Dekalb, marca líder en sementes de millo e integrada na multinacional Bayer, celebrou o pasado mes de marzo en Toques (A Coruña) unha xornada técnica na que tamén presentou as súas novidades no seu catálogo de sementes de millo forraxeiro para este 2024.

En concreto, Anxo Valiño, responsable do departamento de desenvolvemento de mercado de Bayer para a Cornixa e Castela e León, foi o responsable de presentar as distintas novidades desde os ciclos 250 a 600. Son estas:

DKC 3513:

Un ciclo 250 que vén a substituir ao DKC 3575. Representa unha mellora en potencial produtivo. Os datos dos últimos 3 anos de campos de ensaios conclúen que produce case dúas toneladas máis de materia húmida e unha tonelada máis de materia seca. Presenta moi boas calidades de silo, como as de DKC 3575, excelente staygreen e é mellor en sanidade que o seu predecesor, con maior resistencia tanto fronte a roia como fronte a helminthosporium.

DKC 4897:

Un ciclo 300 que é un perfecto complemento a DKC 4598, un 300 máis curto, e a DKC 4621, un ciclo 300 máis longo. Ten moi boas calidades de silo, con mazaroca redonda e ciclíndrica, excelente staygreen e moi boa tolerancia ao fungo helminthosporium, sendo o que presenta mellor sanidade dos ciclos 300. “O DKC 4897 é perfecto para, sen alargar moito máis o ciclo, realizar sementeiras máis tardías e aumentar o potencial produtivo en 2 toneladas máis respecto ao DKC 4598, que é un ciclo 270”, aconsella Anxo Valiño.

DKC 5432:

Novo ciclo 400 medio con moito potencial para ser o híbrido de millo forraxeiro máis vendido en 2025, desbancando ao DKC 5911. Trátase dun moi bo complemento ao DKC 5144, moi produtivo, con bo staygreen e ideal para gran húmido, con boa tolerancia a helminthosporium e as mesmas calidades que o DKC 5144. “DKC 5432 é máis produtivo que o 5144, con 3 toneladas máis de materia húmida e 2 toneladas máis de leite por hectárea. Ademais, mantén a mesma calidade do 5144 e para os que queren dobre aptitude, para silo ou gran húmido ou pastone, é o mellor híbrido do mercado, pois ten un talo moi bo que permite que se cultive máis tarde para gran ou pastone, sen que caia debido ao vento ou a choiva. Claramente é a nosa recomendación para os gandeiros que queiran sementar un ciclo 400”, resume Anxo Valiño.

 “DKC 5432 é a nosa recomendación para os gandeiros que queiran sementar un ciclo 400”

Ademais, dentro do ciclo 400, Bayer dispón doutros dous híbridos: o xa citado DKC 5144 pero tamén o DKC 5110, un ciclo 400 curto que recomendan para os que sementan un 300 longo, pois produce máis materia seca, ao redor dunha tonelada máis, que un DKC 4621 -ciclo 300 longo- con ao redor de só 10 días máis de cultivo.

Ciclo 500:

Ademais, e aínda que non é unha novidade, o catálogo de Bayer-Dekalb para 2024 inclúe tamén o DKC 5911, o ciclo 500 máis vendido e demandado en Galicia. Destaca pola súa boa tolerancia a helminthosporium, moita produción de materia seca e de litros de leite e bo look e staygreen.

Ciclo 600:

Por último, Bayer tamén inclúe como novidade o DKC 7023, un ciclo 600 longo con récord de produción en silo, que destaca tamén pola súa boa resistencia a caída grazas ao seu talo flexible e a un sistema radicular forte. Ademais, é de subliñar a súa excelente tolerancia a helminthosporium e moi bo staygreen.

Máis información:
https://www.cropscience.bayer.es/Dekalb/Maiz-Silo

Dekalb, marca líder en sementes de millo e integrada na multinacional Bayer, celebrou este mércores en Toques (A Coruña) unha xornada de entrega dos premios da segunda edición do concurso Dekalb+Silo, que organiza para premiar ás gandarías de vacún de leite que lograron mellores rendementos na campaña 2023.

Uns 100 profesionais do sector, entre gandeiros e técnicos, déronse cita no restaurante Xaneiro na entrega de premios deste certame, do que Marcial Costoya, Territory Sales Manager de Bayer para a Cornixa Cantábrica, Galicia e León, salientou a súa elevada participación.

Listaxe de premiados

O concurso Dekalb+Silo ten como obxectivo dar máis valor a lograr un silo de millo de calidade. Estes son os premiados nas dúas categorías nas que se estruturou:

1) En colleita: Premios para as mellores calidades de mostras en verde medido en litros de leite por tonelada  de materia seca de millo forraxeiro logradas:

-Primeiro premio (1000 euros): Para a gandería de José Ignacio Leal. . Logrou 1893 litros de leite/tonelada de materia seca cun millo Dekalb DKC 4621, un ciclo 300 de altas produccións.

