Galego
O cambio climático é un feito incuestionable cada vez máis xeneralizado e intenso. Os bosques son os primeiros ecosistemas que empezan a sufrilo. Urxe adaptarse canto antes a esas modificacións que alterarán distribucións e producións, afectando tanto á xestión forestal como á súa industria.
FSC España está a avaliar eses efectos, co apoio científico e técnico de expertos das universidades de Alcalá e Vigo. Para compartir os primeiros resultados destas investigacións convidan ao webinar “Técnicas de adaptación ao cambio climático na xestión forestal e a industria da madeira FSC®”.
Será este xoves 18 de febreiro de 2021, ás 11:00 horas.
Programa:
11:00 h. Introdución ao proxecto, obxectivos (FSC España)
11:10 h. Modelización produción forestal (Pinus pinaster e Pinus sylvestris) para cada escenario da AEMET (Universidade de Alcalá)
11:30 h. Análise de riscos asociados no sector da industria da madeira e medidas de adaptación (Universidade de Vigo)
11:50 h. Que pode facer a industria para adaptarse a situacións cambiantes derivadas dos efectos do cambio climático nas nosas masas forestais? Conclusións (FSC España)
12:00 h. Preguntas
Evento aberto a socios e partes interesadas, que desenvolveremos en liña vía Zoom.
Inscrición gratuíta a través desta ligazón
O proxecto “Técnicas de adaptación ao cambio climático na xestión forestal e a industria da madeira FSC” contou co apoio da Fundación Biodiversidade, do Ministerio para a Transición Ecolóxica e o Reto Demográfico.
