A Autoridade Europea de Seguridade Alimentaria (EFSA, nas súas siglas en inglés) confirmou que os pesticidas neonicotinoidesaplicados por medio da pulverizacion foliar ( aero-aplicacións) supoñen un risco para as abellas.
En concreto, a EFSA publicou avaliacións sobre os riscos para as abellas da clotianidina, imidacloprid e tiametoxam para todos os usos distintos dos tratamentos de sementes e gránulos. Nos casos en que se puido completar a avaliación, os riscos altos foron ben identificados ou non podían ser excluídos. Noutros casos, a avaliación de riscos non puido finalizarse debido a falta dalgúns datos.