Un terzo dos viños da D.O. Rías Baixas véndense xa no estranxeiro

As vendas no exterior superaron o pasado ano por primeira vez un terzo do total de botellas comercializadas polas adegas. Estados Unidos e Reino Unido son os dous principais destinos das exportacións

Publicidade
Presentación dos resultados das vendas no estranxeiro da DO Rías Baixas no ano 2021

Presentación dos resultados das vendas no estranxeiro da DO Rías Baixas no ano 2021

O ano 2021 deixou un resultado positivo no que se refire ás vendas exteriores dos viños da Denominación de Orixe Rías Baixas, concretamente con cifras récord e crecementos importantes no apartado de exportación: 9.483.092 litros en volume (cun incremento do 16,97%) e 56.239.888€ (+27,43%) en valor.

Estas cifras representan o 33,76% do total das vendas do conxunto das adegas durante o pasado exercicio, que por primeira vez na historia deste Consello Regulador as exportacións superan o 33%. Ademais, estes viños atlánticos foron postos no mercado exterior por 109 adegas da denominación e adquiridos por máis de 70 países.

Superados os peores momentos da covid-19, o Brexit e os aranceis norteamericanos, 0 viño Rías Baixas chega a 70 países

O total de viño amparado por esta DO véndese embotellado e o número de botellas vendidas no estranxeiro o pasado exercicio foi dun total de 12.644.123. O prezo medio por foi de 5,93€, superando así o prezo do ano anterior de 5,44€.

As exportacións creceron un 16,97% en volume e un 27,44% en valor e supoñen o 33,76% do total de vendas das adegas rexistradas na Denominación de Orixe

Superados os peores momentos da covid-19, os aranceis en Estados Unidos e a incerteza do Brexit, os mercados volven á normalidade e seguen a súa aposta polos viños da D.O. Rías Baixas. Aínda que Europa posiciónase como o primeiro comprador en canto a volume, América supéraa en valor.

Principais mercados de exportación

exportacion viños Rías Baixas 2021

Estados Unidos e Reino Unido, respectivamente, xa superan o limiar dos 2 millóns de litros. Completan os cinco primeiros destinos dos viños de Rías Baixas: Porto Rico, Irlanda, ambos con máis 500.000 litros, e Países Baixos. O top ten continúa en Canadá, Alemaña, México, Suecia e Suíza.

Destaca o incremento do volume en países como Suíza un 108,58%, tamén México cun 42,76%, Irlanda con 36,59, Países Baixos cun 22,25% e Estados Unidos cun 20,21%. Os aumentos en valor nestes países son aínda maiores, empezando por Suíza cun 140,99%, México cun 53,40%, Irlanda cun 33,88%, Países Baixos cun 32,19%, igual porcentaxe ten Estados Unidos.

O mercado americano xa supera ao europeo en canto ao valor das exportacións

Aínda que non se atopan entre os dez primeiros destinos, hai outros mercados que destacan pola súa traxectoria e que ocupan os seguintes postos: undécimo Rusia (+6,45%), duodécimo República Dominicana (73,49%) e décimo cuarto Xapón (28,12%).

Rusia ocupa o undécimo lugar entre os principais destinos dos viños da Denominación de Orixe Rías Baixas

Xa no exercicio 2021, o departamento de Marketing organizou accións promocionais en República Dominicana e Rusia. Estas actuacións manteranse durante este ano, excepto en Rusia, segundo se puxo de manifesto durante a presentación das cifras de exportacións da Denominación de Orixe Rías Baixas no exercicio 2021, que inclúen cifras récord e crecementos importantes.

Xunto a outras actividades en países do leste de Europa, tamén se continuará traballando nos plans promocionais tradicionais nos principais destinos de exportación: Estados Unidos, Reino Unido, Alemaña, Irlanda, Países Baixos, Canadá, México, Xapón e Suíza.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información