O Ministerio de Agricultura e Pesca, Alimentación e Medio Ambiente publicou este martes, no Boletín Oficial do Estado, a convocatoria do Premio Alimentos de España ao Mellor Viño, ano 2017. O seu obxectivo é promocionar e dar a coñecer os viños españois con Denominación de Orixe e Indicación Xeográfica Protexida de maior calidade e propiedades organolépticas.
Segundo establece a convocatoria, poderán participar no premio os viños que pertenzan a algunha das Denominacións de Orixe Protexidas (DOP) e Indicacións Xeográficas Protexidas (IXP) españolas recoñecidas pola Unión Europea. A empresa elaboradora deberá ter, ademais, a súa sede principal situada dentro do territorio español e os viños terán que obter mellor puntuación no Concurso Internacional de Viños Bacchus 2017, organizado pola Unión Española de Catadores.
Mediante a convocatoria dos Premios Alimentos de España o Ministerio recoñece a excelencia dos produtos alimentarios españois, entre eles o viño, e o labor levado a cabo por profesionais e entidades que participan na produción, transformación, utilización, comercialización e difusión dos mesmos.
Máis información en: