A motoaixada segue sendo aínda a día de hoxe unha das ferramentas agrícolas máis habituais en explotacións de menor tamaño, onde constitúen un elemento básico de traballo. O seu deseño, dimensións e versatilidade convértena en imprescindible para as explotacións agrícolas e para hortas de ocio asociadas a práticas agrícolas de fin de semana.

Que é unha motoaixada?

Unha motoaixada é unha máquina autopropulsada que se despraza através dun eixo motriz grazas ao movemento proporcionado por un motor de combustión interna. Habitualmente ese eixo motriz é tamén o eixo de traballo da máquina, polo que as motoaixadas se moven impulsadas polas súas propias pas, aínda que costumen dispor dunha roda que facilita o seu transporte cando non está en funcionamento. Esa roda, normalmente, sitúase na parte dianteira, pero cómpre dicir tamén que hai modelos no que a roda se atopa na parte posterior.

Motoaixada vs. motocultor

Un dos erros máis frecuentes é confundir a motoaixada co seu irmán maior, o motocultor. O motocultor é unha máquina asentada sobre dúas rodas motrices que por si mesma non é quen de realizar ningún traballo, precisando da axuda dun apeiro para levar a cabo o labor desexado. Nas superficies de maior tamaño os motocultores -pola súa maior potencia e envergadura- son máis empregados, aínda que as motoaixadas son tamén un valioso elemento auxiliar.

Que son as fresas nunha motoaixada?

O traballo da motoaixada non sería posible sen as chamadas fresas, que son pas rotativas que se encargan de levantar o solo, airealo, cortar a herba e misturar o abono e o esterco coa terra. Estas fresas están montadas nos eixos de saída da transmisión para os seus distintos usos. A maior número de fresas, maior eficacia e capacidade terá a motoaixada na execución das tarefas.

Que poderemos facer coas fresas dunha motoaixada?

Entre os labores máis frecuentes que se levan a cabo coas fresas dunha motoaixada está a preparación do solo. Este acesorio en forma de pa acciónase através dunha toma de forza lateral, e emprégase para arrincar a terro do solo cunha profundidade de entre 10 e 15 centímetros, deixándoo así esponxoso e preparado para o seu uso. O terreo quedará así moi fino grazas á alta velocidade de rotación durante o fresado.

Distintos usos dunha motoaixada

O principal e máis frecuente uso dunha motoaixada é o arado da terra. Co arado conseguimos levantala e aireala, facéndoa máis homoxénea ao misturárense varias capas. Normalmente, os agricultores realizan o labor de arar coas fresas, que serían as encargadas de cavar o rego na zona de traballo.

Outros apeiros dispoñibles para as motoaixadas diversifican os seus usos e funcións máis alá do mero arado da terra. Así existen no mercado apeiros tan diversos como os arrincadores e as sementadoras, que evitan os traballos manuais asociados á sementa de todo tipo de cultivos, os remolques para a súa utilización con pequenas cargas, os arados xaponeses, provistos de varas curvas especialmente deseñadas para levantar terreos húmidos, ou os extratores de musgo e aireadoras de céspede, que axilizan os traballos de coidado e mantemento de todo tipo de xardíns.

Aspectos clave para un axeitado rendemento da túa motoaixada

No que respecta ao seu desempeño, unha das chaves é un óptimo mantemento da nosa motoaixada. Isto vai redundar nunha maior seguridade e eficiencia á hora de realizar os traballos. Por iso, resulta imprescindible unha frecuente limpeza da nosa máquina e o seu correcto almacenamento, sobre todo se se traballou nun terreo seco e con moito pó.

Como limpar a nosa motoaixada?

Para limpar a súa parte exterior deberemos empregar un trapo ou un pincel enchoupado en gasolina para quitar a sucidade que se soe depositar no sistema de ventilación do motor. Pór en destaque tamén que unha óptima ventilación fará que a nosa motoaixada traballe moito mellor.

Como resumo, podemos dicir que as motoaixadas constitúen aínda a día de hoxe ferramentas imprescindibles nos labores relacionados co campo e a xardinería, sobre todo naquelas fincas de pequenas dimensións.

Unha ampla oferta poderá atopala na seguinte ligazón

Innovación é probablemente a palabra que mellor define a marca Ferris desde que en 1986 comezase coa fabricación de máquinas cortacéspede profesionais. Nestes máis de 30 anos de experiencia, Ferris soubo adaptarse aos tempos e renovarse continuamente para ofrecer sempre a última tecnoloxía e a máxima calidade nos seus produtos.

