Soben os becerros carniceiros e baixan os de recría en Silleda

O vacún maior mantívose sen cambios, ao igual que os leitóns e os ovos. Baixa o porco cebado. Cotizacións da Central Agropecuaria de Galicia do 25 de agosto

Soben os becerros carniceiros e baixan os de recría en Silleda

Mercado de Silleda

As cotizacións deste martes da Central Agropecuaria de Galicia, en Silleda, caracterizáronse pola baixada xeneralizada dos becerros de recría. Pola contra, os becerros carniceiros subiron, mentres que o vacún maior mantivo uns prezos estables.

Así, nos becerros para recría de raza Frisona, os de menos de 20 días pagáronse a unha media de 91 euros; a 110 € os de 21 a 50 días -a categoría máis numerosa-, e a 126 euros os de máis de 51. A pasada semana os prezos foron de 105, 121 e 180 €, respectivamente.

En canto aos becerros de recría de cruce industrial, o prezo foi máis inestable, con respecto á pasada semana, xa que baixaron os de menos de 20 días, mentres que os de máis de 51 días e os de 21 a 50 días experimentaron un lixeiro incremento de prezo. En concreto, os machos de menos de 20 días pagáronse a unha media de 288 euros; a 316 € os de 21 a 50 días -a categoría con máis asistencia de xatos-, e a 410 euros os de máis de 50. A pasada semana os prezos foron de 295, 313 e 352 €, respectivamente.

Nos becerros carniceiros a suba foi xeneralizada en todas as categorías con respecto á semana pasada: 463 € para os de raza Frisona, 795 de media para os de cruce industrial e 934 para os de Rubia Galega. O pasado martes as cotizacións foron de 449, 735 e 909 euros, respectivamente.

No vacún maior os prezos rexistraron unha leve caída na Categoría Primeira, de 1.119 euros a 1.097, mentres que as vacas de Segunda, a categoría máis numerosa das tres, subiu lixeiramente dos 709 euros da semana pasada a 711 €. Pola contra, as vacas de desvelle baixan de novo ata os 422 euros.

As cotizacións quedaron do seguinte xeito:

COTIZACIONS_SILLEDA_VACUN_28_08_2015

Estabilidade nos ovos

Polo que respecta ás mesas de prezos, nos ovos acordouse manter os prezos sen cambios. Deste xeito, a ducia de ovos quedou nos 1,52 € para os XL; 1,30 € a ducia para a categoría L; 1,18 para a M, e 1,03 € a ducia para os de clase S.

Nos coellos, non houbo cotización. En Madrid, as cotizacións seguen nun mínimo anual de 1,30 €/kilo.

Baixada no porco cebado

En porcino, a mesa de prezos acordou unha semana máis baixar as cotizacións unha media do 0,05% nas categorías Normal e Selecto, e un 0,07% no Canal II, mentres que a categoría de Desvelle segue igual. En Alemaña baixaron os prezos do porco cebado un 0,01 %.

En canto aos leitóns acordouse manter os prezos da semana anterior, que quedaron nos 21 euros os procedentes de varias explotacións e nos 26 euros os procedentes dunha única explotación.

As cotizacións de porcino cebado quedaron do seguinte xeito

COTIZACIONS_SILLEDA_PORCINO_28_08_2015

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información