Presumir de agricultores e de gandeiros dende os máis cativos ata os maiores a través das fotografías. Ese é o obxectivo do Concurso de Fotografía que organiza a Semana Gandeira de Mazaricos. As fotos participantes xa as podemos ver no Facebook.
O concurso está dirixido a todo o público coa temática “Mozos e maiores no agro”. As fotos serán valoradas por un xurado de expertos e serán premiadas con vales de compra nos establecementos de Mazaricos con 150 € para o primeiro clasificado; 100 para o segundo e 50 euros para o terceiro. Os gañadores coñeceranse este sábado pola tarde a partir das 17:00 horas na entrega dos premios que terá lugar no Pavillón Polideportivo da Picota.
#SEMANAGANDEIRA #EuSonMazaricos