet Plus se poida dar tanto con auga como con leite, para aqueles gandeiros que prefiran non sacar o leite aos animais durante esa fase. O produto preséntase en paquetes de 100 gramos, a cantidade equivalente a unha dose. Recomendamos cantas máis tomas mellor, para axudarlle ao animal a rehidratarse, pero como mínimo débense dar dúas tomas ao día”, aclara.
Neodiet Plus preséntase en sobres de 100 gramos para mesturar con auga ou con leite nas distintas tomasOs sobres de Neodiet Plus levan ademáis minerais, para suplir os desequilibrios electrolíticos que se producen nunha dierrea; levadura de cervexa, que aporta maior dixestibilidade e fai que se recupere a microbiota intestinal; ovo, que aporta enerxía e protección a nivel gastrointestinal e incluso a nivel local polas inmunoglobulinas; dextosa, que aporta enerxía e o poder alimenticio que o animal necesita cando ten diarrea, e glicina. Readiet Stop
Os produtos de Galidiet están formulados tanto para gando vacún como para ovellas e cabrasAo igual que as distintas gamas de leite, os produtos dietéticos para o tratamento da diarrea de Galidiet están formulados tanto para gando vacún como para outros rumiantes, como ovellas ou cabras.
As diarreas poden supoñer de media un gasto de entre 55 e 240 euros por tenreiro na granxaMáis aló do propio benestar do tenreiro, as diarreas teñen un impacto económico directo nas granxas. Tal e como apuntaba Cerviño, as diarreas poden supoñer de media un gasto de entre 55 e 240 euros por tenreiro na gandería. As perdas económicas para a granxa coas diarreas poden abarcar desde: -O valor do animal -Os gastos veterinarios -O freo do crecemento -Aumento da idade do primeiro parto -Redución da produción de leite na primeira lactación -Empeoramento dos índices de engorde -Aumento do risco de padecer outras enfermidades e increméntase ata 2,5 veces a probabilidade de eliminar ao animal
O calostro é fundamental para transferir a inmunidade aos tenreiros de maneira que poidan ofrecer unha mellor resposta fronte ás diarreas e outras patoloxíasTampouco hai que esquecer que proporciona defensas ao animal que lle protexen de forma inmediata e é un transmisor de microbiota. “O calostro é fundamental para transferir a inmunidade aos tenreiros de maneira que poidan ofrecer unha mellor resposta fronte ás diarreas e outras patoloxías”, apunta Cerviño. Ademais, o calostro é unha forma de conseguir que o animal alcance a temperatura que necesita para sobrevivir nestes primeiros momentos de vida.
Un novo estudo publicado na revista científica internacional Animals demostra que a vacina Bovilis Rotavec Coroa, de MSD Animal Health, proporciona a resposta inmunitaria específica máis completa e equilibrada.
O artigo, de acceso público e titulado The Specific Immune Response after Vaccination against Neonatal Calf Diarrhoea Differs between Apparent Similar Vaccines in a Case Study, compara os resultados de Bovilis® Rotavec® Coroa, de MSD Animal Health, con outra vacina comercial, ámbalas dúas con dose única en primovacinación. O estudo levouse a cabo nunha granxa de vacún leiteiro de Galicia.
“Os resultados do estudo poñen de manifesto como a vacinación das nais no último terzo de xestación é unha ferramenta excelente para incrementar a inmunidade específica fronte aos principais axentes infecciosos e a súa transferencia de forma pasiva aos tenreiros a través do calostro”, explican dende MSD Animal Health. Entre as principais causas infecciosas de diarrea neonatal atopamos frecuentemente Escherichia coli, coronavirus ou rotavirus en infección pura ou mixta, e existen diferentes vacinas comerciais dispoñibles para a súa prevención.
