Suba dos becerros de recría en Silleda

Nas mesas de prezos acordouse seguir baixando o prezo dos leitóns. Cotizacións da Central Agropecuaria de Galicia do 29 de marzo

Suba dos becerros de recría en Silleda

As cotizacións deste martes da Central Agropecuaria de Galicia caracterizáronse pola suba dos prezos dos becerros de recría, tanto os de Frisona como os de Cruce Industrial e especialmente nos de 21 a 50 días, a categoría máis numerosa. O vacún maior tamén experimentou unha lixeira suba de prezos.

Deste xeito, nos tenreiros de Frisoa, os machos de menos de 20 días pagáronse a unha media de 101 euros, fronte aos 94 pasado martes. Sen embargo, a cifra representativa, é a dos de 21 a 50 días, onde a media foi de 120 euros por xato, sete máis que a semana pasada. Pola contra, nos tenreiros de máis de 51 días houbo unha baixada: 137 euros de media por animal fronte aos 162 do pasado martes.

Nos becerros de recría de Cruce industrial a tendencia foi tamén á alza. Nos xatos de menos de 20 días os prezos medios foron de 199 euros de media por animal fronte aos 160 da pasada semana. Na categoría máis numerosa e representativa, a de 21 a 50 días, o prezo medio dos machos foi de 310 euros, fronte aos 292 do pasado martes. Pola contra, nos becerros de máis de 51 días e ao igual que nos de raza Frisona houbo unha baixada significativa: 413 euros fronte aos 464 da anterior sesión.

No vacún maior a tendencia foi tamén a unha lixeira suba. Deste xeito, quedaron en 1.110 euros de media en categoría primeira, 719 en segunda -a máis numerosa- e 425 na de desvelle. A pasada semana as cotizacións foron de 1.105, 713 e 420 euros, respectivamente.

As cotizacións quedaron da seguinte maneira:

COTIZACIONS_SILLEDA_vacun_30_MARZO

Ovos sen cambios

Polo que respecta ás mesas de prezos, nos ovos acordouse manter os prezos da pasada semana: a categoría XL quedou en 1,17 euros; a L nos 1,11 euros por ducia; a M quedou en 1,08 euros e o prezo para a S fixouse nos 0,95 euros.

Nos coellos, non houbo cotización. En Madrid, onde se marcan os prezos para Galicia, os prezos mantivéronse nos 1,50 €/quilo.

Sen cambios no porco cebado e baixada nos leitóns

En canto ao porco cebado, a mesa de prezos acordou manter os prezos da pasada semana: 0,950 euros por kilo para a categoría Selecta; 0,955 para a Normal e 1,201 euros por kilo para a Canal II.

En Alemaña, o referente europeo para os prezos do porcino, esta semana os prezos baixaron un 0,02% ata os 1,31 euros o quilo.

En canto aos leitóns acordouse unha nova baixada: un 2% menos. Deste xeito quedaron nos 31 euros os procedentes de varias explotacións e nos 36 euros os procedentes dunha única explotación.

Os prezos do porcino quedaron da seguinte maneira:

COTIZACIONS_SILLEDA_porcino_30_MARZO

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información