Reproducimos a continuación o comunicado remitido por Carrefour sobre o acordo alcanzado a pasada tarde cos gandeiros da Plataforma en Defensa do Sector Lácteo Galego
[box style="0"]
Plan de acción de Carrefour para apoiar a sustentabilidade do sector lácteo galego
Entre as principais medidas a empresa de distribución consegue trasladar melloras aos gandeiros de ata 2 céntimos por litro, desenvolverá unha marca exclusiva de orixe Galicia e potenciará accións de valorización do produto lácteo nos seus centros
Madrid, 21 de decembro de 2015.- Centros Comerciais Carrefour poñerá en marcha un plan de acción orientado ao apoio do sector lácteo en Galicia. As medidas aprobáronse nun encontro que a empresa de distribución mantivo hoxe con produtores galegos na Coruña como apoio á sustentabilidade do sector lácteo galego.
Entre as principais iniciativas, a compañía revisará os procesos internos das súas referencias de leites exclusivos Carrefour con obxecto de trasladar melloras aos seus fabricantes, quen se comprometerá a repercutir estas melloras aos gandeiros, en virtude do acordo para a estabilidade e sustentabilidade do sector lácteo asinado en Madrid o 23 de setembro. Estas cifras poden supoñer ata 2 céntimos por litro de leite.
Igualmente, a compañía aprobou o desenvolvemento dunha marca exclusiva orixe Galicia, con posibilidade de comercialización en todos os seus centros a nivel nacional.
Carrefour, empresa comprometida coa sustentabilidade do sector lácteo nacional traballa con presenza nas súas tendas de marcas lácteas de ámbito e orixe nacional, rexional e local de todas as comunidades autónomas. Os produtos lácteos marca Carrefour son 100% orixe nacional, máis do 90% dos mesmos son de orixe galega, establecendo contratos estables cos seus fabricantes.
A compañía sempre participou nos distintos convenios e acordos subscritos baixo o amparo das administracións públicas, para a mellora da cadea de subministración destes produtos e a súa sustentabilidade.
Ademais Carrefour seguirá desenvolvendo accións de promoción de produtos lácteos galegos nos seus establecementos e a valorizar no punto de venda o leite, tal e como vén realizando en toda a súa rede de hipermercados e supermercados. A compañía traballa de forma continuada para contribuír a un marco estable e sustentable para o sector.
[/box]