Galego
O Servizo de Nutrición e Benestar Animal (SNBA) da Universidade Autónoma de Barcelona (UAB) e o Instituto Nacional de Investigación e Tecnoloxía Agraria (INIA), co patrocinio de Zoetis, organizaron tres xornadas formativas en torno ao simulador de explotacións leiteiras co obxectivo de coñecer o funcionamento deste software para a valoración de decisións técnicas e económicas na granxa, así como realizar unha análise crítica sobre a súa utilidade práctica, vantaxes e limitacións.
En concreto, as xornadas celebráronse os días 19 de setembro na UAB, 21 de setembro no INIA en Madrid, e 28 na Universidade de Santiago de Compostela en Lugo, co título de “Introdución ao uso do simulador de explotacións leiteiras como ferramenta para a toma de decisións técnicas e económicas”.
Un simulador que, desenvolvido polo SNBA co apoio de Zoetis, poñíase en marcha a comezos deste ano coa finalidade de modelizar unha explotación de bovino de leite e simular o seu comportamento para facilitar a toma de decisións estratéxicas na granxa.
Zoetis colaborou no desenvolvemento deste innovador simulador en liña co seu concepto de Farmaco€conomía, co obxectivo de axudar ao profesional para tomar decisións a cerca do uso de medicamentos e vacinas baseadas na relación entre os custos e os resultados clínicos e produtivos obtidos tras o uso de diferentes opcións terapéuticas no manexo dunha doenza ou momento produtivo.
É posible acceder ao simulador de explotacións leiteiras a través da seguinte ligazón: www.zoetis.es/simuladorfarmacoeconomia