-Segundo premio (600 euros): Gandaría Novoa SC. Logrou 1862 litros de leite/tonelada de materia seca cun millo Dekalb DKC 5144

-Terceiro premio (400 euros): Gandaría Casa Castro. Logrou 1858 litros de leite/tonelada de materia seca cun millo Dekalb, coa variedade DKC 4621.

2) En silo:  Premios para as mellores producións medidas en litros de leite por hectárea. Para iso tomouse unha mostra do silo e cubicáronse os silos, expresando o resultado en litros de leite por hectárea logrados polo millo ensilado, premiando ás mellores producións segundo o ciclo de millo.

-Ciclo largo (1000 euros): Ganadería Pastora, que logrou 53525 litros de leite por hectárea cun DKC 5911, un ciclo 500.

-Ciclo medio (1000 euros): Gandaría Serabel SC, que logrou 43614 litros de leite por hectárea cun DKC 5110, un híbrido bisagra entre un ciclo 300 e un 400.

-Ciclo curto (1000 euros): Gandaría Fernández Sánchez, que logrou 43141 litros de leite por hectárea cun DKC 3575, unha variedade de ciclo 200.

Xornada técnica de formación

Ademais da entrega de premios, a xornada organizada por Dekalb tamén serviu para coñecer como xestiona o cultivo do millo Granja San José, en Huesca, a cargo de Salvador Castellanos, responsable de xestión de forraxes. Esta gandería, con 3776 vacas en muxido, sementou o ano pasado 973 hectáreas de millo forraxeiro.

A continuación, Anxo Valiño, responsable do departamento de desenvolvemento de mercado de Bayer para a Cornixa e Castela e León, presentou as últimas novidades do catálogo de millo de Dekalb para 2024. Seguidamente, Montserrat Vázquez, delegada comercial de Bayer para Galicia, explicou as claves para o manexo sustentable de produtos fitosanitarios, especialmente herbicidas, durante o cultivo de millo.

A xornada formativa concluíu cunha charla de Sergio Grille, gandeiro de Mazaricos, que nos últmos anos acometeu unha dixitalización completa dos traballos agrícolas na súa granxa.

Fotos das ganderías premiadas: 

 

Bayer e a súa marca de sementes de millo Dekalb presentaron este luns no concello coruñés de Frades os seus últimos avances no cultivo de millo. Fixérono dentro da xornada Bayer Arena, na que máis dun cento de gandeiros e técnicos visitaron un campo de ensaio na gandería SAT A Pedra.

Recollemos os testemuños do gandeiro e do equipo de Bayer:

Anxo Valiño, responsable de Desarrollo de Bayer na zona Noroeste:

“Estamos nun campo en Frades, que o denominamos Bayer Arena. É un dos 35 campos de ensaio que temos repartidos por toda Galicia, para o avance de produto a nivel local, principalmente na cornixa Cantábrica e en Galicia.

Neste campo, ademais de ter a xenética de presente e sobre todo de futuro, o que fixemos foi reunir a máis de 100 gandeiros arredor do cultivo do millo, non só ensinando xenética senón tamén mostrando cal é a nosa solución na parte dixital e na protección de cultivos.

Aproveitando esta xornada na que reunimos ao redor do cultivo de silo a todos estes gandeiros, aproveitamos para facer un novo lanzamento, un reforzo no noso catálogo, que está liderando o cultivo de millo de silo en Galicia. Falamos dun ciclo 400, que é o DKC 5432, o substituto natural do 5144. Por que o lanzamos? Pois principalmente por un parámetro importante en Galicia que é o stay green. Estes últimos anos tivemos anos complicados de falta de precipitación, co cal, este ano, foi bastante bo comparado cos anos anteriores, pero, históricamente, coa problemática metereolóxica, vemos que o factor de ter híbridos rústicos e con bo stay green, é importante sobre todo, por unha razón, a de conseguir dixestibilidade.

E o DKC 5432 non só supera ao seu predecesor en produción, senón que o supera en stay green e calidade.

O que estamos levando a cabo, a parte dos ensaios de xenética, que evidentemente son importantes para coñecer o presente e o futuro da xenética en millo de silo, é tamén traballar a parte de agronomía; é dicir, todo o que facemos a redor do cultivo, como preparamos as terras, a densidade á cal sementamos, o marco de sementeira….

Resultados positivos con marcos de sementeira de 50 centímetros entre filas

Neste sentido, estamos facendo unha serie de ensaios nos que comparamos marcos de sementeira de 70 cm entre filas respecto a un de 50 e vemos que un marco que nos está satisfacendo máis é o de 50. É dicir, reducir un pouco o marco de sementeira porque con iso aumentamos a distancia entre sementes na propia fila. Con iso cubrimos antes o terreo, co cal estamos favorecendo o control de malas herbas. En segundo lugar, dámoslle máis espazo á planta para poder esparcir a folla e a mazaroca. Ademáis, temos un mellor aproveitamento dos nutrientes do solo, pois pódese expandir mellor a raiz. E en cuarto lugar, temos tamén unha menor evaporación de auga, co cal, nos anos que veñen moi baixos a nivel de precipitacións, vemos que sementar a 50 favorece que non se evapore tanto a auga e quede máis no solo, co cal vaise aproveitar mellor polo cultivo.

