O Consello da Xunta aprobou hoxe o nomeamento de Belén do Campo como nova directora Xeral de Gandería , Agricultura e Industrias Agroalimentarias da Consellería do Medio Rural, en substitución de Patricia Ulloa.
Así o anunciou o presidente galego, Alberto Núñez Feijóo na rolda de prensa posterior á reunión do Consello da Xunta. Belén do Campo ocupou desde 2011 o posto de delegada territorial da Xunta na provincia da Coruña. Entre 1989 e 2011 foi elixida deputada e senadora nas Cortes pola provincia da Coruña nas listas do Partido Popular.