Ademais, evidencia como a resposta obtida varía en gran medida entre vacinas. Bovilis® Rotavec® Coroa (MSD Animal Health) incrementou a resposta inmune de forma significativa fronte a coronavirus e E. coli, en comparación á outra vacina do estudo, tanto no calostro e leite de transición, como no soro dos tenreiros encalostrados.
Como conclusión, o estudo demostra que Bovilis® Rotavec® Coroa (MSD Animal Health) induce unha resposta inmune máis robusta e equilibrada fronte aos tres axentes (rotavirus, coronavirus e E. coli), o que resulta de gran interese de cara á protección dos tenreiros, sobre todo tendo en conta o frecuentes que son as infeccións mixtas nos casos de diarrea neonatal en granxa.
Este estudo foi realizado por Román González (Veterinario de SAT Prolesa), Laura Elvira e Carlos Carbonell (Equipo Técnico de Rumiantes de MSD Animal Health), Geert Vertenten (MSD Animal Health) e Lorenzo Frade (Departamento de Produción Animal, Universidade de Lleida).
A investigación profundiza na frecuencia e diversidade do virus e logra definir patróns de transmisión do virus nas gandaríasUn estudo realizado pola Facultade de Veterinaria de Lugo examina a frecuencia e diversidade do virus para ter maior información sobre a enfermidade, que permita mellorar a resposta nas gandarías. "É moi importante coñecer os distintos tipos xenéticos que hai en circulación en Galicia, xa que hai cepas con comportamentos diferentes nas que é preciso aplicar unha ou outra vacina", explica Javier Diéguez, profesor da área de Produción Animal da Facultade de Veterinaria e un dos investigadores participantes no proxecto. Ademais, entre as conclusións que extrae o equipo de investigadores figuran patróns de transmisión a ter en conta nas gandarías. "Xunto coa diversidade xenética que se analizou, coñecer estes patróns de transmisión é un dos aspectos máis interesantes desta investigación, de cara ao coñecemento da enfermidade", indica Diéguez.
En Galicia predominan os casos do tipo 1b, que adoita cursar con síntomas pouco aparentes na gandaríaAs investigacións realizáronse en dúas fases: a primeira con datos solicitados entre 2013 e 2015 e a segunda con datos tomados entre 2015 e 2017. Analizaron 243 mostras que permitiron concretar que en Galicia predominan os virus de tipo 1b. En concreto, un 86,4% dos casos de BVD analizados eran desta especie. "Aínda que a predominante é a diarrea vírica de tipo 1b, atopamos puntualmente outras cepas do tipo 1 e mesmo, en menor medida, tamén atopamos algún do tipo 2", detalla o investigador. O resto de casos detectados nestas gandarías correspondían a outras variedades, na súa maioría do tipo 1 . Así, do tipo 1d, detectáronse 16 casos (que representan un 6,6% do total), 9 do tipo 1e (3,7%), 2 do tipo 1f e só un do tipo 1h, 1k,1l e 1p, así como un caso do tipo 2a . "A presenza do tipo 2 lévanos a estar atentos, xa que do mesmo xeito que ocorreu en Alemaña hai anos, pode aparecer un brote dalgún xen, que teña unha gran patoxenicidade e que poida supor problemas graves nas gandarías, como enfermidades hemorráxicas ou mesmo a morte dos animais adultos", concreta Javier Diéguez.
"A presenza do tipo 2 lévanos a estar atentos, xa que pode aparecer un brote dalgún xen que teña unha gran patoxenicidade"Tanto a variedade 1b, como boa parte dos tipos detectados en Galicia, cursan con síntomas que poden ser difíciles de detectar na granxa. "Moitas veces, estas cepas de 1b cursan dunha forma case inaparente na gandaría, que apenas chaman a atención do gandeiro, comenta. "Entre os efectos que deixa a diarrea vírica do tipo 1b figuran perdas do rendemento reprodutivo da granxa, abortos, un pequeno incremento nos días abertos ou algunha diarrea neonatal máis", informa Diéguez. Os investigadores inciden en que coñecer a variedade xenética da enfermidade que existe en Galicia axuda a estar prevido e enfocar os tratamentos preventivos ás cepas máis presentes. "As vacinas protexen fronte a aquelas cepas similares ás que conteñen ou que estean xeneticamente próximas, pero canto máis afastada estea a cepa vacinal á que infecte o rabaño, menos eficaz é a vacina, por iso é moi importante saber a variedade de cepas que hai en Galicia", detalla o investigador.
