O sindicato Unións Agrarias denuncia “a total falta de sensibilidade e respecto aos gandeiros” que se desprende da campaña de "banalización do leite" que tanto Carrefour como Cepsa puxeron en marcha regalando 6 bricks por cada 10 euros de gasto en combustible, (aproximadamente 6 litros de gasolina). A organización agraria convida aos produtores lácteos a que “en xusta reciprocidade, abonen o custe dos seus repostaxes coa mesma moeda, en litros de leite”.
O sindicato chama aos consumidores e consumidoras que “fagan unha compra responsable e solidaria coas familias de gandeiros que teñen que malvender a súa produción para que os donos de empresas como, Carrefour, Día, Eroski, Lidl ou Gadis sigan engordando as súas contas bancarias”.
Loading ad.
Ad could not be loaded.