Belchim pon a disposición do agricultor a solución definitiva para combater as malas herbas no cultivo do millo, que a continuación vos describimos:

Elite Plus 60D:

Elite Plus 6OD é un herbicida a base de Nicosulfuron 6% específico par millo e que se emprega en dose de 0,5-0,75l/ha. A súa acción sistémica caracterízase pola súa elevada eficacia, selectividade no cultivo e altos niveis de calidade que garante, ademais da efectividade non condicionada por factores externos, unha rápida absorción nas malas herbas, resistencia á lixiviación e unha estabilidade prolongada da formulación ao longo do tempo. Aplícase contra malas herbas anuais gramíneas e dicotiledóneas en post-emerxencia.

Maior resistencia ao lavado

De 2 a 3 horas despois do tratamento, o Elite® Plus 6OD absorbeuse o suficiente como para ter unha elevada eficacia. Esta resistencia ao lavado é unha vantaxe innegable para tratamentos efectuados cando a climatoloxía é incerta.

Eficacia recoñecida e mellorada:

Elite Plus 6OD está recoñecido pola súa acción contra as gramíneas. A tecnoloxía 60D fortalece esta acción e achega un importante complemento de eficacia en dicotiledóneas.

Onyx: Eficaz e respectuoso co medioambiente

Onyx: a base de Piridato 60%, dose até 1,5l/ha. Representa o herbicida total en folla ancha e o compañeiro definitivo para a mestura máis efectiva con herbicidas radiculares (post-temperá) ou triquetonas (post-tardía)

Herbicida de contacto, con acción inhibidora da fotosíntese o seu ingrediente activo, Piridato, é unha molécula catalogada como de baixo risco, a súa toxicidade entre moderada e baixa para todo tipo de organismo faino especialmente respectuoso coa contorna. Non é persistente no solo nin é sensible á escorrentía.

Alta eficacia comprobada:

Vantaxes:

-Rapidez de acción

-Excelente sinerxía coas triketonas

-Aumenta a eficacia global dos tratamentos

-Baixa toxicidade en mamíferos, paxaros e organismos do chan, baixa a moderada toxicidade en organismos acuáticos

-Non carcinoxénico, teratoxénico ou mutaxénico

-Non persistente no solo

-Non é sensible á lixiviación, nin á escorrentía

Temsa:

Temsa: a base de Mesotriona 10%, dose de 0,75-1,5l/ha. Herbicida da familia das triquetonas para o control en post-emerxencia de malas herbas dicotiledóneas e gramíneas en millo.

De contacto, sistémico e rápida penetración. As malas herbas absorben o produto vía foliar e traslócase pola planta, manifestándose o seu efecto aos 3-5 días da aplicación como branqueo e necrose dos tecidos meristemáticos.

Herbicida da familia das triquetonas, de post-emerxencia para o control de dicotiledóneas e gramíneas en millo

O momento recomendado para a aplicación é desde o estadío de 2 follas despregadas até 9 ou máis follas despregadas (BBCH 12-19). A dose a empregar é de dentre 0,75 e 1,5 litros por hectárea, cun volume de caldo de entre 200 e 400 litros.

Onde comprar os herbicidas de BELCHIM para millo?

-O noso distribuidor para as provincias de Lugo e A Coruña é ZOONORT . Están na rúa Xoan Montes, 35, 27270 Mosteiro, Lugo, España. Tamén podes contactar con eles a través do teléfono 982 34 59 01

-Para a provincia de Ourense o distribuidor de BELCHIM é FITÓAGRARIA. Rúa Dous de Maio, 57, 32630 Xinzo de Limia. Teléfono 988 46 25 60  Email: info@fitoagraria.com Máis información en http://www.fitoagraria.com/ 

A multinacional Belchim presentou ante máis de 200 técnicos e viticultores en Agrovid, a Feira para o Cultivo da Viña, celebrada en Valladolid, o seu novo produto para reducir os danos das enfermidades da madeira.

Trátase de VINTEC, un produto a base de “Trichoderma atroviride SC1”, un fungo rexistrado por Belchim no Ministerio de Agricultura. Aplícase inmediatamente despois de podar sobre os cortes de poda, sobre todo en cortes grosos, dificultando notablemente a entrada na planta das esporas dos fungos que provocan as enfermidades da madeira. Estas patoloxías son as que máis perdas están a provocar neste momento nos viñedos, e de feito algún experto xa as clasifica como a “Phyloxera” do século XXI.

Neste sentido, VINTEC é bio-funxicida totalmente natural que nos diversos ensaios realizados mostrouse altamente eficaz fronte á Esca (Phaeomoniella chlamydospora e Phaeoacremonium aleophilum) e eutipiose da vide (Eutypa lata), tanto en plantacións adultas como en viveiro.

Ademais, é un produto de fácil aplicación xa que está formulado en gránulos dispersables en auga, lista para usar, e sen necesidade de remollo.

Como actúa fronte ás enfermidades da madeira?

Fonte: BELCHIM

1 – Colonización da madeira: As esporas da cepa “Trichoderma atroviride SC1” presente no VINTEC xermolan en contacto coa auga e aséntanse na madeira. As feridas recentes son ricas en nutrientes como a celulosa que favorece o desenvolvemento de SC1. A cepa SC1 medrra máis rápido que os patóxenos e evita que se desenvolvan.