Cando o gando conta con espazos apropiadamente secos mellora a hixiene, a sanidade e o benestar dunha granxa, pois fréase o aumento de microorganismos e, en consecuencia, redúcese a presenza de posibles patoloxías. Precisamente con ese obxectivo desenvolveuse Sanisec Plus, un secante en po a base de arxilas e extractos naturais, que vén de demostrar o seu potencial en diferentes granxas das diversas especies.
Se ben Sanisec Plus pódese considerar un produto de óptimo rendemento na gandería intensiva máis esixente, a maiores tamén é apto para uso en gandería ecolóxica. É aplicable en calquera tipo de espazo, cortello, sala ou cama (palla, area, serraduras, colchoneta, etc.), conseguindo absorcións de humidade de ata un 250% -cada kg. de produto absorbe ata 2,5 kg. de auga-. Pero ademais, como xa se dixo, a Universidade de Santiago de Compostela certificou o seu poder hixienizante, sendo quen de verificar que frea efectivamente o desenvolvemento de patóxenos.
“Trátase dun produto diferencial no mercado. O seu uso repercute nunha maior rendibilidade para as granxas, xa que reduce as perdas de produción e mellora o estado xeral das cabanas.”, destaca José Manuel Martínez desde a distribución oficial de ‘Sanisec plus’ para Galicia.
“Trátase dun produto diferencial no mercado. O seu uso repercute nunha maior rendibilidade para a granxa” (José Manuel Martínez)
Repasamos a continuación o impacto do tratamento secante en granxas avícolas, de porcino e de vacún, segundo os ensaios desenvoltos por Savelo Química Verde, que desde fai unha década vén comercializando esta gama de produtos principalmente fóra de Galicia, con exportación xa a máis dunha ducia de países.
“Movemos grandes volumes para fóra, onde os nosos secantes son moi apreciados, pero quizais este éxito nos despistou de darnos a coñecer na nosa casa. ‘Sanisec Plus’ é tanto a desculpa como a oportunidade de reparar esa falla.”, recoñecen desde o fabricante.
Nas granxas de nais, un dos problemas máis habituais son as diarreas causadas polos patóxenos (particularmente por ‘E. coli’), que poden chegar a provocar gran taxa de mortalidade ou, como mínimo, desmedres e perdas en xeral na produción. Manter as camas e os espazos secos é polo tanto fundamental para frear o desenvolvemento dos microorganismos. É aí onde o gran poder de absorción de ‘Sanisec plus’ se fai patente.
A maiores da actividade básica de limitar esa proliferación de microorganismos indesexables, este produto tamén promove un aire máis san con menos amoníaco ambiental, o que mellora o ambiente da granxa e reduce as posibles irritacións e enfermidades respiratorias.
Probas de campo desenvoltas en granxas de porcino indican que usando apropiadamente ‘Sanisec Plus’ chégase a unha redución moi significativa de diarreas, o cal leva aparellado unha diminución proporcional na taxa de mortalidade de leitóns. “Hai unha gran diversidade de granxas e situacións. Cada caso é distinto, pero comprobamos que uns determinados protocolos de aplicación de ‘Sanisec Plus’, tanto antes dos partos coma nos leitóns ó nacer e tamén nas correspondentes áreas de parideiras, contribúen sen ningunha dúbida á mellora da produción e do ambiente.”, subliñan en Savelo Química Verde.
