O C.R.D.O. Monterrei e Abanca renovaron o convenio entre ambas entidades, aproveitando para traballar nun novo texto centrado en dar respostas á situación que está vivindo o campo, moi marcada polo aumento dos custes de produción. Desde este momento, os viticultores e bodegas poden acceder ás novas alternativas de financiación deseñadas para facer fronte ás necesidades do colectivo. O foco do novo catálogo recae, entre outras, no crédito, polo que se inclúen produtos con condicións melloradas na contratación . Dentro destes destaca unha conta creada para financiar os gastos de abono, fertilizantes, poda e outros aspectos da actividade do sector. Con todo isto, contarán cun prazo de ata cinco anos, cuestión que lles permitirá aforrar gastos de intervención notarial. Ademais, os integrantes da D.O. Monterrei tamén optarán a produtos como liñas de comercio exterior, financiación mediante leasing, confirming, factoring, avais e anticipos de subvencións ou impostos. Na xuntanza da presidenta do C.R.D.O. Monterrei, Lara Da Silva, e a directora de zona de Abanca en Ourense Sur, María José Pérez, encargadas de asinar o novo convenio, expuxeron que “no caso de poñer en marcha inversións para mellorar a competitividade das súas explotacións agrarias, medrar ou afrontar retos estratéxicos, o colectivo contará con outras solucións como préstamos específicos con prazos de amortización amplos e intereses baixos”. Ademais, poderán aproveitar as fórmulas de financiación oficiais que o banco inclúe nos convenios con diversos organismos públicos. Abanca porá a disposición dos viticultores seguros específicos para o sector, como a liña Agro Seguro, o Seguro de Explotación Agraria ou o Pyme Bodegas. Para xestionar isto, a entidade financeira ofrecerá aos integrantes do Consello Regulador persoal especializado na xestión de seguros para que os asesores sobre as pólizas que mellor se adapten a cada caso concreto.

O Consello Regulador da Denominación de Orixe (DO) Monterrei acaba de renovar o seu convenio de colaboración con Abanca. A firma do acordo levouse a cabo este xoves en Verín entre a presidenta do Consello Regulador de Monterrei, Lara da Silva, e a directora de zona de Abanca en Ourense Sur, María José Pérez.

O texto activa novas opcións de crédito deseñadas para facer fronte ás necesidades de viticultores e adegas pertencentes a esta denominación de orixe. O catálogo inclúe unha oferta creada especificamente para este colectivo, cunhas condicións melloradas na contratación e con produtos adaptados ás súas demandas. Para facer fronte ás necesidades máis urxentes, os viticultores do Consello Regulador de Monterrei terán acceso a unha conta de crédito deseñada para financiar os gastos de abono, fertilizantes, poda e outros aspectos da actividade do sector. Tamén, contarán cun prazo de até 5 anos, que lles permitirá aforrar gastos de intervención notarial.

Os produtores do DO Monterrei tamén optarán a produtos como liñas de comercio exterior, financiamento mediante leasing, confirming, factoring, avais e anticipos de subvencións ou impostos. Así mesmo, no caso de pór en marcha investimentos para mellorar a competitividade das súas explotacións agrarias, medrar ou afrontar retos estratéxicos, o colectivo contará con outras solucións coma préstamos específicos con prazos de amortización amplos e intereses baixos.

Doutra banda, poderán gozar das fórmulas de financiamento oficiais que o banco inclúe nos convenios con diversos organismos públicos, como a Liña ICO – Covid-19, que se axusta ás novas demandas debido á situación sanitaria actual. Tamén están dispoñibles os seguros específicos para o sector, como a liña Agro Seguro, Seguro de Explotación Agraria ou PEME Adegas, entre outros.

A bioeconomía e a compensación de emisións de CO2 preséntanse como novas oportunidades para os montes e o sector forestal galego nos próximos anos. Así o puxeron de manifesto diferentes expertos nun encontro dixital organizado este martes pola entidade financeira Abanca. Son dous eixos que están xa a xerar opcións, como o rexistro de proxectos forestais para a compensación de emisións de CO2 (Ministerio de Transición Ecológica). Galicia quere posicionarse como unha alternativa viable para a compensación das emisións contaminantes mediante os seus montes e o sector forestal, con ferramentas específicas para canalizar estes esforzos. “A Fundación Arume pretende ser unha xanela privilexiada para encauzar as inversións das empresas e marcas, sobre todo as galegas, para compensar as emisións que producen ó planeta, namentres traballan por reducilas”, explicou José Carballo, presidente da Fundación Arume, entidade que integra a toda a cadea de valor da madeira.

