Galego
FSC España organiza para este martes 15 de setembro un webinar técnico e gratuíto sobre “Xestión forestal e conservación da biodiversidade FSC® (Indicador 6.5.4)”. É a primeira dunha serie de actividades formativas e de divulgación que vai desenvolver en Galicia para difundir a xestión forestal sustentable.
Será un obradoiro práctico no que se presentarán os conceptos de rede de áreas de conservación e as de áreas representativas incorporadas no novo estándar nacional de xestión forestal FSC, onde se debaterá sobre a súa implementación sobre o terreo.
Temática a tratar:
-Definición de áreas de mostra representativa
-Definición de rede de áreas de conservación
-Diagrama conceptual da rede de áreas de conservación
-Indicador 6.5.4 e o seu cumprimento (exemplos)
-Interpretacións do marco normativo
-Segundo borrador do estándar FSC para grupos de xestión forestal
Taller formativo, dinámico e participativo: Nel exporanse os contidos a tratar e exemplos prácticos, con posibilidade de que os participantes poidan participar activamente expondo as súas dúbidas, experiencias e comentarios.
Colectivos destinatarios da acción: xestores, consultores e industria forestal involucrados en certificación FSC de xestión forestal, así como entidades de certificación acreditadas por ASI.
Rexistro previo: Premendo nesta ligazón. O número máximo de prazas é de 25. Confirmarase inscrición e enviará ligazón de acceso á sesión en Zoom por correo electrónico.
Este webinar conta coa colaboración da Universidade de Santiago de Compostela (Campus de Lugo) e está financiado por Xera, a Axencia Galega da Industria Forestal
Inscríbete gratis enchendo este formulario: https://docs.google.com/forms/d/e/1FAIpQLSdi1ENe1b7efcw5hwdTALz4dblgme2-4Sy1bvJMOz9oHIskKQ/viewform
