Tejerina sostén que Galicia vaise levar o 75% das novas axudas por vaca

Tejerina sostén que Galicia vaise levar o 75% das novas axudas por vaca

O sector está á espera da publicación dos beneficiarios das axudas.

A ministra de Agricultura, Isabel García Tejerina, que asiste estes días en Vigo e comarca a actos do sector pesqueiro, sostén que as novas axudas previstas para compensar ós gandeiros polos baixos prezos do leite irán a parar de xeito principal a Galicia. “A discriminación é positiva cara Galicia”, mantén a titular de Agricultura, que calcula que a comunidade recibirá arredor do 75% dos 20 millóns previstos en subvencións, “a falta de coñecer o reparto definitivo”, matiza.

En declaracións ós medios de comunicación, Tejerina apuntou que o seu departamento ten o obxectivo de que ningunha explotación peche pola coxuntura actual de prezos e cualificou de “conto” e de “invención” as críticas de Unións Agrarias e doutras organizacións do sector por un suposto agravio comparativo nas axudas ás explotacións galegas en relación ás doutras zonas do Estado.

Esta semana, Unións Agrarias anunciara a presentación dun recurso contencioso administrativo ante a Audiencia Nacional por entender que os criterios de reparto establecidos no decreto das axudas non tiñan en conta as particularidades das granxas galegas.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información