“A Fundación Arume pretende ser unha xanela privilexiada para encauzar as inversións das empresas para compensar as emisións”: José Carballo, presidente da entidade

Carballo tamén apostou neste foro especializado por converter Galicia na primeira eurorrexión descarbonizada.

Reducir a pegada de carbono

O rexistro da pegada de carbono do Ministerio para a Transición Ecolóxica e os proxectos de absorción de emisións asociados é un dos motores de todo isto. Dende que se puxo en marcha hai 6 anos, inscribíronse neste rexistro 1.347 organizacións española de moi diverso tamaño e características, dende grandes grupos empresariais a pemes ou entidades sociais. Galicia ocupa o décimo lugar en canto ó numero de empresas incluídas neste rexistro, onde a industria manufactureira está á cabeza, seguida do sector do transporte e as administracións públicas. Este mecanismo foi creado para cuantificar, reducir e compensar as emisións de CO2. “Sempre que se calcula a pegada de carbono vai parello un plan para reducir estas emisións”, explica Marta Hernández, da Oficina Española do Cambio Climático do Ministerio, durante a súa intervención na xornada. A experta destacou o potencial do sector forestal como unha ferramenta para compensar as emisións de carbono, ben sexa mediante a creación de bosques propios ou facendo uso de terreos de terceiros.

Nos últimos 6 anos, os montes incluídos nos proxectos de mitigación de emisións permitiron compensar máis de 6.000 toneladas de CO2

Neste marco, impúlsanse proxectos de rexeneración forestal en zonas afectadas por incendios forestais ou en espazos sen masas boscosas nos últimos 30 anos. Son plantacións cunha superficie mínima dunha hectárea e onde debe haber un compromiso por 30 anos e unha xestión activa do espazo. Mediante estes montes, que inclúen diversas especies, formalizáronse 128 compensacións, o que supuxo unhas 6.094 toneladas de CO2 compensadas. Actualmente, contabilízanse 60 proxectos de absorción, que implican 175.000 toneladas de CO2 equivalente no período de permanencia que estableceron estas iniciativas e que comprenden unhas 818 hectáreas. “Cada vez estamos recibindo proxectos de rexeneración de maior tamaño”, concreta a experta. Galicia atópase como sexta comunidade autónoma, con 47 hectáreas de monte dentro dos 6 proxectos activos para a compensación de emisións. O esforzo por reducir a pegada de carbono e a colaboración directa co sector forestal tamén está a ser un dos eixos de traballo de entidades agrarias galegas como a cooperativa Clun. “Pese a ser dous motores do rural, durante anos estiveron moi afastados, e cómpre pór en valor a axuda que pode ofrecer o sector forestal a sectores como o do leite”, apunta Sabela Oca, responsable de Innovación, Calidade e Seguridade Alimentaria de Clun. De man da Fundación Arume, Clun proxecta un acordo para a recuperación de montes queimados, compensando así as emisións de carbono que produce nas súas industrias. Os esforzos por reducir as emisións na cooperativa comezaron xa no 2016, cando mediron a súa pegada de carbono e puxeron en marcha o proxecto de control da alimentación do gando, cunha ración que simula o pasto de primavera, co que lograron unha redución de emisións do 22%, e coa que obteñen o seu leite Unicla.

A bioeconomía como motor

A bioeconomía amósase como outro dos eidos nos que o sector forestal debe centrarse. “As inversións en madeira son imprescindibles para a sostibilidade do planeta”, apunta Carballo. Neste ámbito, dende a Fundación Arume inciden en potenciar a produción de madeira de coníferas de calidade e en cantidade, tendo en conta a redución da superficie forestal destas especies que se amosa nos datos manexados pola Xunta e que boa parte da industria da madeira galega está orientada a esta produción. Para logralo, apostan por incrementar o valor das coníferas e as oportunidades da madeira sólida.

