A Consellería de Medio Rural vén de convocar as axudas da Política Agraria Común (PAC), que en Galicia benefician principalmente ás explotacións de leite, de vacún de carne e de ovellas. Xunto coas axudas da PAC, pódense solicitar as axudas do Plan de Desenvolvemento Rural (PDR) dirixidas ás explotacións agrarias, tales como as axudas para extensificación (antigas axudas agroambientais e de contrato de explotación sustentable), as indemnizacións compensatorias para zonas de montaña ou as subvencións dirixidas á agricultura ecolóxica, razas autóctonas e apicultura.