Consciente da responsabilidade de representar a unha firma do prestixio de Ferris, a empresa galega Millasur asumiu este 2018 o reto de converterse en distribuidor oficial da marca para España e Portugal. Millasur suma así os produtos 100 % profesionais de Ferris ao seu extenso catálogo de maquinaria para xardín: cortacéspedes de xiro cero, stand-on e dirixidos. Unha oferta ampla dunha marca avalada polos seus clientes e que satisfai as demandas dun sector en crecemento e renovación continua.

Hoxe en día, entre os seus modelos destacan especialmente o xiro cero IS® 2600Z, equipado co último en motores EPA TIER FINAL 4 con regulación de emisións, e o 2100Z IS®, o primeiro xiro cero con motores de inxección electrónica.

A súa gama de maquinaria, ademais de segar máis metros cadrados con moita maior facilidade reducindo así os tempos de traballo, está enfocada á protección do operario, reducindo as incomodidades de longos períodos de traballo a través de terreos irregulares.

Ferris demostrou que é posible cortar máis rápido mesmo en terreos irregulares.

A gama de máquinas de Ferris está enfocada completamente a profesionais do xardín e a empresas e organismos que necesitan máquinas profesionais para grandes superficies: mantemento de parques e xardíns, mantemento de instalacións deportivas, etc.

Único sistema de suspensión nas catro rodas

Ferris patentou un vangardista sistema de suspensión ideal para terreos e céspedes irregulares co que cada unha das catro rodas móvese de forma independente. Este sistema permite que a plataforma sobre a que se atopa a segadora quede suspendida facilitando o seguimento dos movementos ascendentes e descendentes das rodas en función das irregularidades do chao.

Que supón este sistema de suspensión para o operario? Grazas a este sistema que mitiga o impacto das irregularidades do terreo no chasis, o operario poderá traballar durante longos períodos sen que isto supoña molestias físicas ou desencadee lesións froito dos efectos do terreo. Ademais, isto implica tamén unha maior estabilidade de condución que se traduce nunha maior capacidade de traballo.

Esta innovación supuxo unha auténtica revolución no campo dos cortacéspedes profesionais, xa que proporciona unha velocidade de corte constante ao longo do terreo e un aumento da vida útil da máquina ao verse protexida dos continuos saltos e vibracións provocados polos terreos máis irregulares.

No seu afán por ir sempre un paso máis aló, Ferris incorpora tamén o seu sistema de suspensión patentado aos seus tractores cortacéspede de xiro cero. O seu potente motor, a súa precisión de corte e os seus anchos de corte superiores aos 112 cm sitúan os xiros cero de Ferris á parte da competencia.

O resultado está claro: rendemento, comodidade e calidade para un uso 100 % profesional.

Consulta aquí o catálogo

Cando se traballa con máquinas de bosque e xardín estacionais que adoitan estar almacenadas durante longos períodos, debe terse sempre moi en conta que, co tempo, o combustible comeza a perder as súas propiedades e, como consecuencia, a resultar daniño para as máquinas cando estas retoman o seu traballo.

Esta degradación do combustible que moitas persoas descoñecen prodúcese por diversos motivos e pode chegar a causar graves danos se non se controla de forma adecuada. Son moitos os factores que inflúen na perda das súas propiedades orixinais.

Por unha banda están os factores relacionados coa contorna e coa forma de almacenamento, como poden ser a exposición directa á luz e a temperaturas elevadas, a sucidade e impurezas acumuladas derivadas dun mal mantemento e, por suposto, o paso do tempo.

Por outra banda, temos tamén os factores relacionados cos propios compoñentes do combustible e que poden contribuír á súa deterioración, como a perda de frescura que provocan algúns compostos químicos tales como o etanol. Esta sustancia que adoita estar presente no combustible absorbe a humidade do ambiente e pode chegar a corroer as pezas do motor.

A deterioración do combustible empézase a producir a partir dos 30 días

Está demostrado que esta desestabilización do combustible en condicións normais de uso ou almacenamento empeza a producirse a partir dos primeiros 30 días. Para solucionar este problema e evitar avarías nas máquinas, Briggs & Stratton ideou Fuel Fit®: un aditivo para combustibles que contribúe ao mantemento do combustible conservándoo fresco e apto para o seu uso, mesmo despois de períodos prolongados de almacenamento.

A compañía Briggs & Stratton, con sede en Estados Unidos, é experta desde hai décadas na fabricación de motores de gasolina arrefriados por aire para equipos de exterior, os cales actualmente comercializa e distribúe en máis de 100 países. Esta ampla experiencia e o seu amplo coñecemento no campo permitíronlle desenvolver este aditivo co obxectivo de aumentar a vida útil dos motores e evitar as diferentes avarías que derivan deste problema.

Fuel Fit permite conservar o combustible en condicións óptimas por un período de até 3 anos,

Coa creación de Fuel Fit®, a compañía revoluciona o mercado ao conseguir que o combustible se conserve en condicións óptimas por un período de até 3 anos, podendo usalo así tras longos períodos de almacenaxe sen temor a provocar un desgaste excesivo no motor ou avarías relacionadas co mal estado do combustible.