“A bioeconomía é posible e o sector forestal é clave para acadala”: Eduardo Rojas, presidente Colexio Oficial de Enxeñeiros de Montes

Eduardo Rojas, presidente decano do Colexio Oficial de Enxeñeiros de Montes, reivindica que “os bosques pasaron a ter unha aportación substancial ou estratéxica en políticas e plans europeos como os Obxectivos de Desenvolvementos do Milenio”. Deste xeito, a bioeconomía e a xestión dos montes convértense nunha “oportunidade de ouro” para xerar importantes beneficios económicos, medioambientais e sociais. Rojas, que exerce tamén como coordinador da Plataforma Juntos por los Bosques, incide na contribución dos bosques na mitigación de emisións contaminantes, tanto de xeito permanente, mediante o stock forestal; como temporal, co uso da madeira en sectores claves ou coa substitución de elementos máis contaminantes xa iniciada en ámbitos como a construción, o téxtil ou a automoción. Retos como a obtención de enerxía e materias primas sostibles, o reequilibrio territorial e demográfico ou a loita contra o cambio climático teñen no sector forestal un aliado. “A bioeconomía é posible e o sector forestal é clave para acadala. En Galicia xa comezastes este camiño”, apunta o experto.

ABANCA, a entidade financeira de referencia no sector agropecuario en Galicia, dispón dunha ampla oferta de produtos financeiros especialmente pensados para o agricultor e gandeiro e para o negocio do campo. E con asesoramento especializado na oficina máis próxima.

Financiamento para cada necesidade:

1) ¿Necesitas financiamento para o día a día?

-Tramitación e anticipo de axudas PAC 2019:

Sabemos que o teu tempo é moi valioso por iso encargámonos da tramitación da túa PAC e, ademais, ofrecémosche a posibilidade de adiantar até o 90% do cobro das axudas da PAC para que poidas dispor do importe desde o primeiro día, cando máis o necesites. Coa nosa experiencia podémosche axudar na tramitación cunha xestión áxil, cómoda e totalmente gratuíta.

Solicítaa aquí

-Póliza de crédito:

Axudámosche a mellorar a estabilidade do financiamento do circulante que necesita a tesouraría da túa explotación. Disporás dun aliado tan flexible como sólido para financiar da forma máis eficaz as túas necesidades de liquidez, até un prazo de 5 anos e con condicións moi vantaxosas a tipo variable.

Máis información sobre a póliza de crédito nesta ligazón

-Subvencións:

Facemos que as túas relacións coa Administración sexan moito máis sinxelas e levadeiras. Anticipámosche as subvencións concedidas, a devolución dos impostos e financiamos as túas obrigas tributarias. Utilizamos a nosa experiencia no sector para facerche a vida máis cómoda.

Pide cita aquí cun dos nosos xestores especializados e infórmate

-Liñas de desconto:

Para que o cobro das túas letras, pagarés, recibos ou facturas non supoña un problema, facilitámosche que anticipes o seu cobro cunhas condicións moi competitivas.

Pide cita aquí cun dos nosos xestores especializados e infórmate

2) ¿Queres financiamento para os teus investimentos?

Se estás a pensar en investir para mellorar a túa explotación, podémosche axudar a medrar sen preocupacións. Co financiamento de investimentos de ABANCA Agro mirarás cara ao futuro con seguridade.

-Financiamento oficial. Liñas ICO:

Para que a túa explotación siga medrando, facilitámosche o financiamento dos teus activos produtivos ou as túas necesidades de circulante. Coas liñas oficiais de crédito do ICO podes dispor de até 12,5 millóns de euros.

Solicítao aquí

Máis información sobre liñas de financiamento oficial

-Financiamento de equipamento:

Se estás a pensar en cambiar, ampliar ou modernizar as túas instalacións ou maquinaria, podemos financiar os teus proxectos de investimento a través de distintos convenios oficiais: Liñas ICO, SGRs e SAECA, cun interese variable e até en 12 anos, con posibilidade de carencia. E elixe a forma que máis che interese: préstamo ou leasing.

Solicítao

Máis información sobre como financiar o teu equipamento

3) ¿Queres un financiamento especializado?

Dispomos dunha ampla liña de servizos que garanten os teus pagos a provedores, financiamento de comercio exterior ou liñas multifinanciación.

-Confirming:

Esta é unha solución perfecta para optimizar o teu tempo e recursos no pagamento a provedores, con procesos máis simples e menos carga administrativa. Coas solucións de ABANCA poderás organizar e xestionar os teus pagos e diminuír os teus custos de aprovisionamento coa opción de pronto pago. E até nos podemos encargar de atenderche as chamadas.

