Os diferentes Fondos Operativos de apoios da Unión Europea aos sectores produtivos achegan no período orzamentario do 2016 axudas relacionadas tanto con sectores produtivos concretos coma con fomento e creación de emprego, innovación, comercialización ou investimentos.
Para afondar nas distintas liñas de axudas que poden resultar de interese para agricultores e gandeiros, AGACA, en colaboración con CaixaBank, organiza o xoves, día 28 de xaneiro, a Xornada “Liñas de Axudas e Apoios Públicos”, no Hotel Eurostars – San Lázaro de Santiago de Compostela (Avda. Fernando Casas Novoa, s/n).
Dirixida principalmente a xerentes e persoas socias de cooperativas, a Xornada contará con relatorios de expertos de diferentes institucións:
- Axudas para os investimentos en transformación e comercialización de produtos agrarios para o período 2014 – 2020.- José Manuel Janeiro (jefe de Servicio de Industrialización y Comercialización de la Consellería de Medio Rural).
- Liñas de apoio financeiro do IGAPE e Programas de Internacionalización do IGAPE.- Un representante del IGAPE presentará seis liñas de axudas da entidade.
- Axudas para o apoio aos investimentos nas explotacións agrícolas, para creación de empresas para os agricultores mozos e para a creación de empresas para o desenvolvemento de pequenas explotacións no marco do PDR de Galicia 2014 – 2020.— Nicasio Mejuto (Subdirección General de Explotaciones Agrarias).
- Liñas de Axudas de Aforro Enerxético do INEGA .— José Ángel Abad (jefe de Área de Ahorro y Eficiencia Energético del INEGA).
- Incentivos á contratación das persoas mozas inscritas no Sistema Nacional de Garantía Xuvenil .—Jorge Barros (Subdirección General de Empleo).
- Programas de axudas da Subdirección Xeral de Economía Social .— Alba Paz (Subdirección General de Economía Social).
A Xornada comezará ás 9:15 horas e finalizará ás 14:30 horas, cun xantar.
As persoas con interese en asistir, poden inscribirse a través do correo electrónico berta.agaca@gmail.com, chamando ao teléfono 981 58 49 11 ou ben completando este formulario