As forraxes, e en concreto o silo de millo, son a base para a alimentación da gandaría de vacún. Trátase dun cultivo fundamental, no que o gandeiro inviste moito diñeiro, polo que resulta clave unha boa conservación. Coa gama de conservantes de Delagro asegúrase a calidade do ensilado controlando a fermentación.
Neste sentido, os dous factores principais para unha correcta fermentación das forraxes son:
-Un rápido descenso do PH da masa de forraxe mediante a fermentación láctica.
-Tapar e manter o silo coa mínima cantidade posible de osíxeno.
Precisamente, os conservantes permiten asegurar unha satisfactoria calidade de conservación da forraxe cando a súa ensilabilidade é baixa (exceso de materia seca por recoller o millo demasiado tarde...etc) ou porque as condicións climatolóxicas son adversas debido á choiva.
Delasil:
Delasil é un conservante biolóxico que permite baixar rapidamente o PH da masa de forraxe e mellora a estabilidade aeróbica, evitando o quecemento unha vez aberto o silo.
A formulación dos produtos asegura:
-A proliferación das bacterias acedo lácticas, que baixan o PH rapidamente.
-A redución do crecemento de fungos.
-A redución do osíxeno no ensilado, grazas á incorporación de Lactococcus lacti 0-224, unha nova cepa única de Delagro, que consome rapidamente o osíxeno do ensilado, estabilizándoo moi rapidamente.
Ademais, a súa acción acelera e mellora o crecemento doutra cepa, Lactobacillus buchneri, que controla o crecemento de fungos e evita o quecemento do ensilado unha vez que se abre.
Delasil preséntase en forma sólida e a dose de aplicación é de 1 sobre por cada 50 toneladas de forraxe en verde.
Millsile:
Millsile reduce o PH rapidamente en ensilados difíciles, promovendo a correcta fermentación da forraxe. Ademais, controla o crecemento fúnxico, evitando quecementos e perdas de materia seca. Recoméndase a súa aplicación no silo nas frontes de consumo de forraxe.
Tanto en Delasil como en Millsile hai dispoñibilidade de aplicadores para facilitar a súa manexo.