O último informe de Alimarket sobre a situación do sector do queixo en España advirte do descenso do consumo de queixo de libre servizo, así como da diminución do prezo de venda ao público, no que inflúe a entrada de importacións a moi baixo prezo. A consultora espera que a situación se empezo a corrixir “no segundo semestre de 2016, cando se materialice a previsible modificación á alza do prezo medio da materia prima láctea”.
En concreto, segundo Alimarket o consumo de queixo en libreservicio presentou un descenso ata febreiro do 2,67%, para situarse na contorna das 191.500 toneladas cun valor de mercado de 1.392 millóns de euros, un 1,32% por baixo do período anterior. É de destacar tamén a forte caída que rexistra a venda de queixos nacionais que retrocede nos doce meses analizados un , -ata febreiro de 2016- un 14,06%, aínda que é certo que o seu valor incrementouse nun 9,65%.
Segundo fontes do sector consultadas por Alimarket, os desequilibrios no mercado lácteo, cun importante número de operacións especulativas na canle tradicional e foodservice, así como o maior poder de negociación da distribución organizada, repercutiron na consecuente diminución do prezo de venda do queixo e na rendibilidade das queixerías. A isto engaden entrada en España de produto doutros países da Unión Europea a moi baixo prezo
Datos positivos para os queixos frescos, de pasta veteada e de importación
Por segmentos do mercado, segundo o informe de Alimarket a venda de queixos de pasta prensada nacional baixou ata febreiro de 2016 ata representar o 68,8% do total -un 69,4% no período anterior-. En valor a caída foi menor: dun 70,6% do total do valor do mercado en distribución pasou a representar o 70,5%.
Pola contra, aumentou o peso do queixo de pasta prensada de importación, pasando de supoñer o 18,9% ao 19,1% en volume pero descendeuse lixeiramente valor, do 17,8% ao 17,7% do total, polos menores prezos de importación.
En canto ao queixo fresco, creceu en volume pero baixou en valor. En concreto, en volume pasou de representar o 5,7% do total ao 6,3%, pero en valor baixou do 5,6% ao 5,3%. Idéntica caída de prezos produciuse nos queixos fundidos, que pasaron do 2,8% do valor total do mercado de queixos ao 2,4%, unha caída maior que se descenso en volume: pasou do 2,8% ao 2,6%.
Pola contra, os queixos de pasta veteada, mantivéronse estables en volume, un 1,6% do total, pero creceron notablemente en valor, pasando do 1,6% ao 2,0%. Evolución positiva tamén a experimentaron os queixos de pasta branda: baixaron lixeiramente en volume do 1,5% ao 1,4% pero subiron en valor do 1,5% ao 1,7% do valor total das vendas de queixos en España.
[box style="0"]
As queixerías galegas: entre as de menor volume de vendas
Outro dato que chama a atención do informe de Alimarket é pouco peso da queixerías galegas no contexto español. Así entre as principais empresas fabricantes e importadoras de queixos en España temos que baixar ata o posto 40 para atopar a primeira galega, Lácteos Casa Macán, de Taboada (Lugo), que en 2015 elaborou 3.000 toneladas de queixo; seguida por Innolac, de Castro de Rei (Lugo), no posto 46, con 2.100 toneladas, e a maior distancia, no posto 61, Lácteos Pérez Olveira, con 1.500 toneladas, e Queserías Prado no posto 65 con 1.300 toneladas de queixo.
O primeiro posto no ránking ocúpao o Grupo Teodoro García Trabadelo (TGT), con sede en Cataluña e que en 2015 fabricou e importou 150.000 toneladas de queixo. Este xigante do sector é precisamente o que poxa neste momento por adquirir as dúas plantas de Lácteos Pérez en Santa Comba e no Pino, con competencia coa oferta de Dairylac.
[/box]