Subvencións para avais a explotacións lácteas

Publicidade

Administración convocante: Ministerio de Agricultura, Alimentación e Medioambiente

Enlace axuda: https://www.boe.es/boe/dias/2015/07/28/pdfs/BOE-A-2015-8463.pdf

Prazo: Ata 30/09/2015

Resumo:

O Ministerio de Agricultura, Alimentación e Medio publicou hoxe no Boletín Oficial do Estado as bases reguladoras e a convocatoria de subvencións destinadas á obtención de avais da Sociedade Anónima Estatal de Caución Agraria (SAECA) por titulares de explotacións gandeiras que garantan préstamos para financiar as súas explotacións.

Segundo o MAGRAMA, “o obxectivo é contribuír a mellorar o acceso ao crédito das explotacións de vacún de leite, ante as súas necesidades de financiamento a curto prazo para adaptarse a un mercado non regulado polo réxime de cota láctea”. Esta convocatoria tamén contribúe a paliar os efectos da menor dispoñibilidade de pastos na gandaría extensiva nas zonas de maior incidencia da seca desta primavera.

Subvencionar os avais para préstamos de ata 25.000 euros

Para iso, concederanse subvencións destinadas a financiar o custo dos avais concedidos por SAECA a novos préstamos de ata 25.000 € por beneficiario. Este límite poderá superarse nos créditos concedidos no marco da Liña ICO-garantía SGR/SAECA. Neste caso teranse en conta os límites propios da citada liña nas operacións avaladas por SAECA. O volume máximo de capital avalado previsto na liña é de 35 millóns de euros.

Poden beneficiarse da axuda as explotacións de vacún de leite de toda España, e as de gandaría extensiva nas seguintes provincias: Álava, Alicante, Almería, Ávila, Badaxoz, Baleares, Barcelona, Burgos, Cáceres, Xirona, Granada, Huesca, La Rioja, Lleida, Murcia, Navarra, Palencia, Salamanca, Segovia, Toledo, Valladolid, Zamorae Zaragoza.

O prazo de solicitude das axudas finaliza o 30 de setembro de 2015.

Deixa unha resposta

O teu enderezo electrónico non se publicará Os campos obrigatorios están marcados con *