Galego
Acaban de finalizar os concursos de tenreiras e xovencas da raza frisoa que tiveron lugar na V Feira Profesional de Maquinaria, Agricultura e Gandería, Abanca Cimag-GandAgro 2025. Rey 1239 Chief Divina, da SAT Rey de Miñotelo (A Pastoriza, Lugo), proclamouse xovenca gran campioa de Galicia e Internacional no XXXIII Concurso Autonómico da Raza Frisoa Fefriga’25 e o XLII Open Internacional da Raza Frisoa GandAgro’25. O exemplar venceu na sección de xovencas de 20 a 24 meses e nos campionatos de xovencas autonómico e internacional.
No campionato galego, o animal que quedou subcampión foi Rey 1273 Haxl Bambi, da mesma gandería. No Internacional foi Marquet Alyson Dynasty, de Cal Marquet (Pla de Sant Tirs, Lleida).
Na mañá tamén se xulgaron os campionatos de mellor criador, que tamén foron conquistados por Rey de Miñotelo. No campionato galego, gandería O Rubio (Santa Comba, A Coruña), conquistou o segundo posto e no internacional fíxoo El Campgran, de Sant Martí Sescorts (Barcelona).
Rey de Miñotelo, mellor criador de xovencas galego e internacional
Pola tarde continúan os campionatos das seccións de vacas adultas e nomearase á gran campioa do Autonómico e Internacional.
Consulta todos os resultados na páxina web de Fefriga
Control OJD
