Xornada en Boimorto sobre control de malas herbas no millo en ecolóxico

Medio Rural impartiu un curso para unha trintena de gandeiros sobre o control mecánico das malas herbas, sen uso de fitosanitarios

Publicidade
Xornada en Boimorto sobre control de malas herbas no millo en ecolóxico

Demostración de escardado mecánico do millo en Boimorto.

A finca de produción ecolóxica ‘A Sobreira’, no concello de Boimorto (A Coruña), acolleu estes días unha xornada de formación sobre o control de malas herbas na produción de millo en ecolóxico. A actividade foi impartida polo Centro de Formación e Experimentación Agroforestal de Sergude e contou coa asistencia dunha trintena de gandeiros.

A xornada, organizada pola Consellería do Medio Rural, incluíu unha demostración en campo na que se amosou como eliminar as malas herbas a través de procedementos mecánicos e sen a utilización de produtos fitosanitarios.

Estes procedementos mecánicos de control de herbas adventicias resultan de grande interese para a produción ecolóxica de forraxes. Ademais, atendendo aos requisitos e ecoesquemas da nova PAC, Medio Rural precisa que tamén serían atractivos para a produción convencional de millo forraxeiro, xa que a eliminación mecánica das malas herbas permitirá un uso máis sostible dos fitosanitarios.

escardado millo ecoloxico 2

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información