A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

Webinar sobre a optimización dos sistemas para combater o estrés por calor en vacún de leite

Diversos expertos explican este mércores nunha xornada organizada por MSD na que varias ganderías contarán a súa experiencia, os beneficios produtivos e económicos do arrefriado dos establos para lograr maior confort no gando durante os meses do verán

O novo sistema de ventilación colle o aire do exterior e condúceo ao interior da nave a través dun tubo perforado

Sistema de ventilación de SAT San Antonio, en Palas de Rei, que conduce o aire a través dun tubo perforado

MSD Animal Health organiza este mércores 14 de xullo ás 18:00 horas un webinar baixo o título Estrés por calor: optimización dos sistemas de arrefriado, no que distintos expertos e gandeiros exporán distintas alternativas para mellorar o confort do gando nos meses de verán e os seus beneficios en canto á produción ou a aspectos reprodutivos.

Sebastián Ruiz, Xerente de Emporvet, dará o relatorio 20 anos de revolución dos sistemas de control de estrés por calor en vacún de leite. Despois, o Dr. Israel Flamembaun, Consultor internacional en manexo de granxas de vacún de leite e CEO de Cow Cooling Solutions, falará sobre os beneficios produtivos e económicos ao optimizar o sistema de arrefriado.

Por último, o webinar finalizará cunha mesa redonda de discusión sobre os sistemas para combater o estrés por calor con tres produtores de vacún de leite: Ramón Morla, de SAT More Holstein; Anxo Arronte, de SAT Arronte; e Pablo Librán; de SAT Irmáns Librán. Este debate será moderado por Anxo Revilla, Director da Unidade de Ruminantes de MSD Animal Health.

Apoiar a profesionalización do sector

Todas aquelas persoas interesadas en seguir esta xornada poden facelo gratuitamente tras rexistrarse a través deste link para poder acceder a este webinar e aos seus contidos tanto en directo como en diferido. Se se queren coñecer outras experiencias de profesionais do sector e acceder a outra información de interese, pode facerse seguindo @vacunalavaca en Facebook e Instagram.

A través deste e o resto de webinars de Vacuna la Vaca, MSD Animal Health pon de manifesto a súa aposta por apoiar a profesionalización do sector e estar xunto aos profesionais, veterinarios e gandeiros, que fan que grazas ao seu esforzo e dedicación no día a día, sexa posible dispoñer de produtos de alto valor nutricional para as persoas, garantindo en todo momento a saúde e o benestar dos animais.

Deixa unha resposta

O teu enderezo electrónico non se publicará Os campos obrigatorios están marcados con *