2 – Penetración na madeira: O micelio da cepa SC1 penetra moi rapidamente nas feridas de poda e desenvólvese nos primeiros centímetros. A protección da madeira vese reforzada por unha presenza predominante da cepa SC1.

3 – Produción de encimas lítias: Unha vez asentada, a cepa SC1 produce encimas lítias como as celulasas e proteasas. Estas encimas degradan as esporas e o micelio dos fungos que provocan as enfermidades da madeira.

Por que VINTEC reduce os danos de enfermidades da madeira no viñedo?

1) Un estudo realizado durante 6 anos en viñedos de Cabernet Sauvignon de Bordeus (Francia) confirma que mediante o uso de VINTEC lógrase unha redución moi importante da mortalidade de cepas por mor de enfermidades da madeira.

En concreto, comparouse unha parte do viñedo na que non se realizou tratamento de VINTEC e outra na que se aplicou o produto de BELCHIM unha vez ao ano, xusto despois da poda.

O resultado é que na parcela sen tratamento ao cabo de 6 anos soamente o 48% das vides estaban sas ou presentaban niveis baixos de esmorecemento da viña, ao redor dun 15% das plantas morreran e o resto presentaba síntomas medios ou fortes de enfermidades da madeira.

Porén, a situación no viñedo tratado con VINTEC era notablemente mellor: soamente o 5% das plantas morreron e o 70% da vide estaba sa ou con niveis baixos de síntomas de debilitamento da viña.

Fonte: BELCHIM

2) Estudo en España en viveiro e en viñedo: Belchim tamén presentou en AGROVID os resultados dun estudo de 3 anos, realizado en colaboración co Grupo de Investigación en Fungos Fitopatóxenos do Instituto Agroforestal Mediterráneo da Universitat Politècnica de València.

Este estudo foi moito máis amplo xa que puxo a proba a eficacia de VINTEC fronte ás enfermidades da madeira tanto en viveiro, coma no viñedo.

Tratamento en viveiro:

O estudo avaliou en primeiro lugar a capacidade de VINTEC para reducir as infeccións por fungos da madeira no material de plantación de vide durante o proceso de propagación nun viveiro comercial.

O ensaio realizouse en 2015 en Viveros Villanueva e a conclusión é que o produto de Belchim reduce as infeccións de forma evidente: dun 8% de  Botryosphaeria pasouse a un 2,5% e dun 6% de enfermidade de Petri a un 2,5%.

Fonte: BELCHIM

1 ano despois da plantación en viñedo:

O seguinte estudo da Universitat Politècnica de València, realizado en 2016, foi comprobar se o material tratado con T. atriviridae SC1, o fungo de VINTEC, resultaba eficaz como axente de control biolóxico durante dúas campañas (aplicando Vintec despois da poda), fronte ás enfermidades da madeira.

Fonte: BELCHIM

Os resultados tamén son positivos: Despois de 1 ano da plantación do viñedo, en Requena (Valencia), as vides tratadas con VINTEC en viveiro seguen presentando moita menor afección por enfermidades da madeira que as que non foron tratadas: un 7% con Botryosphaeria, fronte ao 16% das non tratadas, e un 2% con enfermidade de Petri fronte ao 8% das que non recibiron Vintec.

Eficacia despois da poda:

Por último, o estudo do Grupo de Investigación en Fungos Fitopatóxenos do Instituto Agroforestal Mediterráneo da Universitat Politècnica de València, comprobou se VINTEC era eficaz en viñedo aplicándoo despois da poda.

O estudo, realizado en 2017 no mesmo viñedo de Requena, confirma que “o primeiro tratamento despois da poda segue mantendo a redución das infeccións por enfermidades da madeira, cun tratamento despois da poda o segundo ano da plantación”.

Fonte: BELCHIM

Como se aplica?

Vintec aplícase unha vez ao ano despois de facer a poda e pódese aplicar tanto con mochila como con pulverizador.

A pulverización haina que dirixir cara ás feridas de poda, cunha dilución en auga que permita non exceder o punto de escorremento. Débese aplicar en días sen choiva ou xeadas para que o produto penetre correctamente na ferida de poda.

Cultivo	Dose	Prazo de Seguridade(días)	DOENZAS
VIDE (inclúe uva de mesa e de vinificación)	0,2 Kg/ha	Non precisa	Yesca (Phaeomoniella chlamydospora y Phaeoacremonium aleophilum) y Eutipiosis de la vid (Eutypa lata)
VIVEIROS (plantas nai, patróns e tanos)	0,2 Kg/hl	Non precisa	Esca (Phaeomoniella chlamydospora e Phaeoacremonium aleophilum) e Eutipiosis da vide (Eutypa lata)

Vantaxes de VINTEC®:

– A cepa específica T.A. “SC1” traballa no seu medio natural
– Rendibilidade: alta concentración
– Persistencia de acción durante o período de risco
– Flexibilidade na aplicación
– Fácil de usar

Como adquirir VINTEC?

Máis información: https://www.belchim.es/index.php/vintec