O fabricante insiste en que a eficacia deste secante, alta xa en calquera caso, pódese potenciar moito a través dun correcto protocolo de aplicación en parideira, existindo marxe para adaptar a súa aplicación a cada granxa e a cada sala de partos en particular.
De xeito paralelo ás citadas melloras de sanidade e calidade ambiental, ‘Sanisec Plus’ é quen de influír favorablemente no estado da pel do leitón, reducindo rozaduras, comechóns e incidencia de ataques de insectos. E, por suposto, o mantemento das camas secas contribúe tamén a diminuír o estrés dos animais.
Para testar o resultado do tratamento secante da cama nunha granxa de polos, fíxose un test comparativo en dúas naves xemelas de broilers, enfrontando unha nave de control (sen aplicación de ‘Sanisec Plus’) con outra nave con aplicación do produto. Ambas naves tiñan condicións similares (mesmo granxeiro, mesmo sistema de manexo, mesmas características de ventilación e animais idénticos).
A proba valorou parámetros técnicos como o peso medio dos animais a final de ciclo, a ganancia diaria de peso ou os índices de conversión. En todos eses índices demostrouse que a nave que aplicaba ’Sanisec Plus’ obtiña mellores resultados. O estado sanitario dos polos tamén mellorou, pois reducíronse as úlceras en patas e peito, aumentando a calidade da produción.
Outra cuestión que se valorou foi a calidade da cama e do ambiente ó longo do ciclo, concluíndose que na nave que usou ’Sanisec Plus’ ambas cuestións eran cualificadas polo propio produtor como “excelentes”; en tanto na nave sen tratamento secante as calidades de cama e ambiente lle resultaban insatisfactorias.
A maiores, nesta última nave, foi preciso un maior gasto en base para cama (labras neste caso) e tamén o seu volteo durante o ciclo de produción, o cal non foi preciso na nave tratada.
O papel preventivo de manter as camas secas demostrouse importante nas granxas de vacún, xa que redúcense riscos na calidade sanitaria do leite e diminúe o gasto hixiénico-sanitario. A casa fabricante destaca que a aplicación de ‘Sanisec Plus’ debería supoñer un impacto a ter en conta na redución de casos de mamites, coxeiras, metrites e diarreas.
O tratamento secante é válido para calquera tipo de cama, cun volume de aplicación que dependerá do material base. En xeral, estímase un gasto de 50 a 100 gramos de produto por metro cadrado á semana.
A experiencia de uso de ‘Sanisec Plus’ permitiu constatar que o uso continuado do produto mellora a pel no ubre e é notable tamén a redución de problemas nos cascos. Ademais actúa positivamente sobre a incidencia de parasitos externos, de rozaduras e no benestar da vaca.
A nivel de economía de granxa, este novo secante de tecnoloxía galega, cunha dosificación inferior á maioría dos seus competidores, incrementa a duración das camas e actúa positivamente sobre os xurros a través de melloras na capacidade de fixación do nitróxeno, de reducións nas emisións de amoníaco e da xestión das fosas. É de destacar que ‘Sanisec Plus’ non decanta nin forma pedras e lousas, como sucede por exemplo con certos carbonatos.
Outros: infinitas posibilidades
Para os manexos propios tanto doutras especies gandeiras coma de instalacións relacionadas directa ou indirectamente con elas, pese a que aínda non se fixeron probas de uso, si cabe intuír que tería sentido que as bondades de ‘Sanisec Plus’ foran perfectamente extrapolables a casos onde as instalacións deben permanecer secas, a presencia de patóxenos pode ser un problema produtivo e/ou o uso de produtos agresivos cos animais, cos operarios ou co medio ambiente sexan desaconsellables ou directamente estean prohibidos.
Tanto a casa fabricante coma Piensos del Sil S.A. (distribuidor oficial) e a súa rede de colaboradores queren facer fincapé en que tan interesante alternativa no campo dos secantes gandeiros, a parte das vantaxes arriba indicadas, é 100% natural, con PH neutro, non irritante, inocuo e apto para gandería ecolóxica.
