O Mercado de gando de Amio rexistrou este mércores unha suba de 5 euros nos prezos de tódalas categorías e calidades do gando de recría. A venda do vacún mediano de matadoiro segue a caracterizarse pola súa lentitude, tal e como se extrae da sondaxe realizada entre os asistentes á sesión.
A mesa de Prezos de Ternera Gallega acordou esta semana manter os prezos sen cambios para todas as categorías e calidades.
En canto á asistencia houbo 1.643 reses, o que supón 195 máis que a sesión da semana pasada. En concreto contabilizáronse 1.352 cabezas de vacún menor, 151 máis que na sesión anterior. Houbo 125 de vacún mediano (44 máis) e 166 de vacún grande (o mesmo número que a semana pasada).