Boqueixón inicia hoxe as V Xornadas Gastronómicas da Filloa que se prolongarán ata o próximo sábado, día 29. Ó longo desta semana varios locais da hostalería empregarán a filloa como base para a elaboración das súas tapas, con propostas tanto doces como salgadas.
Os establecementos que participan son: Bar-Restaurante “O Imprevisto”, restaurante “Vente vindo”, café-bar “O 26”, cervexería “O Vikingo”, restaurante “Vía da prata”, Casa de Xantar “Casa Castro” e taberna “O tapeo”.
As xornadas desenvolveranse ata o 29 de febreiro en horario de 12:00 a 15:00 horas e de 21:00 a 23:30 horas. As tapas terán un prezo de 2 euros.
- Consulta aquí o mapa cos establecementos participantes.