A Universidade de Santiago acaba de abrir o prazo de matrícula no Máster en Produción de Leite, que se organiza por cuarto ano consecutivo.
O máster impartirase en Laboratorio Interprofesional Galego de Análise do Leite (LIGAL) e na Escola Politécnica Superior, Universidade de Santiago de Compostela, Campus de Lugo. O programa articúlase en diversos módulos teóricos nos que se abordarán temas como a morfoloxía, fisioloxía e manexo da vaca; calidade do produto; instalacións; produción de forraxes; alimentación e economía. O curso complétase coa realización de prácticas obrigatorias en diversas empresas do sector.
O prazo de matrícula finaliza o 24 de xuño. As clases presenciais comezarán no mes de setembro e durarán ata maio de 2017, mentres que as prácticas en empresas de outubro de 2016 ata non máis tarde do 30 de Xuño de 2017.
Toda a información do Máster en Produción de Leite nesta ligazón.