Solicítao aquí

Máis información sobre confirming

-Comercio exterior:

En ABANCA garantímosche a seguridade, fiabilidade e financiamento dos teus pagos a provedores, aquí e no estranxeiro. Para iso acompañámosche nas operacións de importación e exportación cun servizo integral de calidade: crédito, afianzamento e xestión de cobros e pagos.

ABANCA pon á túa disposición unha ampla rede internacional, unha plataforma informática de vangarda e, sobre todo, o asesoramento personalizado dun equipo de xestión próximo. Temos unha gran experiencia en exportar produtos do campo.

Pide cita cun dos nosos xestores especializados e infórmate

4) Necesitas un seguro?

En ABANCA dispomos dun gran número de seguros especializados no campo para que, sexa cal for a túa preocupación, non teñas que pensar nela nunca máis.

-Agroseguro:

Comercializamos todas as liñas de Agroseguro. Ademais, dispomos dunha liña de financiamento específico para seguros agrarios que permite fraccionar o pago da prima até en doce mensualidades. Os nosos seguros inclúen:

-Retirada de animais mortos.
-Seguros pecuarios especializados en vacún (cobre a perda do animal, cesáreas, o baleiro sanitario por saneamento, etc.), apicultura, aviario, equino, porcino, ovino e caprino.
-Seguro forestal.
-Seguro agrícola para viñedos, hortalizas, froita, cultivos forraxeiros, cereal.. E se queres, pode cubrir, ademais das coberturas habituais, o dano producido por xabaríns, toupas ou outros animais nas colleitas.

Solicítao aquí

-Seguro de maquinaria:

O noso seguro de tractores e maquinaria agrícola cobre a póliza obrigatoria de circulación, pero ademais ofréceche a contratación de coberturas adicionais segundo as túas necesidades, como responsabilidade civil de traballos en bens propios ou alleos, accidente do condutor, asistencia médica, incendio, roubo ou perda total, entre outros.

Solicítao aquí

O Consello Regulador da Denominación de Orixe Valdeorras e ABANCA renovaron este xoves a súa colaboración en materia financeira. O presidente do Consello Regulador, José Luís García Pando, e o director territorial de ABANCA en Ourense, Rubén Saavedra Pedreira, rubricaron en Vilamartín un texto que escenifica o compromiso da entidade financeira cun compoñente básico da economía produtiva da provincia de Ourense e cun sector estratéxico para Galicia: o vitivinícola. No acto tamén participou o director de ABANCA Agro, Jesús Combarro Pereira.

O Consello Regulador do D.O.Valdeorras e ABANCA activan con este convenio alternativas de financiamento flexibles para facer fronte ás necesidades de adegueiros e viticultores durante os próximos meses, por exemplo a póliza de crédito vitivinícola que pode estenderse ata cinco anos e que permite afrontar gastos correntes.

Liñas de axuda da Xunta

Ademais, nesta mesma área, os clientes da entidade financeira poderán beneficiarse das liñas de axuda que acaba de activar a Xunta de Galicia, a través das cales adegueiros e viticultores poderán financiar os gastos de campaña e refinanciar os pasivos bancarios que venzan no próximos tres anos, con intereses ao 0%.

Doutra banda, este convenio complétase con outros produtos como a liña de financiamento de investimento cun prazo de ata 12 anos sen comisións, financiamento a través de leasing, liñas de confirming, liñas de comercio exterior para aquelas adegas con actividade exportadora ou anticipo de subvencións ou impostos.

O convenio facilita tamén o poder asegurar a colleita a través das liñas de Agroseguro e cubrir danos como os ocasionados polas xeadas, a seca ou a sarabia e que poden supor perdidas importantes na produción, tal e como ocorreu este ano.

O convenio tamén incorpora seguros para adegas e unha liña de financiamento específico para facilitar o pago daquelas primas máis elevadas.

Sobre ABANCA Agro

Esta iniciativa desenvólvese a través de ABANCA Agro, a división específica de ABANCA centrada no sector primario e en dar resposta ás súas necesidades. Esta división achega un valor engadido diferencial a través da súa oferta diferenciada para o sector e conta cunha rede de oficinas moi ampla en Galicia e con presenza na maior parte de municipios nos que ten relevancia o sector vitivinícola.