A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

Solución de abonado integral coas tecnoloxías CoteN™ Mix e Haifa Bonus

Haifa desenvolveu un programa específico de nutrición para millo forraxeiro en Galicia

Solución de abonado integral coas tecnoloxías CoteN™ Mix e Haifa Bonus

Despois de varios anos de desenvolvemento, Haifa está implementando un programa de abonado para millo forraxeiro utilizando as dúas tecnoloxías máis avanzadas nos seus campos, como son a liberación controlada CoteN™ Mix e o fertilizante para nutrición foliar Haifa Bonus.

En que consisten estas tecnoloxías?

CoteN™ Mix – Fertilizantes de Liberación Controlada para o millo forraxeiro

CoteN™ Mix é un fertilizante de liberación controlada producido por Haifa e deseñado para achegar os nutrientes ás plantas de forma continua ao longo de todo o ciclo de cultivo, co obxectivo de lograr un desenvolvemento óptimo e un excelente rendemento. Baseado na tecnoloxía de recubrimento polimérico de Haifa, CoteN™ Mix libera o nitróxeno ao solo de forma gradual, dependendo unicamente da temperatura do solo, por tanto producirase unha maior liberación cando esta aumenta, o que coincide co incremento das necesidades das plantas.

CoteN™ Mix ofrécelle ás plantas unha nutrición equilibrada, de acordo ás súas necesidades, cunha única aplicación por ciclo de cultivo, mellorando o desenvolvemento da planta, o uso de nutrientes, aforrando man de obra e minimizando o impacto ambiental. CoteN™ Mix adáptase, na súa produción, ás necesidades locais do cultivo de millo forraxeiro de Galicia, que foron determinadas polos expertos de Haifa coa axuda dos agricultores.

Mecanismo de actuación do fertilizante de liberación controlada.

Mecanismo de actuación do fertilizante de liberación controlada.

A tecnoloxía de liberación controlada permite encapsular os nutrientes solubles en auga cunha cobertura polimérica que evita a disolución inmediata destes cando son aplicados ao solo. Despois da aplicación, a humidade da terra penetra lentamente a través do recubrimento e prodúcese unha disolución dos nutrientes, que se van a difundir a través do recubrimento cara á zona radicular, cunha adecuada proporción, de acordo ás necesidades de desenvolvemento do cultivo.

A porcentaxe de liberación depende só da temperatura do solo, por tanto producirase unha maior liberación cando a temperatura aumente, o que coincide co incremento das necesidades das plantas. Outros factores, tales como o tipo de solo, humidade, pH e actividade microbiana non afectan á liberación do fertilizante. Despois de que a liberación se complete, a cobertura baleira rompe e degrádase, non deixando residuos no chan (Figura 1).

Poly-Feed Haifa Bonus – Fertilizante foliar de acción prolongada

O fertilizante foliar desenvolvido por Haifa permítenos, por unha banda, aumentar a dose até niveis en que outros fertilizantes foliares resultarían fitotóxicos, e por outro achéganos unha asimilación gradual de até 2 semanas, algo nunca visto até o momento con outros fertilizantes foliares.

Haifa Bonus contén un adxuvante especial que achega:

1.- Unha mellor adherencia á superficie da folla.
2.- Mellor absorción.
3.- Produce un efecto de acción prolongada.

Haifa Bonus está deseñado para que a planta poida dispoñer dos nutrientes necesarios (fundamentalmente o fósforo) nos momentos máis críticos de desenvolvemento, neste caso nas primeiras semanas do ciclo do Millo, onde as baixas temperaturas fan que a absorción destes elementos se vexa mermada en solos con pH baixos.

Acción do adxuvante do fertilizante foliar de Haifa.

Acción do adxuvante do fertilizante foliar de Haifa.

Programa de abonado coas tecnoloxías CoteN™ Mix e Haifa Bonus

Para desenvolver este programa, tivemos en conta o tres factores seguintes.

– Necesidades da planta: Cales son as necesidades ao longo do ciclo de cultivo de todos os nutrientes que necesita a planta, en que cantidades de cada elemento ao longo do ciclo.

– Medio no que se desenvolve a planta: Non só o chan e a súa composición, senón tamén todos os aspectos bioclimáticos que interveñen na contorna da planta.

– Temperatura: facemos un especial estudo pormenorizado da temperatura no lugar onde imos aplicar o fertilizante, xa que a tecnoloxía de liberación controlada (como explicamos) só depende deste factor.

Con todo isto, desenvolvemos un programa de abonado específico para Galicia para o cultivo de millo forraxeiro que consiste no seguinte:

1) Aplicación en fondo e dunha soa vez. CoteN™ Mix con nitróxeno, fosforo e potasio, ademais dos elementos secundarios necesarios para o desenvolvemento da planta durante todo o ciclo de cultivo. Desenvolvéronse varias fórmulas dependendo do tipo de solo, pero una das máis usadas é CoteN™ Mix 20-7-6.

cadro nitroxeno solo

2) Posteriormente e co millo en 4 follas, aplicamos Poly-Feed Haifa Bonus, potente fertilizante foliar para achegar sobre todo os niveis de fosforo necesarios nun momento crítico da planta, onde a temperatura aínda é baixa.

Con esta estratexia, Haifa pon a disposición do agricultor as ferramentas nutricionais necesarias para obter colleitas de calidade e cantidade.

*Manuel Moreno. Técnico comercial e especialista agronómico en Haifa Iberia SL

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información