Para máis información comercial sobre ‘Sanisec Plus’
A penas un 30% das granxas vacinan as vacas para ofrecer maior protección aos tenreiros na primeira fase de vidaA pesar de ser un tema recorrente nas gandarías, tal e como explicaba Vázquez, a penas un 30% das granxas optan pola vacinación das vacas para ofrecer unha maior protección aos tenreiros durante esta primeira fase de vida. "Cada día as gandarías teñen que ser máis eficientes, pero ás veces desaténdese o máis básico", comenta Vázquez. Nunha estimación básica, realizada polo veterinario co sistema de cálculo que ofrece o Laboratorio Virbac, as diarreas neonatais poden supor uns 3.000 euros nunha gandaría de 100 vacas. A cifra pode incrementarse se na granxa utilizan seme sexado. Estes gastos derívanse tanto da mortalidade da recría, que adoita supor ao redor dun 15%; como por outros factores, coma o retraso do crecemento das becerras. Ás baixas de animais, súmanse os gastos derivados dos tratamentos veterinarios, así como o traballo extra que implica na granxa o coidado dos animais enfermos ou as perdas de rendibilidade, xa que os animais con menor peso tamén terán un rendemento reprodutivo e produtivo menor.
Nos primeiros días de vida o tenreiro carece dun sistema inmunolóxico desenvolvido que o protexa fronte a patóxenosOutra das causas que provocan diarreas nos tenreiros neonatos son bacterias como a E. coli, moi presente en zonas das gandarías con restos orgánicos e fecais. "Nos nosos cortellos temos moitos focos onde poden desenvolverse bacterias de E. coli. Non podemos chegar a ter todas as zonas limpas para evitar ese contaxio", recoñece o experto. Tamén os protozoos e parásitos como o Cryptosporidium spp e Eimeria motivan síntomas coma a diarrea nestes tenreiros tan novos. Estes patóxenos son unha das principais causas que provoca diarreas nas gandarías galegas. Tanto é así, que o Cryptosporidium está presente no 60% das granxas de Galicia.
"Aínda facendo un manexo axeitado dos animais, se non se vacinan as nais non poderemos evitar perdas na gandaría""Aínda facendo un manexo adecuado dos animais, se non se vacinan as nais non poderemos evitar perdas na gandaría", sentenza Vázquez. Neste sentido, o veterinario destaca a importancia de vacinar ás nais e desmonta hábitos e crenzas populares á hora de vacinar. "Mentres estás a vacinar poderán estar cubertos os tenreiros, pero en canto deixes de facelo, volverán aparecer os problemas. Non se pode tratar a vacina como un remedio senón como un método de prevención", aclara. De igual maneira, Vázquez desaconsella o vacinado dos tenreiros como método para evitar as diarreas. Ademais, o veterinario incide en que a resposta para atallar esta problemática na granxa non só se soluciona coas vacinas. "Hai factores detrás da vacina que condicionarán a súa eficacia", indica o veterinario.
"Non só hai que vacinar, hai que conseguir incrementar a capacidade inmunitaria do tenreiro"O calostro ofrécelle ao tenreiro unha cobertura inmunolóxica neses 10 primeiros días de vida para que non se vexa afectado por patóxenos que provoquen diarreas. O veterinario incide na importancia de ofrecer un calostro de calidade, na cantidade adecuada e no momento preciso. Ter en conta este tres aspectos permite prolongar a protección durante maior tempo e rebaixar o risco de contaxio de infeccións.
Principais enteropatóxenos relacionados coa diarrea do tenreiro:
A limpeza na sala de partos e nos cubículos é claveAínda así, e como se observa, os adultos poden actuar como reservorios de especies patóxenas para os tenreiros neonatos. Como os ooquistes dos coccidios son moi resistentes a desinfectantes, a limpeza na sala de partos e nos cubículos é clave para previr a aparición destes procesos.
