A Vicepresidencia da Xunta vén de convocar axudas dirixidas ás asociacións veciñais, federacións que as agrupan, comunidades de augas e ás asociacións de mulleres rurais. A Administración prevé unha partida presupostaria de 3 millóns de euros para distribuir entre os colectivos, a razón de 1,1 millón de euros para A Coruña, a mesma cantidade para Pontevedra e 500.000 euros para Ourense e 500.000 para Lugo.
As subvencións cubrirán investimentos que teñan que executar as asociacións en instalacións ou en equipamentos. Para instalacións, o máximo subvencionable é de 15.000 euros, en tanto que para equipamentos o máximo é de 5.000 euros. As axudas poderán cubrir a totalidade do investimento que execute a asociación.