Un total de 9 xovencas próximas ao parto e 17 vacas paridas de raza Frisona poxaranse este sábado en Sarria dentro da XXIX Mostra Gandeira San Isidro Labrador.
A poxa, que se celebrará no mercado gandeiro ás 12:00 horas, está organizada por Africor Lugo en colaboración co concello de Sarria.
Dende Africor Lugo destacan que “todos os animais contan con análises sanitarios, grazas á colaboración cos servizos veterinarios da Consellería do Medio Rural e do Laboratorio de Sanidade e Produción Animal de Galicia”.
“Son animais criados en explotacións da nosa provincia, adaptados ás nosas condicións de manexo. Trátase de potenciar e dar valor ao producido nas explotacións galegas, sen ter que depender do exterior para repoñer animais”, subliñan dende a asociación.
Velaquí a lista dos 26 animais que sairán á poxa: