Tendencia á baixa na recría frisoa no Mercado de Amio

Tendencia á baixa na recría frisoa no Mercado de Amio

Reducida afluencia de gando este mércores no Mercado de Amio. // Mercado Nacional De Gando Santiago de Compostela.

O Mercado de Amio acusou este mércores un notable descenso da afluencia de gando, debido á xornada festiva do martes, que xa condicionou tamén a actividade na Central Agropecuaria de Galicia. Así, houbo 1.311 reses, o que supón 517 menos que a semana anterior. Contabilizáronse 1.077 cabezas de vacún menor (466 menos), 104 de vacún mediano (11 menos) e 130 de vacún grande (40 reses menos).

En canto ás cotizacións, apréciase unha tendencia á baixa nos prezos do gando de recría de raza Frisoa. Ademais, a sondaxe realizada entre os usuarios do mercado tamén amosou que se mantiveron os prezos da sesión anterior para todo o gando de recría, o mediano e o maior.

Tampouco houbo variacións nos prezos da carne comercializada baixo o selo da Indicación Xeográfica Protexida (IXP) Ternera Gallega. A mesa de cotizacións acordou manter os mesmos valores para todas as categorías e calidades desta carne.

Máis información
–Táboa de cotizacións de Amio (2-XI-2022).

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información