Por outra parte tamén aproveitamos para compartir con estes gandeiros a nosa plataforma dixital FieldView que nos axuda a tomar decisións. Así, compartimos cos gandeiros a colleita en directo, unha colleita na cal utilizamos a nosa plataforma para conectarnos en remoto desde esta outra parcela coa colleitadora que estaba a 500 metros colleitando nunha leira na que fixemos sementeira variable de millo. É dicir, en función do potencial productivo de cada unha das partes da parcela, metemos máis ou menos cantidade de sementes, para que o propio cultivo se desenrolase ben e poder sacar a maior cantidade de materia seca por hectárea.

Juan Carlos Sánchez Meijide (SAT A Pedra):

Juan Carlos Sánchez Meijide é un dos socios de SAT A Pedra, a gandería de Frades na que se realizou o campo de ensaio. Nesta granxa traballan unha superficie dunhas 100 hectáreas, das cales en 55 hectáreas sementan millo.

“Agora mesmo estamos con DEKALB e traballamos sobre todo as variedades 500 todos os anos. Algún ano metemos algunha variedade 400.

Os ciclos longos sempre aportan un pouquiño máis de almidón, e nós traballámolos moito porque normalmente deixamos bastante terreo libre, o que nos permite meter este tipo de ciclos e así ter máis tempo. Esta marca, xa traballamos desde hai moitos anos, pero agora desde hai uns poucos anos sementamos todo de DEKALB.

O ano pasado foi unha campaña tirando a boa, non como a deste ano que é bastante boa, creo. Estamos sobre un 35-36% de almidón, e un 33-34% de materia seca.

Este ano é un ano excelente, pola climatoloxía veu un ano moi bo e a planta está moi verde. como ten que estar. Pero si, o ano axuda moito.

Montse Vázquez: Delegada de Bayer para a zona de Galicia, Asturias e Cantabria.

Estamos no concello de Frades, nunha finca da ganadería SAT A Pedra, e o obxectivo da xornada de hoxe é presentar as solucións de Bayer para o ano 2024 e a estratexia de empresa de cara ao futuro.

A día de hoxe Bayer, como empresa lider no mercado, está investindo moitos recursos para poder presentar unha solución ao agricultor. Esta solución implica xenética, protección de cultivos, os fitosanitarios e ferramentas dixitais. Hoxe imos ver novas variedades que serán lanzadas no ano 2024, e, ademais, veremos unha solución de ferramentas dixitais como é FieldView, e faremos unha colleita en vivo.

Neste campo temos variedades que xa se comercializan pero tamén temos variedades experimentais que se lanzarán ou non ao mercado en función dos resultados obtidos nos ensaios.

Dekalb, marca líder en sementes de millo e integrada na multinacional Bayer, celebrou este mércores en Santiago de Compostela unha xornada de entrega dos premios da segunda edición do concurso Dekalb+Silo, que organiza para premiar ás gandarías de vacún de leite que lograron mellores rendementos na campaña 2022.

Uns 50 profesionais do sector, entre gandeiros e técnicos, déronse cita na entrega de premios deste certame, do que Marcial Costoya, Territory Sales Manager de Bayer para a Cornixa Cantábrica, Galicia e León, salientou a súa elevada participación, con 83 gandarías de Galicia, Asturias e Cantabria. As colleitas de millo de 2022 estiveron condicionadas pola forte seca estival, que reduciu os rendementos, polo que estes galardóns teñen se cabe máis valor.

Listaxe de premiados

O concurso Dekalb+Silo ten como obxectivo dar máis valor a lograr un silo de millo de calidade. Estes son os premiados nas dúas categorías nas que se estruturou:

1) En colleita: Premios para as mellores calidades de mostras en verde medido en litros de leite por tonelada  de materia seca de millo forraxeiro logradas:

Primeiro premio (1000 euros): Para a gandería de Juan José Cortizas Blanco. Logrou 1889 litros de leite/tonelada de materia seca cun millo Dekalb DKC 4621, , un ciclo 300 de altas produccións.

Segundo premio (600 euros): Gandaría Vila de Santaia SL, de Curtis (A Coruña). Logrou 1863 litros de leite/tonelada de materia seca tamén cun millo Dekalb DKC 4621

Terceiro premio (400 euros): Gandaría Batalla SC, de Rois (A Coruña). Logrou 1860 litros de leite/tonelada de materia seca cun millo Dekalb , igualmente coa variedade DKC 4621.

2) En silo:  Premios para as mellores producións medidas en litros de leite por hectárea. Para iso tomouse unha mostra do silo e cubicáronse os silos, expresando o resultado en litros de leite por hectárea logrados polo millo ensilado, premiando ás mellores producións segundo o ciclo de millo.

-Ciclo curto (1000 euros): Gandaría Toxeiro, de Cospeito (Lugo), que logrou 39235 litros de leite por hectárea cun DKC 4071, un ciclo 280.

