Galego
O director da Axencia Galega da Industria Forestal (Xera), Alfredo Fernández Ríos, destacou o compromiso da Xunta de Galicia co impulso da madeira como material nas construcións públicas.
Así o fixo durante a visita ao curso Madeira estrutural. Bases e sistemas construtivos, organizado pola Escola Galega de Administración Pública (EGAP) e coordinado pola Xera, no marco do Plan de Formación 2025.
O alumnado visitou a empresa Xilonor, fabricante de madeira contralaminada (CLT) de piñeiro 100% galego, que subministra material para o novo centro de saúde de Abegondo, unha obra promovida polo Sergas e a Axencia Galega de Infraestruturas (AXI).
A formación impartirase tanto en presencial como online e está dirixida ao persoal das administracións autonómica e local. Trátase da primeira de catro accións que promove a Consellería de Economía e Industria para que o 20% da obra pública se realice en madeira.
Fernández Ríos animou aos 35 técnicos procedentes da Xunta a afiancar os seus coñecementos sobre produtos de madeira estrutural e sobre contratación pública de edificacións sustentables.
Finalmente, sinalou que o uso da madeira maciza industrializada está a medrar de xeito exponencial cada ano, unha mostra do avance cara a unha construción máis eficiente e respectuosa co medio ambiente.
Control OJD
