O Centro de Investigacións Agrarias de Mabegondo (CIAM), dependente da Axencia Galega da Calidade Alimentaria (AGACAL), en colaboración co centro de investigación vasco NEIKER, organizan para o vindeiro mércores, 9 de decembro, un webinar sobre “Sustentabilidade do sector vacún leiteiro: Aposta pola innovación e competitividade”.
Este foro ten lugar no marco do proxecto europeos Dairy-4-Future, no que se tratarán aspectos por recoñecidos expertos en áreas de nutrición, medioambiente e socioeconomía co obxectivo de conectar gandeiros e técnicos do sector e servir de inspiración para futuras innovacións no sector.
O seminario impartirase entre as 10:30 e as 12:30 horas, vía TEAMS, e ten o seguinte programa:
10:30 Benvida e presentacións
10:35 Introdución. Proxecto Dairy4Future. Pilar Merino
10:45 Perspectivas do mercado de produtos lácteos e sustentabilidade das explotacións de leite. Francisco Sineiro
11:05 Carencias estruturais na cadea de valor do sector lácteo. Jorge Santiso
11:25 Estratexias de alimentación e valoración das emisións nas explotacións leiteiras. Gregorio Salcedo
11:55 Casos prácticos. Innovación en alimentación: Mabegondo e Fraisoro. Cesar Resch e Aser García
12:15 Peche e debate