Galego
A Mesa de Prezos da IXP Ternera Gallega acordou esta semana unha suba de 2 céntimos nas canais de todas as categorías e calidades da Indicación. En canto ó resto de gando, no mercado de Amio desta semana mantivéronse os prezos en todos os tipos de gando en relación á sesión anterior, segundo unha sondaxe realizada polo propio Mercado entre as persoas usuarias. Ademais, aconteceu unha suba de 5 euros en toda a recría de razas de Cor (decostrados, lactantes e destetados).
A asistencia de gando ó mercado desta semana foi de 1.965 reses, 59 máis que a pasada semana. Por categorías, houbo 1.620 cabezas de vacún menor, 143 de vacún mediano e 202 de vacún grande.
Máis información:
– Táboa das cotizacións de Amio (15-VIV-2021).
