As empresas que demandan e ofrecen servizos nos ámbitos agroalimentario, da biomasa e biotecnolóxico teñen unha cita este xoves e venres en Ourense, onde se celebra o encontro Agrobiotech Innovación, organizado pola Axencia Galega de Innovación, dependente da Xunta, xunto co Parque Tecnolóxico de Galicia.
O encontro, que ten o obxectivo principal de xerar un contacto inicial entre empresas, complétase cun programa de conferencias sectoriais nos campos da biomasa, da biotecnoloxía e da agroalimentación.
Pódese consultar aquí o programa completo de Agrobiotech Innovacion.