-Ciclo medio (1000 euros): Gandaría de Pablo Sánchez Arias, de Palas de Rei (Lugo), que logrou 36337 litros de leite por hectárea cun DKC 4598, un híbrido de ciclo 300 de Dekalb.

-Ciclo longo (1000 euros): Gandaría Gasalla, de Frades (A Coruña), que logrou 44245 litros de leite por hectárea cun DKC 5911, unha variedade de ciclo 500 longo.

Xornada técnica de formación

Ademais da entrega de premios, a xornada organizada por Dekalb tamén serviu para coñecer as últimas novidades sobre estudo da dixestibilidade da fibra e do almidón, e o seu impacto na eficiencia na produción en ganderías de vacún de leite, un relatorio que foi impartida por Ángel Ávila, experto consultor para ganderías de vacún de leite.
A continuación, Marcos Garcia e Lorena Pérez, asesores agronómicos de Dekalb para Galicia, presentaron un informe sobre como está a afectar o cambio climático ao cultivo do millo en Galicia, tomando como base os datos meteorolóxicos das estacións de Fontecada (Santa Comba) e Castro de Ribeiras de Lea (Castro de Rei). “Os resultados amosan que dende o 2015 necesitamos 7 días menos para a maduración do millo na zona do Xallas e 15 días menos na Terra Chá a consecuencia do incremento das temperaturas, e iso deberíanos levar tamén a facer cambios na elección dos ciclos e nas datas de sementeira e de colleita”, apuntou Marcos García. Pola súa parte, Lorena Pérez, expuso unha serie de estratexias que poden seguir os gandeiros para reducir o impacto do cambio climático na produción de millo forraxeiro.

Por último, Anxo Valiño, responsable do departamento de desenvolvemento de mercado de Bayer para a Cornixa e Castela e León, presentou as últimas novidades do catálogo de millo de Dekalb, así como os beneficios que nos aporta a agricultura de precisión, onde Bayer ofrece de forma gratuíta a súa aplicación FieldView, que nos permite monitorear a evolución dos cultivos de millo a nivel de parcela.

A xornada organizada por Dekalb rematou cunha conferencia de Montserrat Vázquez, delegada comercial de Bayer para Galicia, que explicou as claves para o manexo sustentable de produtos fitosanitarios, especialmente herbicidas, durante o cultivo de millo.

 

Un momento da xornada

Uns 100 gandeiros de toda Galicia déronse cita o pasado xoves en Santa Comba (A Coruña) na Xornada Bayer Arena, na que a multinacional presentou as últimas innovacións para mellorar en rendemento do cultivo do millo, en concreto a súa aplicación Fieldview, cuxas vantaxes puideron comprobarse en directo a través da ensilaxe dunha leira de millo.

Ademais, os asistentes observaron in situ os resultados das variedades máis demandas de Dekalb, así como o comportamento do novo híbrido DKC 5110. Igualmente, recibiron información sobre as claves para un bo manexo dos herbicidas e insecticidas dos que dispón Bayer para o cultivo de millo.

A parcela na que celebrou a Xornada Bayer Arena, unha das 3 das que dispón en España a multinacional alemá, é unha leira de 5 hectáreas pertencente a Gandería Mouro SC.

Fieldview: A app que permite realizar unha agricultura de precisión no cultivo do millo e mellorar a rendibilidade para o gandeiro

Anxo Valiño, responsable do Departamento e Innovación de Bayer para Galicia, Castela e León e Asturias, explicou que “o que nos permite esta aplicación, dispoñible gratis na súa versión standard para os clientes do noso millo Dekalb, é realizar unha agricultura máis sostible, en consonancia co que nos vai esixir a nova PAC a partir do 2023, e por tanto máis rendible para o gandeiro”.

En concreto, a aplicación FieldView incorpórase á picadora para realizar no momento da colleita un mapa de rendemento das distintas zonas da parcela. “O obxectivo desta aplicación é lograr rendementos máis homoxéneos na parcela, optimizando o uso de fertilizantes, de forma que apliquemos máis abono orgánico nas zonas que máis o necesitan, máis abono químico onde obteñamos mellores rendementos, e tamén realizar doses de sementeira variables, indo a densidades máis elevadas nas mellores zonas da leira e baixando a densidade de planta nas partes máis pobres”, resume o responsable de Bayer.

Imaxes de Fieldview: Á dereita imaxe do estado do cultivo o 25 de xullo e á esquerda mapa de rendementos da parcela no momento da colleita o 15 de setembro: 

No caso concreto desta parcela de Gandería Mouro SC estaba a monte hai 3 anos, con zonas encharcadas e outras máis secas, o que explica en parte a súa variabilidade de rendementos.

Neste sentido, Anxo Valiño asegura que “empezamos a traballar o pasado ano con FieldView con imaxes por satélite NDVI da parcela, que se actualizan cada 7 días, e que nos permiten ver o índice de crecemento vexetativo en cada parte da leira e, por tanto, en que partes as plantas padecen estrés hídrico, teñen déficit de nutrientes…etc.”. “Como curiosidade destacaría que a imaxe que temos na floración do millo, no mes de xuño ou xullo, é moi parecida normalmente á que despois obtemos na colleita no mapa de rendementos”, avanza.

