"Dende Acruga levamos anos demandando das distintas Adminsitracións unha resposta común a unha situación cada vez máis complicada. Os baixos prezos da carne e o incremento dos costes de produción ante a subida dos prezos dos pensos, combustibles, electricidade, etc, complican cada vez máis a supervivencia das nosas explotacións", aseguran desde a asociación de criadores da raza rubia galega.
Desde Acruga reclaman que "dunha vez por todas" as Administracións fixen "de xeito conxunto" unha "folla de ruta coa que reverter a difícil situación que atravesa un dos sectores estratéxicos da nosa economía".