Fuel Fit® actúa como protector dos compoñentes metálicos do motor, co que axuda a previr a corrosión e desestabilización que poden chegar a danalo. Así, este aditivo contribúe tamén a un arranque menos dificultoso da máquina impedindo que o etanol actúe oxidando as diferentes partes do motor e mantendo o carburador limpo e sen elementos estraños.

Moitas avarías dos motores débense á mala conservación do combustible

Aínda que poida parecer sorprendente, unha gran porcentaxe das avarías que se producen en motores, tales como sobrequecementos, obstrucións, dificultade de arranque ou baixo rendemento, derivan precisamente da mala conservación do combustible, que, co paso do tempo, acaba por degradarse. Así mesmo, os combustibles aos que se lles engadiu este aditivo axudan tamén a un mantemento activo limpando o motor mentres este se atopa en funcionamento.

Grazas a este avance, as máquinas que adoitan permanecer almacenadas durante varias semanas ou meses ao ano, como poden ser as rozadoras, cortacéspedes, motoserras ou mesmo hidrolimpadoras, manterán o combustible en perfectas condicións e poderán usarse na seguinte tempada sen temor a que un combustible en mal estado poida interferir no seu bo funcionamento e, por tanto, nos resultados que esperamos obter en cada traballo.

Anovamaquinaria é a canle de Youtube de Anova, marca líder en maquinaria de bosque e xardín, no que se ofrece un amplo repertorio de información para aquelas persoas interesadas na maquinaria de xardín.

Así, ademais de vídeos sobre os produtos de Anova, tamén se poden ver titoriais sobre temas de interese para o usuario, desde recomendacións sobre como engrasar o cóbado da rozadora, vídeos explicativos sobre como cambiar o disco dunha rozadora, os diferentes tipos de nylon para estas máquinas ou como cargar o cabezal de nylon.

Ademais, a canle Anovamaquinaria tamén inclúe un vídeo sobre o ritmo de traballo que aguantan as máquinas nun día intenso de traballo ou vídeos de probas coas distintas máquinas de Anova.

Podes ver a canle e subscribirte a ela en:
https://www.youtube.com/c/anovamaquinaria

A empresa galega Millasur comezou en xuño deste ano a distribuír en exclusiva os produtos da empresa alemá Agria-Werke GmbH, entre eles o revolucionario robot desbrozador Agria 9600, dirixido por control remoto.

Trátase dunha máquina especial para cortar herba alta e pequenas ramas en terreos con elevadas pendentes, de ata o 50º. Grazas ao seu sistema de desprazamento por eirugas, ao seu deseño compacto e ao seu baixo centro de gravidade, o Agria 9600 pode cortar herba con eficacia en calquera terreo.

A través do mando a distancia o operador pode controlar a dirección e desprazamento do robot, a altura de corte, controlar a velocidade do motor (ten tres velocidades), ou realizar un apagado de emerxencia.

Unha das súas principais características é que sega tanto en avance como en retroceso, e non só herbas altas, senón tamén pequenas ramas.

Ademais, o Agria 9600 cumpre todos os estándares de seguridade, apagándose automaticamente en caso de perda do sinal. Así mesmo, debemos engadir a vantaxe de traballar cun xiro cero, que non deixará ningunha zona de terreo sen cortar,

Outra novidade deste robot é o seu sistema de motor híbrido, utilizando fuel e un innovador sistema de tracción eléctrico. Por último, o Agria 9600 conta cun intercambio dos depósitos de fuel (jerrican) que facilita esta tarefa e mellora a seguridade.

Así traballa o Agria 9600:

Para máis información: https://www.millasur.com/es/products?search=Agria

José Manuel Rey é xerente de Millasur, unha empresa galega que en apenas 15 anos conseguiu situar a súa marca, Anova, como unha das líderes no mercado español en maquinaria para bosque, horta e xardín.

A empresa con sede en Oroso (A Coruña) ten previsto seguir medrando e márcase como obxectivo dar o salto a América do Sur e a África.

¿Como e con que obxectivos naceu Millasur?
Millasur nace no ano 2002 froito da idea de dar un servizo completo e integral de venda de recambios e accesorios. Xa no ano 2005, e co obxectivo de dar resposta á demanda dos seus clientes por ofertar unha liña de maquinaria propia, Millasur crea Anova: unha marca especializada en maquinaria para bosque e xardín. Desde ese momento, Millasur experimenta un salto cualitativo e cuantitativo importante que a leva a ser hoxe en día un dos líderes no eido da maquinaria deste sector.