Este campo de ensaio de Santa Comba foi sementado o 6 de maio, utilizando como base o mapa de rendementos da mesma do ano 2021. Probáronse 4 variedades de Dekalb (DKC 5911, DKC 5110, DKC 5144 e DKC 4595) e aplicáronse dúas densidades de sementeira: unha con 92000 plantas por hectárea e outra con 101.000 plantas.

Anxo Valiño: “Queremos estender Fieldview ás ganderías galegas para facilitarlles que poidan mellorar a súa rendibilidade”

“A agricultura de precisión é o futuro e hoxe a maquinaria permite realizala, pois xa hai no mercado tanto abonadoras como sementadoras de precisión, con dosificación variable utilizando un mapa de rendementos previo. Para que as coselleitadoras poidan realizar este mapa teñen que incorporar un sensor de masa, algo que en Galicia é certo que só dispoñen do moi poucas, neste momento. No noso caso a empresa de servizos agrarios que realizou a colleita, Ventura Souto SL, si que dispón de picadoras con el”, explica o responsable do Departamento e Innovación de Bayer

“Estas innovacións que estamos a aplicar nesta gandería queremos estendelas nos próximos anos ao resto de ganderías galegas para que mediante FieldView podamos ofrecerlles unha recomendación de abonado e de dose de sementeira variable en cada parcela, para así mellorar a súa rendibilidade”, conclúe.

Mazarocas das variedades ensaiadas

Ensaio das variedades top de Dekalb en millo forraxeiro e do novo DKC 5110

En canto ás variedades ensaiadas, desde Dekalb destacan que “todas elas pasaron un proceso de selección previo, con cultivo noutro campo de ensaio en Mazaricos, para seleccionar aquelas que mellor se adaptan ás condicións das comarcas de clima máis tépedo de Galicia e de Asturias”. En concreto, tívose en conta a resistencia á roia e a outros fungos, como o Helminthosporium, así como a dixestibilidade tanto da fibra como do amidón, para escoller aquelas que teñen mellor conversión en leite.

Das catro ensaiadas estas son as características máis destacadas:

DKC 5144: Ciclo 400 con xa unha traxectoria de cultivo. Destaca a súa boa mazaroca e a súa alta resistencia ao Helminthosporium. 

DKC 5911: Ciclo 500 que esixe sementeiras temperás, como moi tarde a finais de abril. Moi boa mazaroca, cunha media de 20 filas de grans e altas producións. Moi rendible para o gandeiro con elevadas producións permitindo densidades altas se a leira o permite.

DKC 4598: Ciclo 300, variedade moi rústica, con moi boa sanidade e stay greeen.

DKC 5110: A nova variedade de Dekalb que se presenta como unha híbrido bisagra entre un ciclo 300 e un 400. Boa produción de mazaroca e algo máis precoz que o DKC 5144. Moi boa dixestibilidade tanto da fibra como do amidón.

Uso cada vez máis eficiente dos herbicidas

Por último, Montse Vázquez, delegada comercial de Bayer para Galicia explicou os cambios que se aveciñan coa nova PAC en canto ao uso de produtos fitosanitarios.

“Cada vez hai unha maior limitación por parte da Comisión Europea no uso de herbicidas e insecticidas, e a proba é que ás empresas cada vez élles máis difícil sacar novas materias activas ao mercado”, explico.

Esta crecente restrición á actividade agrícola por parte da Unión Europea obrigará aos produtores para ser máis eficientes. “O futuro está nunha aplicación variable de herbicidas e demais fitosanitarios; en alternar materias activas para reducir o risco de resistencias nas malas herbas e en combinar unha aplicación de herbicida en preemerxencia con outra de postemerxencia, no caso do amaranto,e iso si, coa herba pequena”, explicou Montse Vázquez.

Bayer, propietaria da coñecida marca de sementes Dekalb, organiza para este xoves, 15 de setembro, la localidade coruñesa de Santa Comba, unha xornada formativa sobre os últimos avances en agricultura dixital para o cultivo do millo.

A xornada terá lugar ás 11:30 horas e nela poderase ver a primeira colleita en directo dunha leira, coa tecnoloxía Climate Field View.

As persoas interesadas en asistir deben rexistrase na seguinte ligazón:

https://forms.office.com/r/crnagvrxP8

Dekalb, marca líder en sementes de millo e integrada na multinacional Bayer, celebrou o pasado mércores en Abegondo (A Coruña), unha xornada de entrega dos premios do concurso Dekalb+Silo, o primeiro que organiza para premiar ás gandarías de vacún de leite que lograron mellores rendementos na campaña 2021.

Uns 60 profesionais déronse cita na entrega de premios deste certame, do que Marcial Costoya, Territory Saes Manager de Bayer para a Cornixa Cantábrica, Galicia e León, salientou a súa elevada participación. “Foi o primeiro ano que o organizamos e participaron 79 gandarías de Galicia, Asturias e Cantabria. Foi todo un éxito e iso anímanos a volver convocalo para este 2022”, avanzou..

Listaxe de premiados

O concurso Dekalb+Silo ten como obxectivo dar máis valor a lograr un silo de millo de calidade. Estes son os premiados nas dúas categorías nas que se estruturou:

1) En colleita: Premios para as mellores calidades de mostras en verde medido en litros de leite por tonelada  de materia seca de millo forraxeiro logradas:

Primeiro premio (1000 euros): Gandaría Armada. Logrou 1886 litros de leite/tonelada de materia seca cun millo Dekalb DKC 4621

Segundo premio (600 euros): Gandaría Sat Os Chans. Logrou 1876 litros de leite/tonelada de materia seca cun millo Dekalb DKC 5741

Terceiro premio (400 euros): Gandaría SAT El Gorgoyu. Logrou 1871 litros de leite/tonelada de materia seca cun millo Dekalb DKC 4071

2) En silo:  Premios para as mellores producións medidas en litros de leite por hectárea. Para iso tomouse unha mostra do silo e cubicáronse os silos, expresando o resultado en litros de leite por hectárea logrados polo millo ensilado, premiando ás mellores producións segundo o ciclo de millo.

-Ciclo curto (1000 euros): Gandaría Tubio Busco SC, que logrou 36807 litros de leite por hectárea cun DKC 3575

-Ciclo medio (1000 euros): Gandaría Iglesias Agra SC, que logrou 36585 litros de leite por hectárea cun DKC 4621

-Ciclo longo (1000 euros): Gandaría Míguez SC, que logrou 39458 litros de leite por hectárea cun DKC 5741

Xornada técnica de formación

Ademais da entrega de premios, a xornada organizada por Dekalb tamén serviu para coñecer as últimas actualizacións dos parámetros utilizados nas analíticas de ensilados de millo e a súa aplicación práctica en vacún de leiteiro, un relatorio que foi impartida por Javier López, responsable técnico de rumiantes de Kemin para o sur de Europa.

A continuación, Pablo Amado, asesor agronómico de Dekalb para a zona centro da provincia da Coruña, presentou os resultados dun estudo sobre utilización de millo en gran húmido realizado en 13 granxas galegas.

Por último, Montserrat Vázquez, delegada comercial de Bayer para Galicia, impartiu unhas claves para o manexo sustentable de produtos fitosanitarios, especialmente herbicidas, durante o cultivo de millo, e Anxo Valiño, responsable do departamento de desenvolvemento de mercado de Bayer para a Cornixa e Castela e León, presentou as últimas novidades do catálogo de millo de Dekalb.

Asistentes á xornada

Dekalb presenta Acceleron, unha nova solución integral aplicada nas súas sementes de millo que maximiza a produción e blinda o cultivo desde o inicio, grazas a tratamentos que combinan a protección funxicida e insecticida nos primeiros estadíos de desenvolvemento, e a capacidade potenciadora da simbiose planta-fungo, para incrementar a captación de auga e nutrientes da terra, durante todo o ciclo de cultivo.

Esta protección, que cobra especial importancia nos primeiros 30 días, mellorando o vigor da planta e a uniformidade do cultivo, baséase nunha acción:

-Funxicida fronte a enfermidades propias de semente e solo, como Phytium, Rhizoctonia ou Fusarium, protexendo á planta desde o primeiro instante.

-Insecticida, que ofrece máxima seguridade fronte a pragas como o verme do arame.

-Bioestimulante, que contén moléculas tipo LCO (Lipo-quito-oligosacáridos), implicadas centralmente na asociación simbiótica entre as raíces da planta e os fungos formadores de micorrizas. B-360 estimula o xermolar de esporas de fungos micorrícicos, axudando a establecer unha simbiose planta-fungo que incrementa o volume funcional da raíz e permite á planta acceder a máis nutrientes e auga do solo, en zonas que antes lle eran inaccesibles.

-Nova cobertura de semente, que mellora o paso polo tubo de sementeira

Maximiza o potencial de rendemento coa actividade bioestimulante de B-360:

Acceleron B-360 potencia a simbiose planta-fungo mediante:

1) Interaccións previas á simbiose, actuando de dúas maneiras:
Envía un sinal á planta que abre a porta das células da raíz para os fungos micorrícicos.

Estimula a xermolar das esporas destes fungos, xerando un gran número de hifas.

2) As micorrizas: os fungos micorrícicos poden acceder ás células da raíz, e comezar a colonización e conexión á cortiza radicular.

3) Aumento do volume funcional da raíz: o volume funcional da raíz (raíz da planta + rede de micorrizas resultante da simbiose) aumenta, polo que a planta ten acceso a unha maior cantidade de terra, auga e nutrientes que antes non lle eran accesibles.