Non hai que esquecer que somos unha marca 100 % galega con sede en Galicia, desde onde se xestionan todo os procesos e pedidos. Ademais, a gran parte dos nosos clientes e distribuidores son tamén galegos.

¿Cales son os grandes datos da empresa a día de hoxe: facturación, número de traballadores, onde está o voso mercado?
Millasur conta cun equipo humano de máis de 65 persoas e cunha facturación actual superior aos 13 millóns de euros anuais, fitos que a converten nun dos líderes do sector no mercado español. O noso traballo vai dirixido a todo cliente potencial interesado no sector, enfocando o noso traballo de xeito especial ao particular esixente e ao traballador semiprofesional.

A vosa marca Anova é líder en bosque e xardín. Como xurdiu?
A marca Anova pretende dar resposta a todos os particulares esixentes ou usuarios semiprofesionais que buscan un produto de calidade a un prezo accesible.

Deste xeito, demostramos ao mercado que non é preciso gastar máis de 1000 € nunha máquina fiable, potente e duradeira. Pero, ante todo, o que pretendemos é ofertar o mellor servizo postvenda para que a relación co cliente non se circunscriba de xeito exclusivo ao proceso de venda-compra.

Que gama de produtos Anova ofrecedes e cales son as súas principais vantaxes?
Anova conta cun extenso catálogo con máis de 150 modelos de maquinas no que se pode atopar desde a maquinaria máis usual en bosque e xardín como motoserras, desbrozadoras, cortacéspedes ou cortasebes, ata outras máis pesadas como poden ser as motoaixadas ou vareadoras eléctricas, dando así resposta a un sector cada vez máis esixente e en demanda continua de innovación e novos produtos.

“Un dos produtos con máis éxito son as motoserras e desbrozadoras HXP”

Cales dos vosos produtos están a rexistrar mellores vendas?
Entre os produtos estrela deste período encóntranse, por exemplo, os motocultores MC500 e MC507, pero destaca especialmente a gama de motoserras e desbrozadoras HXP, unha gama de máquinas semiprofesionais con cinco anos de garantía.

Cal é o tipo de cliente ao que vos dirixides e que valoran máis dos vosos produtos?
Os nosos produtos van dirixidos aos particulares máis esixentes e aos clientes semiprofesionais que buscan un produto de calidade e con características de gama alta. O que máis valoran da nosa marca é a rápida resposta no servizo postvenda, xa que damos resposta inmediata a calquera problema que poida xurdir coa máquina.

Así mesmo, os nosos clientes descansan na tranquilidade dunha marca con recambios e garantía contrastados. Poden seguir confiando en nós e no servizo que lle ofrecemos se teñen calquera problema co produto despois da venda.

 “O que máis valoran de Anova é a rápida resposta no servizo postvenda e a facilidade para acceder a repostos”

Millasur tamén é distribuidor oficial para España e Portugal de marcas de recoñecido prestixio no sector. Cales son e que destacarías delas?
Actualmente, Millasur é distribuidor oficial para España e Portugal de Briggs & Stratton, Snapper, Murray e, máis recentemente, de Ferris.

Todas estas marcas son líderes e contan cunha bagaxe no sector dificilmente alcanzable. Os seus produtos, entre os que destacan cortacéspedes, tractores cortacéspede ou cortacéspedes de radio de xiro cero, están avalados no mercado pola súa calidade e polos innovadores sistemas que incorporan as súas máquinas. Para dar un dato, os motores da firma estadounidense Briggs & Stratton están montados no 80 % das máquinas de xardinaxe das marcas do mercado.

En que novos produtos ou proxectos estades a traballar?
A nosa prioridade actualmente é seguir mantendo a calidade na nosa liña de produtos e continuar dando resposta aos servizos que os nosos clientes demandan. Estamos facendo unha aposta grande pola maquinaria de batería, xa que está a alcanzar as esixencias do mercado en canto a potencia e rendemento, sen deixar de lado as vantaxes en canto a aforro se refire.

Porén, a nosa prioridade é a expansión internacional. Aínda que actualmente estamos presentes nalgúns países europeos como España, Portugal ou Francia entre outros, o noso obxectivo é dar o salto a América do Sur e a África, o que nos permitiría seguir expandindo a nosa marca e conseguir nova clientela.

“O noso obxectivo é dar o salto a América do Sur e a África”

Cal é a estratexia de futuro de Millasur para os próximos anos?
O que máis nos interesa como firma e como marca é seguir a medrar sen deixar de lado os piares fundamentais cos que comezamos: calidade, axilidade e garantía no servizo. Queremos seguir afianzándonos como un dos líderes no sector e que os nosos clientes nos sigan a ver como unha marca de confianza que lles proporciona sempre solución rápida e duradeira a calquera problema que poida xurdir.

Máis información:  https://anovamaquinaria.com/