Elixe a mellor opción para as túas necesidades:

Descobre aquí o novo catálogo de millo de DEKALB e experimenta todo o poder de Acceleron

Un gran vigor de emerxencia coa máxima protección é clave para conseguir unha colleita exitosa. Os híbridos de millo DEKALB tratados con Maxim®Quattro, un novo funxicida de amplo espectro, están protexidos fronte a enfermidades propias da semente e do solo, e teñen unha nascencia con mellor vigor e maior uniformidade. Asegura o teu millo fronte a enfermidades como Phytium, Rhizoctonia ou Fusarium. Maxim®Quattro axuda a diminuír o estrés da planta na xerminación para un comezo máis robusto, protexendo o valor da túa semente desde o primeiro instante.

As sementes de DEKALB tratadas con Maxim®Quattro terán, adicionalmente, un recubrimiento especial que mellorará a aparencia da semente e outorgará maior fluidez á mesma ao longo do tubo de sementeira.

Que é Maxim®Quattro?

Maxim®Quattro é un fungicida de amplo espectro aplicado nos mellores híbridos de DEKALB. A súa formulación contén catro poderosos principios activos: fludioxonil (37,5 g/L), metalaxyl-M (29 g/L), tiabendazol (300 g/L) e azoxistrobin (15 g/L); cuxa acción resulta nun eficaz control das enfermidades propias de semente e solo. Empregando a formulación química máis eficaz do mercado, DEKALB é capaz de facilitar unha protección efectiva desde os primeiros estadíos do desenvolvemento da planta; cando esta é máis vulnerable aos danos e cando máis efecto teñen estes sobre o rendemento futuro se a planta non se atopa convenientemente protexida.

Ademais, Maxim®Quattro ten un impacto positivo na sustentabilidade, ao actuar de maneira específica en todos os tipos de solos e baixo todas as prácticas agronómicas; xerando un baixo impacto ambiental. As sementes de DEKALB co tratamento Maxim®Quattro están protexidas fronte a un amplo rango de enfermidades propias de semente e do solo como: Fusarium spp., Phytium spp. e Rhizoctonia; axudando ao desenvolvemento vigoroso da planta na xerminación e diminuíndo o risco de caída.

Que valor achega MaximQuattro á semente de millo?

Maxim®Quattro ten unha protección e influencia sobre o rendemento extra demostrada en ensaios de campo fronte a Maxim XL, un funxicida estándar.

Cunha protección de serie, as plantas de millo poden xermolar moito máis fortes, con mellor vigor e potencial de rendemento. A protección está dirixida a optimizar a emerxencia e asegurar a poboación de plantas, mellorando ademais o estado sanitario. Con 4 ingredientes activos, hai máis beneficios para o agricultor. A adición dos funxicidas azoxistrobina e tiabendazol amplía significativamente o espectro de control da enfermidade en comparación con Maxim XL, que contén só 2 ingredientes activos.

Nos ensaios desenvolvidos por Syngenta en 2017, nos que as sementes de millo foron inoculadas con Fusarium, Rhizoctonia e unha combinación de ambos, as sementes tratadas previamente con Maxim®Quattro deron lugar a unha maior poboación de plantas sas respecto das tratadas con Maxim XL, en todas as situacións. Iso supuxo un significativo beneficio adicional en rendemento.

Contra que patóxenos actúa?

-Pythium spp: que afecta ás plántulas novas no campo e pode ter efectos devastadores nos primeiros estadíos do cultivo se non se trata.

-Rhizoctonia: que pode causar encamado ao final da campaña, onde a perda de rendemento pode alcanzar o 30% da colleita.

-Fusarium spp: na mazaroca pode ocasionar perdas de rendemento proporcionais ao número de grans contaminados, así como a produción de micotoxinas daniñas se non se trata de maneira efectiva.

Á hora de elixir a semente de millo, a primeira decisión que debemos tomar é decidir o ciclo que imos utilizar. O ciclo de millo é un índice establecido pola F.A.O. (Organización das Nacións Unidas para a Alimentación e a Agricultura) no ano 1952, que naquel entón acordou clasificar os ciclos de millo en 10 grupos de precocidade diferentes desde ciclo FAO 100 ata ciclo FAO 1.000. Esta clasificación da FAO, baseábase nos días entre a sementeira e a maduración fisiolóxica do millo na zona do Corn Belt ou cinto do millo nos Estados Unidos.

Actualmente dispoñemos de variedades comerciais comprendidos entre Ciclo FAO 200 e Ciclo FAO 700. Canto máis longo é o ciclo, máis tarda en madurar a planta de millo.

CICLO FAO	DÍAS
200	86-95
300	96-105
400	106-115
500	116-120
600	121-130
700	131-140
800	141-150
900	151-160
1000	+161

O ciclo do millo depende da integral térmica, é dicir, da suma de temperaturas que o millo acumula cada día desde o día no que se sementou, ata o día da colleita (en caso de silo) ou ata o día da maduración fisiolóxica (en caso de gran). Cada variedade de millo ten a súa propia integral térmica, tanto a floración como a madurez fisiolóxica, e esta Integral é a mesma todos os anos. O que nos varía é o número de días necesarios para alcanzar dita integral, ou o que é o mesmo, para alcanzar a madurez. Así nun ano máis cálido do normal o número de días necesario para a maduración vai ser menor, mentres que nun ano de temperaturas máis frescas do normal, o número de días necesarios para alcanzar a devandita madurez vai ser maior.

Altitude e data de sementeira: as variables que máis afectan

As variables que máis nos afectan para recomendar sementar un determinado ciclo son, principalmente, a atitude con respecto ao nivel do mar, e a data de sementeira.

En sementeiras temperás das zonas con pouca altitude con respecto ao nivel do mar, é onde recomendamos sementar os ciclos máis longos (FAO 600 e FAO 700), e iremos reducindo ciclo a medida que imos atrasando data de sementeira ou aumentemos a altitude, ata a recomendación de usar ciclos 200 cando se bote en xuño e altitudes superiores aos 500 metros.

Recomendamos sementar o ciclo máis longo posible en cada zona

Para maximizar a produción, debemos sementar o ciclo FAO máis longo posible en cada zona, sen comprometer a correcta maduración da variedade, e tendo en conta que cada ano climático é distinto. Por tanto, debemos axustar o ciclo presupoñendo que o ano climático será normal. Queda a man de cada agricultor ou gandeiro o arriscar un pouco máis sementando un ciclo máis longo (vantaxoso nun ano máis cálido) ou un ciclo máis curto (vantaxoso nun ano máis fresco).

Unha vez elixido o ciclo para sementar, segundo a zona onde nos atopemos e segundo a data de sementeira, pasamos a seleccionar a variedade máis adecuada. Para facer esta selección de forma correcta debemos elixir a variedade en función do uso final da mesma. Se o noso uso vai ser silo para alimentar vacas de leite de alta produción, as recomendacións para a elección da variedade van na seguinte orde:

1ª.- Sanidade Vexetal: O principal do noso silo de millo é que sexa “san”, para iso é fundamental que a variedade presente unha boa sanidade foliar, sobre todo fronte a Roya e Helminthosporium (que son os fungos máis abundantes na Cornixa Cantábrica).

A única forma que temos de actuar fronte a estas enfermidades foliares é a xenética. Para poder recomendar as mellores variedades coa mellor sanidade, en Dekalb sementamos cada ano dous Ministrips en Galicia e Asturias, onde testamos 60 variedades con 3 repeticións en cada campo para seleccionar soamente aqueles híbridos que presentan unha excelente resistencia ás enfermidades foliares, para garantir que o futuro ensilado de millo sexa completamente san para os nosos animais.

2º.- Stay-Green: A variedade debe manterse verde ata o momento de colleita. Só cunha planta verde poderemos conseguir un ensilado ben conservado e ben compactado.

3ª Dixestibilidade: Falando de vacas leiteiras de alta produción, a dixestibilidade do ensilado é o seguinte punto en importancia, superando a parámetros como produción ou almidón. A dixestibilidade indícanos canto do que producimos é aproveitado pola vaca. A parte dixestible é a parte que a vaca vai transformar en leite, e a parte non dixestible, vai ocupar espazo no bandullo da vaca, sen achegar nutrientes. Canto máis dixestible sexa unha variedade máis eficientes seremos na produción de leite e maior beneficio achegaranos esa variedade.

Na nosa rede de ensaios de silo, buscamos variedades con excelente dixestibilidade de fibras (D-FND). A D-FND ten unha enorme importancia cando falamos de variedades para ensilado destinado a vacas leiteiras de alta produción, xa que a medida que aumenta a produción de leite, aumentan as necesidades enerxéticas do animal, pero non aumenta a capacidade de inxestión da vaca, co cal un limitante na produción é a dixestibilidade.

4ª Produción: Poñemos a produción en 4º lugar, porque de nada me serve producir moitos kg dun alimento, se despois as miñas vacas non poden transformalo en leite. A produción debe medirse sempre en kg de materia seca por hectárea.

5º Almidón: O almidón é un tipo de azucre presente no gran de millo e representa máis da metade da enerxía total do silo. As variedades de Dekalb presentan altos niveis de almidóns, que nos proporcionarán silos con gran cantidade de enerxía.

Campo de ensaio Dekalb con excelente Stay-Green e Sanidade Vexetal. (Rede de Ensaios Dekalb Cornixa Cantábrica).

A medida que o gran de millo madura, vai aumentando o contido en almidón e tamén aumenta a dureza do mesmo. Para poder aproveitar a enerxía presente no almidón é necesario triturar e esmagar os grans, pois pola contra perderase parte deste almidón nas bostas dos animais.

As variedades comerciais que presenta Dekalb en silo, foron minuciosamente seleccionadas na rede de ensaios da Cornixa Cantábrica, seleccionando aquelas variedades con excelente sanidade e stay green, altísima produción de kg de materia seca por ha, e con excelente Dixestibilidade de fibras e calidade de gran, todo isto dá como resultado as variedades comerciais cos índices máis altos en litros de leite por ha, que lle axudará a maximizar o beneficio económico da súa explotación leiteira.

*Autor: Pablo Amado. Asesor Agronómico